Nov 05 – Komti Jula!

Isaiah 42:3 ekta patla ghas ke nabhangabo, aru komti jula jui te nabujhabo, tai pora hi sob ke thik faisla kuribo hosate thaka ke.

Ami khan laga Isor tu kitya bi komti jui jula ke tu nabujhabo, hoilebi itu ke aru bi dangor juli bole dibo.itu verse ke puri kene nijor laga jibo ke bi sabi ekbar. Kijani apuni khan tu Isor nimmite ujala hoi kene juli thakishe agote aru bishi manu ke puhor hoi kene rata dikhai thakishe. aru Isor laga morom te bhorta hoi kene bishi bhal kam khan bi kurif thakishe.

Aru itya hoile tu apuni sob tagot aru icha khan tu harai loishe pare kile apuni bishi par porikha te thakishe pare. Kijani apuni laga prathan laga jawab tu napa hoishe pare aru apuni laga puhortu komti hoi ase pare. Isor tu aji laga homoi te bi bishi morom ase apuni khan laga galti ke maph kuri dibole nimite aru itya bi rukhi ase apuni laga jui ke ujala dangor dibole nimite aru tai laga kosom tu apuni key ad dilabole ki tai kitya bi apuni laga komti jula diya tu bujhibole nadibo.

Ekta diya komti jula tu hoile bishi karon  thakibo pare. Sobse poila tu tel komti thaka nimite. Jitya apuni pobitro atma laga icha tu pura kuribo napare apuni laga jibon te, itu pora hi apuni laga diya tu komjur kuri diye aru komti juli bole shuru hoi jai. Aru dusra tu ekta diya tu tai laga ujala tu harai thake kile koile kile koile tai laga suta tu tel ke pungchibole napare aru sukhi jai, diya te tel thakile bi komti jula shuru hoi kene bujhi jai. Itu tu hoile apuni laga jibon te prathana komti thaka ke dikhai ase ji pora ujala diya logote rishta komti hoi jai aru ami khan laga jibon te ujala komti hoi jai.

Ekta dangor dukh tu ki ase koi le tu nijor laga pobitrota harai loa aru prathana lnathaka laga jibon thaka hi ase. Itu karone hi ase apuni khan nijor laga tagot aru talent khan bi haai loi,

Prophet jeremiah tu itu bardasht kuribole paranai ki tai jitya Israel manu khan ke tai khan lag pobitro jibon harai diya jani paishe. Tai mon dukh hoi kene kandi she. Lamentations 4:1,2 kinika sona tu komti chamki ase! Kinika iman chamki thaka sona tu badly hoishe! Pathor mondir khan laga sob rasta te giri ase. Zion laga kimti chokra khan, sona nishina dam thaka khan, kinika tai khanke mati laga borton nishina bhabna kuri ase.

Ekbar pobitro jibon tu pochi jaile, apunikhan pobitro atma laga suku tu nathaka hoi jai. Apuni khan tu atma laga jibon te bhagor lagi jai aru atma laga suku te ujala nathakahoi jai. Raja david pora mon dukh kure. Psalms 6:7 ami sabole napara hoi ase,ami laga dush man khan ami ke bishi kandibole di kene ami laga suku kkhan bishi phulise.

Oh Ior laga bacha khan, ami khan laga Isor  tu puni kha laga jibon tu hoi aru bi puhor aru sundor banai dibole pare. Tai jun hi sob laga jibon tu ujala pora bhorta kuribo pare jun laga atma laga jibon tu ujala komti hoishe. Bachai kene rakhibi apuni khan laga atma laga jibon tu aru Isor pora hi apuni khan laga diya ke aru bi ujala hobole dibo.

Aji bhabna kuribole laga pobitro kotha tu hoile Numbers 6:25 Isor pora tai laga ujala tu apuni khan laga chehra te chamkibole diye, aru apuni ke morom diye.