Nov 22 – Tinta nishan!

Ephesians 1:13 aru apuni khan biIsor laga manu hoi jaishe jitya pora apuni itu hosa khobor ke hunishe, utu gospel juntu apuni khan ke pobitro jibon dise. Apuni khan Krista ke Biswas kurise, aru Isor koi diya nisina tailaga pobitro atma ke apuni khan logote pathaikene apuni khan laga malik tai ase koi kene nishan lagai dise.

Isor pora apuni khan ke pobitro atma pora nishan lagai dise. Isor laga atma apuni laga atma logote milishe, aru janai ki apuni tai laga ase. Kilekoile apuni logote Isor laga nishan ase, itu karone apuni khan utu din karone bhoi nakuribo lage jun din te uthia laga din hobo.

Purana niom laga homoi te, Isor pora gau laga ekta chutu bhag kati kene utu ke nishan banai kene Abraham ke dishe. Itu nishina hi, sob mota bacha khan ke Isor laga nishan dishe. Aru jun khan ke nishan dishe, taikhan ke gentiles khan pora alag kuri dishe, aru jun khan inika ase tai khan Isor karone nijor ke uthaishe. Aru itu pora hi Isor laga ashirbad aru kosom lobule parishe.

Abraham sob laga bura baba hoi jaishe taikhan karone jun hi itu nishan laga niom ke manishe. Aru sob Israelites khan alag hoishe itu niom pora aru Isor laga chuni loa banijaishe. Taikhan hi Isor laga chuni loa pobitro manu khan hoi jaishe.

Itu nishan tu bishi zaroor thakishe Jisu Krista krus te naja tok. Isor pora pora ami khan laga mon aru bhitor laga atma ke chuni loa laga kotha khan ke jani bole dishe. Aru ekjon laga Biswas pora hi tailaga hosa hoa ke Isor logote jani pai koi kene shikaishe.

Notun niom te tu nishani laga kotha tu bishi zaroori dikhanai. Itu laga uporte Paul pora koi  1 corinthians 7:19 kilekoile chamra katilebi aru nakatile bi iku motlob nai, ki niom ase koile Isor laga kotha manikene thakibo lage.

Hoilebi isor tu notun niom te, pobitro atma laga nishan kae dishe. Aru jun khan itu nishan ke pabo taikhan ke mora laga duth khan pora bi biya kuribo naparibo. Aru amikhan dusra nishan laga kotha bi janibole pai, juntu hi anti Christ laga nishan ase jitu satan pora hi diye  itu amikhan revelations 13:17,18 te dikhi pai. Aru tai laga nishan tu 666ase, poila 6 tu hoile saap ke dikhai, dusra 6 tu hoile rakshas ke dikhai, aru tisra 6 tu hoile misa laga prochari khanke dikhia. Aru itu tinta mili kene hi ati Christ laga rajyo tu ane.

Oh Isor laga bacha khan nijor ke pobitro jibon te thakibole dibi, itu satan laga nishan pora bachibole. Aru pobitro atma pora hi bhorta hoi kene thakibi, Isor aha laga din tu usor ase.

Ephesians ;4:30 aru Isor laga pobitro atma ke mon dukh nakuribi, jun pora hi apuni ke nishan dise chuni lobule laga din nimite.