ਅਕਤੂਬਰ 11 – ਸ਼ੁੱਧ ਅਤੇ ਚਿੱਟੇ!

“ਬਥੇਰੇ ਆਪਣੇ ਆਪ ਨੂੰ ਪਵਿੱਤਰ ਕਰਨਗੇ ਅਤੇ ਆਪ ਨੂੰ ਚਿੱਟੇ ਬਣਾਉਣਗੇ”(ਦਾਨੀਏਲ 12:10)।

ਕਿਉਂਕਿ ਪ੍ਰਮੇਸ਼ਵਰ ਦਾ ਆਉਣਾ ਨੇੜੇ ਆ ਰਿਹਾ ਹੈ, ਉਹ ਆਪਣੇ ਲੋਕਾਂ ਨੂੰ ਸ਼ੁੱਧ ਕਰਦਾ ਹੈ ਅਤੇ ਉਨ੍ਹਾਂ ਨੂੰ ਸਾਫ ਅਤੇ ਚਿੱਟੇ ਬਣਾਉਂਦਾ ਹੈ। ਉਹ ਉਨ੍ਹਾਂ ਨੂੰ ਪਵਿੱਤਰ ਆਤਮਾ ਦੇ ਮਸਹ ਨਾਲ ਭਰ ਕੇ ਧੋ ਰਿਹਾ ਹੈ। ਇਹ ਉਹ ਸਮਾਂ ਹੈ ਜਦੋਂ ਪ੍ਰਮੇਸ਼ਵਰ ਆਪਣੀ ਦੁਲਹਣ ਨੂੰ ਬਦਲ ਦਿੰਦੇ ਹਨ। ਪਵਿੱਤਰ ਸ਼ਾਸਤਰ ਕਹਿੰਦਾ ਹੈ, “…ਕਿਉਂ ਜੋ ਸਮਾਂ ਨੇੜੇ ਹੈ!…ਜਿਹੜਾ ਧਰਮੀ ਹੈ ਉਹ ਅਗਾਹਾਂ ਨੂੰ ਧਰਮ ਕਰੀ ਜਾਏ ਅਤੇ ਜਿਹੜਾ ਪਵਿੱਤਰ ਹੈ ਉਹ ਅਗਾਹਾਂ ਨੂੰ ਪਵਿੱਤਰ ਹੋਈ ਜਾਏ”(ਪ੍ਰਕਾਸ਼ ਦੀ ਪੋਥੀ 22:10,11)।

ਤੁਹਾਡਾ ਇੱਕੋ ਉਦੇਸ਼ ਜ਼ਿਆਦਾ ਤੋਂ ਜ਼ਿਆਦਾ ਪਵਿੱਤਰ ਬਣਨਾ ਅਤੇ ਪ੍ਰਮੇਸ਼ਵਰ ਦੇ ਆਉਣ ਦੇ ਦੌਰਾਨ ਦਿਖਾਈ ਦੇਣਾ ਚਾਹੀਦਾ ਹੈ। ਪ੍ਰਮੇਸ਼ਵਰ ਦੇ ਆਉਣ ਦੇ ਸਮੇਂ, ਇੰਨੇ ਉਪਦੇਸ਼ਾ ਨੂੰ ਸੁਣਨ ਅਤੇ ਪ੍ਰਮੇਸ਼ਵਰ ਦੇ ਬੱਚਿਆਂ ਨਾਲ ਇੰਨੀ ਸੰਗਤੀ ਦਾ ਤਜ਼ਰਬਾ ਕਰਨ ਤੋਂ ਬਾਅਦ, ਇਹ ਕਿੰਨੀ ਦੁਖਦਾਈ ਮਾਮਲਾ ਹੈ!

ਪਵਿੱਤਰਤਾ ਪ੍ਰਾਪਤ ਕਰਨ ਦੇ ਲਈ, ਆਪਣੇ ਪ੍ਰਾਰਥਨਾ ਪੂਰਨ ਜੀਵਨ ਅਤੇ ਪਵਿੱਤਰ ਸ਼ਾਸਤਰ ਦੇ ਪੜ੍ਹਨ ਦਾ ਹਿਸਾਬ ਕਰੋ। ਕਿਸੇ ਵੀ ਹਾਲਾਤ ਵਿੱਚ, ਪ੍ਰਾਰਥਨਾ ਪੂਰਨ ਜੀਵਨ ਤੋਂ ਦੂਰ ਨਾ ਜਾਓ। ਇਹ ਇੱਕ ਡੂੰਘਾ ਪ੍ਰਾਰਥਨਾ ਪੂਰਨ ਜੀਵਨ ਹੈ ਜੋ ਇਕੱਲੇ ਹੀ ਤੁਹਾਡੇ ਵਿੱਚ ਪਵਿੱਤਰ ਆਤਮਾ ਦੀ ਸ਼ਕਤੀ ਅਤੇ ਪੂਰਨ ਪਵਿੱਤਰਤਾ ਲਿਆ ਸਕਦਾ ਹੈ।

