Oct 21 – Bacha aru dangor!

1 Cor 13:11 jitya ami chutu bacha asile, titya ami ekta chutu bacha kinika kotha koi inika pora koi asile, titya amilaga kotha khan ekta chutu bacha nisina hi asile; hoilebi itya ami ekta dangor manu hoise aru itya ami utu poila nisina chutu bacha laga adat khan hatai dishe.

Ekta bacha lag adot aru ekta dangor manu laga adot bishi alag alag ase. Apuni khan bi bacaha thaka homoi te bacha laga kam khan kuri thakishe pare. Duniya lag suku te itu bishi kushi aru bhal lagaibo pare. Hoilebi itu bacha laga adot hi dangor hoi kene bi kuri thakile it utu duniya pora poson napabo.

Paul pora likhe 1 Cor 13:11 jitya ami chutu bacha asile, titya ami ekta chutu bacha kinika kotha koi inika pora koi asile, titya amilaga kotha khan ekta chutu bacha nisina hi asile; hoilebi itya ami ekta dangor manu hoise aru itya ami utu poila nisina chutu bacha laga adat khan hatai dishe.

Bacha khan tu hoile kitya berabole shuru hoi tai khan tu hoile gire uthe inika hi kori thake. Amikhan jitya bacha khan ke walker te bera dihki pai aru wall khan te dhuri kene bera dihki pai itu tu sabole bishi bhal lage. Hoilebi jitya daangor manu khan bera hoimoi te gire, manu khan  tu tai ke biya lagai kene hi sabo. Itu nishina hi notun biswasi homoi te apuni khan giribo pare, hoilebi Biswas te dangor hoi kene sob jani kene girile toh Isor bi biya lagibo.

Apuni jitya bacha thake bacha nishina hi kotha kure hoilebi jitya dangor hoi apuni khan bi buja laga, samajdar, zimedar aru sonman loi kene hi kotha kuribo lage.

Ppobitro kotha te koi Hebrews 5:13-14 aru unkhan khali dudkhan kahia kene thaki ase, tai khan bhal biya najana bacha ase. Bhat sobji dangor manu khan nimite ase jun ki bhal ase aru ki biya ase itu khan buji bole pare.

Ki apuni khan itya bi bacha nishina hi bhabna kuriase iman sal biswasi hoi kene? Apuni jane ekta bacha bishi ki bhabna kuri thake? Ekta bacha bhabn kure ki kitya tai laga baba ahibo aru ki khabole anibo. Itu bacha tu najane ki zaroori saman khan tu tai laga baba logote ase jinika dhon, sampoti aru naam.

Itu nishina hi bishi man utu khali pritibi laga lab hi bhabna kure itu najani kene ki kiman bi dangor  aru bhal ase atma laga ashirbad Isor logote tai khan karone thaka tu. Tai khan tu swarg laga dhon tu bhabn nakure  hoilebi itya kip abo itu hi bhabe. Oh Isor laga baccha khan, jitya apuni Krista logote uthibo, bisaribi utu saman khan hi juntu uporte ase, jote Krista ase, bohi ase dahina hath phine Isor laga (Collosians 3;1)

Aji bhabna kuribole laga pobitro kotha tu hoile Ephesians 4:15 hoilebi monte atma laga morom loi kene Krista logote hodai uthi thkibo jun sob saman laga matha ase.