నవంబర్ 13 – ఎన్నికలేనిది!

“నా కుటుంబము మనష్షే గోత్రములో ఎన్నికలేనిదే. నా పితరుల కుటుంబములో నేను కనిష్ఠుడనై యున్నానని  చెప్పెను”(న్యాయా.6:15).”

ప్రభువు చిన్నవారిని పెద్దవారిని హెచ్చించువాడు. తగ్గింపుగల వారికి ప్రభువు కొలతలేకుండా కృపను ఇచ్చుచున్నాడు. చిన్న మందను చూచి,  ‘చిన్న మంద భయపడకుము’ అని చెప్పి ఓదార్చుచున్నాడు.

మీ యొక్క కుటుంబమునందు మీరు చిన్నవారుగాను, అల్పమైనవారుగాను కనబడవచ్చును. ఇతరులు మిమ్ములను చులకనగా ఎంచవచ్చును. అయితే ప్రభువు మిమ్ములను గొప్పగా ఎంచుచున్నాడు. బైబిలు గ్రంథము చెప్పుచున్నది, “వారిని మంటిలోనుండి యెత్తువాడు ఆయనే; లేమిగలవారిని పెంటకుప్ప మీదినుండి లేవనెత్తువాడు ఆయనే”(1.సమూయేలు.2:8).

ఆనాడు గిద్యోను తన్ను తాను తగ్గించుకొని  నా కుటుంబము మనష్షే గోత్రములో ఎన్నికలేనిదే. నా పితరుల కుటుంబములో నేను కనిష్ఠుడనై యున్నానని  చెప్పినప్పుడు, ప్రభువు ఇచ్చిన జవాబు ఏమిటో తెలియునా? “నేను నీకు తోడై యుందును; గనుక ఒకే మనుష్యుని హతము చేసినట్లు మిద్యానీయులను నీవు హతముచేయుదువని సెలవిచ్చెను”(న్యాయా.6:16 ). అంతమాత్రమే కాదు, ఆ చిన్న వాణిని ప్రభువు మొదటిసారి పిలిచినప్పుడే  ‘పరాక్రమముగల బలాఢ్యుడా’ అని పిలిచెను.   ‘పరాక్రమముగల బలాఢ్యుడా, యెహోవా నీకు తోడైయున్నాడు’ అని చెప్పి ఉత్సాహపరిచెను.

దావీదు అందరి దృష్టిలోను చిన్నవాణిగాను,  కనిష్ఠుడుగాను కనబడెను. దావీదు యొక్క తండ్రి అతనికి ఇచ్చిన పని గొర్రెలను కాసే సాధారణమైన పనియె. అయితే అల్పునిగా ఎంచబడినను దావీదుతోకూడ ప్రభువు ఉండెను. ప్రభువు అతనిని ఆశీర్వదించి, బహుగా హెచ్చించి, ఇశ్రాయేలీయుల పై రాజుగా అభిషేకించెను. అంతమాత్రమే కాదు, నీకు ఒక స్థిరమైన గృహమును కట్టేదను అని నిబంధన చేసెను.

అందుకు దావీదు,  “ప్రభువా యెహోవా, ఇంతగా నీవు నన్ను హెచ్చించుటకు,  నేనెంతటివాడను? నా కుటుంబము ఏ పాటిది?”(2.సమూ.7:18) అని తన్ను తాను తగ్గించుకొనెను. మీరు పరిశ్రమల మార్గముగుండా వెళ్లవలసినదైయున్నప్పుడు, ప్రభువును దృఢముగా పట్టుకొనుడి. ఆయన మీతోకూడా ఉండును.

ఇశ్రాయేలీయుల గోత్రములలో బెత్లెహేము చిన్నఊరై ఉండినను, ప్రభువు దానిని తన యొక్క జన్మ స్థానముగా ఏర్పరచుకునెను. బైబిలు గ్రంథము చెప్పుచున్నది, “ఎఫ్రాతా అను బేత్లెహేమా, యూదావారి కుటుంబములలో నీవు స్వల్పగ్రామమైనను, నాకొరకు ఇశ్రాయేలీయులను ఏలబోవువాడు నీలోనుండి వచ్చును; పురాతన కాలము మొదలుకొని శాశ్వతకాలము ఆయన ప్రత్యక్షమగుచుండెను”(మీకా.5:2).

దేవుని బిడ్డలారా, మీరే ఆ బెత్లహేము. మీరే క్రీస్తును బయలుదేరునట్లు చేయుచున్న చిన్న బెత్లెహేము. క్రీస్తు ఇతరుల యొక్క హృదయమునందు జన్మించినట్లు మీరు గర్భ వేదనతో ప్రార్ధించునట్లు ప్రభువు మిమ్ములను పిలుచుచున్నాడు. ప్రార్థించెదరా?

నేటి ధ్యానమునకై: “మీ అందరిలో ఎవడు అత్యల్పుడై యుండునో వాడే గొప్పవాడని”(లూకా.9:48).