Oct 14 – Biswas aru Baptism!

Mark 16:16 jun manu khan biswsas kuri kene baptisma lobo bachi jabo, hoilebi jun khan Biswas nakuribo tai khan sajai pabo.

Ami khan baptisma lobule ki lage koile toh itu Biswas ase. Kile apuni baptisma lobule lage? Bishi dhorom itu prithibi te ase hoilebi Christianity tu alag pora hi dangor ase.

Jisu Krista ituprithibi tea mi khan karone ahishe. Tai tailaga jaan dishe, murishe aru uthishe bi amikhan karone. Itu hi amikhan Biswas kori kene koi baptisma lobule laga homoi te.

Ek minute tea mi khan jitya pani te baptisma lobule khara kure , ami khan koi, “Jisu Krista amikhan karone morishe” aru bisas thaki kene krus te sai. Aru itu laga dusra minute te amikhan pani te dubi jai aru itu pora dikhai ki Jisu amikhan karone murishe. Itu homoi te amikhan nijor ke Krista mora logote milai.

Aru jitya amikhan uthe pani pora, amikhan koi ki Jisu Krista mura pora uthishe. Oh Isor laga bacha khan apuni khan tu Biswas pora hi agela morai diye jitya baptisma loi. Itu pora hi apuni khan laga jibon te biya thaka tu jitu adam pora ahishe itu ke morai diye, apuni khan laga gussa hua adot, lobh takha , aru inika biya alag khan sob ke khotom kuri diye. baptisma laga motlob hi ase ki age lag pap tu morai diya.apostle paul pora koi, Romans 6:4,5 amikhan laga baptism ate amikhan tai logote mori kene mati bhitorte ghusishe, aru Krista jitya Jehovah laga sob pora bishe takot loi kene aru bi jinda hoishe, amikhan bi tai logote ekta notun jibon paishe. Kile koile  tai moria te amikhan bi tai logote morishe, thin inika nisina tai jinda hoi kene uthia te amikhan bi  uthishe.

Pobitro kotha te koi khali jun Biswas kuribo aru baptisma lobo tai hi bachi bo. Apuni ki lage koile toh Biswas hi ase. Apuni laga Biswas pora baptisma loi kene hi dikhabo ki Jisu Krista amikhan karone ahi kene murishe aru tin din pichete jinda hoishe.

Pobitro kotha te koi, jun bi Jisu logote se, tai ekta notun jibon ase; purana khan par hoishe aru sob saman khan notun hoishe, (2 Corinthians 5:17) oh Isor laga bacha khan apuni khan bi ekta notun jibon ase Jisu Krista te.

Aji bhabna kuribole laga pobitro kotha tu hoile Galatians 3:27 apuni khan Krista logote baptisma hoishe, aru itia apui khan kapur lagai kene ase, motlob Krista jinda thakia pora apuni khan jinda ase.