Dec 01 – Bhal hua Isor laga!

Psalms 31:19 oh Jehovah, jun apuni ke sonman kure taikhan nimite apuni kiman sundor achurit khan ke rakhi kene ase!sob manu khan jani kene aseapuni kiman bhal ase tai khan ke apuni kiman bhal pora dhuri kene ase.

Ami khan inika prithibi te thake jitu biya aru moila khan pora hi bhorta hoi kene ase. Inika homoi khan bi ase, jitya jun khan apuni pora labh hoishe, taikhan bi apuni laga khilaf te khara hoishe. Hoilebi itu khan sob laga majote, ami khan laga Isor itu hi diye jitu amikhan karone bhal ase. Psalms David pora koishe, junhi Isor laga bhal ke anubhav kurishe inika koi, “hoi  Isor pora itu hi dibo jitu bhal ase; aru amikhan laga mati pora phal uga tu barhi jabo” psalms 85:12

Ekbar ekta pastor tai laga manu khan logote ekta bhal mati girja karone bisari thakishe. aru bishi homoi tok taikhan bisari kene napai thakishe. bishi mohina pichete, kinuba pora taike mati bakabole mon janaishe, hoilebi dam tu bishi thakishe tai khan karone. Hoilebi, kilekoile itu girja cholai thaka manu khan thik mati napai kene thakishe itu karone tai khan utu mati ke hi lobule agh barhi she. Hoilebi utu pastor tu ghutna tea hi kene Isor laga agete, tai laga nijor prathana homoite, Isor laga icha ke bisarishe. Aru Isor pora taike kotha kurishe itu kooi kene:”bishi joldi nahobi. Ami ki bhal ase itu ke dibo.” Itu pastor pora itu kotha ke tai laga girja manu khan ke janai dishe, tai khan sob bi bishi gussa arum on dukh te thakishe.

Aru bi olop mohina jaishe. Aru ek din, ekta dhon manu tai khan laga gjaga te hi pastor ke matishe aru koishe ki taikhan tu alag desh te te jabole bhabna kurishe. Aru kilekoile tai khan bishi dhon ase, taikkhan utu thaki thaka mati tu daan kuribo mon girja nimite. Aru tai iku poisa bi naloi kene itu mati tu girja ke di dishe. Itu pichete hi girja manu khan janishe ki Isor tu kinika achurit pora taikhan ke bhal hi dishe. Tai khan Isor laga mahima dhonyabad mon pora dishe.

Jitya ekta prithibi laga baba bi jane kinika bhal khan hi tai laga bacha khan ke dibo, toh kinika swarg laga baba jun hi aru bi bishe morom ase apuni ke bhal khan nadibo? Tai pora hosa bi apuni khan ke bhal di  bo.itu homoi te jitya amikhan notun saal ahibole usor ase, ami khan laga Isor laga kosom pora inika koi ase: hosa pora bi bhal aru morom amike picha kuribo ami laga jibon laga din khan ke; aru ami thakibo Isor laga ghor te hodai din (psalms 23:6)

Apuni bishi lorai khan laga smna kurishe pare itu saal te, aru kanda laga mon tita laga rasta te hi berai she pare. Hoilebi judi apuni Isor ke morom kure aru taike bisws kure, tai parae sob bodli kuribole itu biya khan ke bhal te. Romans 8:28 ami khan jani ase jun Isor ke Biswas kure, Isor tai nimite bhal kam khan kore, tai khan ke junke tai laga kam nimite matishe.   Amikhan laga Isor jun hi pathor pora bi pani ulai diye, tai pora bi iku nathaka jag ate bi rasta ulai dibo.

Aji bhabna kuribole laga pobitro kotha tu hoile Jeremah 31:12 taikhan khushi hoi kene zion paharte ahi kene gana kuribo aru ami khushi hoikene dia saman khan pora khushi hobo, bijon khan aru mudu khan aru tel khan aru bhera khan aru guru saguli khan. Tai khan bishi pani thaka bagan nishina hobo; taikhan ki lagi ase itu khan sob pai thakibo.