Nov 08 – Namura tok!

Revelations 2:10 biswas te thakibi namura tok , aru ami apuni ke jibon laga mukut dibo.

Apuni khan tu Isor logote hosa aru Biswas te thakibo lage-khali ekdin dui din karone nahoi hoilebi apuni laga pura jibon te. Judi apuni Isor loote thik thake namura tok, apuni khan tu khotom nhua laga ahirbad pabo.

Smyrna laga girja khan tu age laga homoite bishi jhamela te thakishe. Roman sorkar pora utu homoi te ekta kanoon banaishe ki sob roman laga manu khan roman raja ke hi sheva kuribo lage. Aru junmanu itu niom laga palon nakure tai khan ke bishi dukh di thakishe. hoilebi Isor pora tai laga morom itu roman  girja ke dihaishe aru tai khan ke ekta notun jibon laga rasta dishe.

Oh Isor laga bacha khan apuni khan bi inika dukh pai thakibo pare . apuni khan tu kam te hisab nakura thake pare, kile koiole puni khan ekta Christian ase pare, itu nimmite apuni khan bishi dukh te aru sorom khilai thakibo pare, khali apuni biswasi thaka karone.

Apuni laga inika porikha laga homoi te bi apuni khan ekta biswasi thakibo lage. Apuni khan iku bi biya kam khan kuribo nalage apuni dukhiya thaka karone. Apuni napungcha thaka ke thik kuribo karone iku bi biya kam khan kuribo nalage.

Daniel ke sabi, tai tu tai laga mon te tu Biswas thik thakishe. utu homoi te jewish manu khan ke Babylon laga rajyo pora dushman thakishe. ekta rajyo laga niom dishe ki jun manu 30din tok bishi alag Isor laga sheva kuribo aru raja ke nakuribo ta khan ke bagh laga gor te hali dibo. Itu niom tu jani kene bi Daniel tu bhoi khanai. Inika thkile bi tai hodai din isor ke prathana kure aru tai laga sheva kure, upor laga karma te jai kene, aru tai laga khirki tu khuli kene Jerusalem phale sai  kene din te tin bar, jitu niom tu tai age pora manui kene ahishse.

Itu karone Daniel ke bagha laga ghorte dhali dishe. Hoilebi Daniel tu olop bi bho nakhai. Mura laga muk usorte thaki kene bi tai Isor logote Biswas kuri kene thakibo bhabna kurishe namura tok. Isor tai laga Biswas te bishi khushi hoishe, aru bagh khan ke khabole diyanai aru Daniel ke itu khan sob pora unacah akuri dishe.

Shadrac, Meshac aru abed-nego ke sabi. Tai khan bi mon te thik bhabna kuri loishe ki tai khan itu sona laga murti ke tu sheva nakuribo juntu raja pora banaishe, judi bi tai khan ke jui te bi hali diye . inika laga homoi te bi tai khan tu Biswas  te thik thakishe. aru Isor bi tai khan logote berai she aru tai khan ke bachai she aru bi uncha kuri dishe.

Oh Isor laga bacha khan judi apuni mon te Biswas thik thake ki laga homoi te hoilebi, Isor bi apuni logote thakibo, apuni ke bachabo, ashirbad dibo aru sob pora uthai dibo.

Aji bhabna kuribo laga pobitro kotha tu hoile Hebrews 11;35 biswas thakiia nimite hi, maiki khan tai laga ghor maniu khan mori jaile bi jinda wapas paishe. Isor lagan am pora jun  kkhan jun khan dusra laga niche te thkibole mon nai, ekta bhal jibon pai kene arubi jind hobo bhabi kene morishe.