Oct 27 – MAPHAM KHUDINGMAKTA!

“…Ipa adu ching asidasu, Jerusalemdasu khurumloidaba matam lakle,” (John 4:21).

Eikhoigi matam asidani eikhoina Iswarbu mapham khudingamakta khurumba yaba adu. Ariba Walepnabadadi Iswardi akhannaba mapham amada khurumgadabani. Israelgi machasing kharana Samaria gi chingda khurummi. Kanagumba khrana di Jerusalemda khurumjei. Mapham sing asida makhoina Iswarbu khurumbani.

Anouba walepnaba dadi Iswarna akhannaba maphamda mahakpu kurumgadadabani haina haidre. Mahakpu khurumgadabani haibasi di haibiri. Nahakna karamna khurumgani? Nahakna Iswarbu thawaida , achumbada, amadi thamoi amadi wakhal apumba yaona khurumgadabani. Masi khwaidagi maru oibani.

Ariba walepnabada Israel machasingna ningnasang bu maru oina lou-i.  makhoina Jerusalem gi ningnasang adu murti onhalle. Aduga Iswar adu hundokkhi. Madugi mahei oina Iswarna madu mang tak hanba da ayaba pibire.

Mina saba ningnasangda Iswar leite. Bibleda asumna hai, “nakhoi Iswargi ningnasang ni haibasi nakhoi khangdabra?, aduga Iswargi thawaina nakhoigi nungda lei.(I Corinthians 3:16).

Nahak Iswargi ningnasangni. Nanggi naphamdagi lakpa haijabagi khonjel sing adu achumba amadi Thawaidagi thorakpa oigadabani.  Iswarbu ningtamna khurumba yanaba Iswarna nahakpu matam pibire. Pakhonchatpa Paulna asumna ibirammi, “nupasingna makhoigi asengba khutsing thanggattuna chingnaba amadi asaoba yaodana mapham khudingmakta haijasanu,masi eigi apambani.,” (I Timothy 2:8). Mapham khudingmakta haibasigi wahei asi munna khallu. Iswargi wahei oiba mapham khudingmakta khurumba yare haiba adu houjikti thungle.!

Jesu Christada yengbiyu. Mahakna chatthokle hairaga achikpa mapham amada mahak haijakhi.(Mark 1:35). Mahakna lamhangda chattuna matomta haijabasi  yamna toina tou-i. (Luke 5:16) mahakna chingda kaduna haijakhi. (Luke 6:12). Mahakna thawai sokna Gethsemani ingkhonda haijakhi.

Nahakna haijabasi Iswargi apambani. Nahakna achumba amadi thawaida haijabasi Iswargi apambani. Kanagumba misingna makok nontharaga haijei (Exodus 12:27). Kana gumba singna makhut thanggattuna haijei.(Leviticus 9:22, Luke 24:50). Kana gumbasingna mathakta yengkhatlaga haijei.(Psalm 25:15, Acts 7:55).  Kana gumba khradi leimaida mamai thamlaga haijei. (Genesis 17:3, Luke 17:16).

Nungshiba Iswargi machasing, nahakna kadai karamna haijabage haibadu maru oiba nate. Adubu maru oibadi nahakna thawaida, achumbada, amadi thajabada haijabadu ni. Adudagi henna maru oibadi nahakna thajabaga loinana asengba thamoidagi haijabaduni.

Dhyan tougadaba: “Maram aduna ahanbamaktada, eina thougatchari, madudi nonjabiba , haijabiba, wanombiba amasung thagatpiba, asi mi pumnamakki damak, touba oisanu.” (I Timothy 2:1).