ਹਰ ਚੀਜ਼ ਵਿੱਚ ਇਕੱਲੇ ਪ੍ਰਮੇਸ਼ਵਰ ਨੂੰ ਖੁਸ਼ ਕਰਨ ਦਾ ਸੰਕਲਪ ਲਓ। ਜੇਕਰ ਮੈਂ ਇਹ ਸ਼ਬਦ ਬੋਲਾਂ, ਤਾਂ ਕੀ ਇਹ ਪ੍ਰਮੇਸ਼ਵਰ ਨੂੰ ਪ੍ਰਸੰਨ ਕਰੇਗਾ? ਜੇਕਰ ਮੈਂ ਕਿਸੇ ਖ਼ਾਸ ਜਗ੍ਹਾ ਤੇ ਜਾਵਾਂ ਤਾਂ ਕੀ ਉਹ ਮੇਰੇ ਨਾਲ ਜਾਵੇਗਾ? ਕੀ ਉਸ ਦੀਆਂ ਬਾਹਾਂ ਮੇਰੇ ਦੁਆਰਾ ਕੀਤੇ ਜਾਣ ਵਾਲੇ ਸਾਰੇ ਕੰਮਾਂ ਵਿੱਚ ਮੇਰੀ ਅਗਵਾਈ ਕਰਨਗੀਆਂ? ਉੱਪਰ ਦਿੱਤੇ ਗਏ ਤੇ ਗੰਭੀਰਤਾ ਨਾਲ ਵਿਚਾਰ ਕਰੋ। ਇਹ ਤੁਹਾਨੂੰ ਪਵਿੱਤਰਤਾ ਵਿੱਚ ਵੱਧਣ ਵਿੱਚ ਮਦਦ ਕਰੇਗਾ।

ਹਰ ਚੀਜ਼ ਵਿੱਚ ਹਮੇਸ਼ਾਂ ਪ੍ਰਮੇਸ਼ਵਰ ਨੂੰ ਪਹਿਲੀ ਪਸੰਦ ਦਿਓ। ਪ੍ਰਮੇਸ਼ਵਰ ਨੂੰ ਸਾਹਮਣੇ ਰੱਖ ਕੇ ਹਰ ਦਿਨ ਅਤੇ ਹਰ ਕੰਮ ਦੀ ਸ਼ੁਰੂਆਤ ਕਰੋ। ਤੁਹਾਡੇ ਜੀਵਨ ਵਿੱਚ ਕੋਈ ਵੀ ਗਿਰਾਵਟ ਨਹੀਂ ਆਵੇਗੀ ਜਦੋਂ ਤੁਸੀਂ ਉਸਦੀ ਇੱਛਾ ਪੂਰੀ ਕਰੋਂਗੇ ਅਤੇ ਉਸਨੂੰ ਪਹਿਲੀ ਪਸੰਦ ਦਿਓਗੇ। ਨਾਲ ਹੀ ਜਦੋਂ ਤੁਸੀਂ ਪ੍ਰਮੇਸ਼ਵਰ ਨੂੰ ਛੱਡ ਕੇ ਆਪਣੀ ਮਰਜ਼ੀ ਅਤੇ ਪਸੰਦ ਦੇ ਅਧਾਰ ਤੇ ਫ਼ੈਸਲੇ ਲੈਂਦੇ ਹੋ, ਇਹ ਤੁਹਾਡੀ ਪਵਿੱਤਰਤਾ ਵਿੱਚ ਰੁਕਾਵਟ ਬਣ ਜਾਂਦਾ ਹੈ ਅਤੇ ਤੁਹਾਡੇ ਜੀਵਨ ਵਿੱਚ ਕਲੰਕ ਬਣ ਜਾਂਦਾ ਹੈ।

ਜੇਕਰ ਤੁਸੀਂ ਆਪਣੀ ਪਵਿੱਤਰਤਾ ਵਿੱਚ ਵਧਣਾ ਚਾਹੁੰਦੇ ਹੋ, ਤਾਂ ਆਪਣੇ ਆਪ ਨੂੰ ਪੂਰੀ ਤਰ੍ਹਾਂ ਨਾਲ ਪ੍ਰਮੇਸ਼ਵਰ ਦੇ ਪ੍ਰਤੀ ਸਮਰਪਿਤ ਕਰੋ ਅਤੇ ਉਸਦੀ ਆਗਿਆ ਦਾ ਪਾਲਣ ਕਰੋ। ਉਸਦੀ ਸਪੱਸ਼ਟ ਅਗਵਾਈ ਨੂੰ ਕਦੇ ਨਜ਼ਰ ਅੰਦਾਜ਼ ਨਾ ਕਰੋ। ਜਿਸ ਰਾਹ ਵਿੱਚ ਪ੍ਰਮੇਸ਼ਵਰ ਤੁਹਾਡੀ ਅਗਵਾਈ ਕਰਨਾ ਚਾਵੇ, ਉਸ ਤੇ ਉਸਤਤ ਅਤੇ ਅਨੰਦ ਦੇ ਨਾਲ ਚੱਲੋ।

ਪ੍ਰਮੇਸ਼ਵਰ ਦੇ ਪਿਆਰੇ ਬੱਚਿਓ, ਹਮੇਸ਼ਾ ਹਰ ਚੀਜ਼ ਦੇ ਪ੍ਰਤੀ ਸਤਿਕਾਰ ਵਿੱਚ ਰਹੋ। ਪ੍ਰਮੇਸ਼ਵਰ ਤੋਂ ਡਰੋ। ਹੰਕਾਰੀ ਪਾਪਾਂ ਵਿੱਚ ਪਏ ਬਿਨਾਂ ਪਵਿੱਤਰਤਾ ਦੇ ਨਾਲ ਅੱਗੇ ਵਧੋ।

ਅਭਿਆਸ ਕਰਨ ਲਈ – “ਕਿਉਂ ਜੋ ਇਹ ਲਿਖਿਆ ਹੋਇਆ ਹੈ; “ਤੁਸੀਂ ਪਵਿੱਤਰ ਬਣੋ ਕਿਉਂਕਿ ਮੈਂ ਪਵਿੱਤਰ ਹਾਂ”(1 ਪਤਰਸ 1:16)।