Oct 08 – BHAATA ANN KHAAD

Yesaya 51:1 Niyather nai ren Yehovana dhoondrejako tham seji maar vaath mano, tham kunas bhatamathi cholamlechko sochkaro tham kunas khademathi Khodayechoko voni sochkaro.

Bhakthidar Yesaya hanu yekaj koni puchrojako “tham kunas bhatamathi cholamlechko sochkaro” Lapan hannoi puchroch “tham kunas khademathi Khodayechoko voni sochkaro”. Yee doi karana yek viswasir agadiyar athmik ann lokememar jeevanen dekhalacha. Biblema dee janam lajen dekhacha yek yadir petemaythi pedavero ann ajjek caluvary Siluvaperethi Athmikvagi pedavero.

Nickodem Yesu Prabhu na hano puncho, ( Yohan 3:4) “Yek manikya budapaner rajana kim pedaviye? Vu vor yadir petema deemohaptha jaan pedaver vachakaikan puncho’. Von Yesu baapu , (Yohan 3:6) ” Jeevadathi pedavajako jeevadathi cha,Athmathi pedavajako Athmathi cha “.

Yetha Yesu Christhu pedavajenaj koni lapan mothen sada deevodi kido. Agadiyar Sharirmethi paap karajethi avajako moth.  Deemo Gandhakamethi ann Angarethi balrijako kholama paal leroj. Yeshaya yee doyir vodithi manikya Pedavo jannathi moth avajethanu kannai dekhukarnu ken  harde karrocha. Dev keroch ( Yeshaya 51:1) Thamar baap chaiako Abrahamen herdeylalo thamen pedakidijako Sharan sochkaro , Abraham yeklovetho jen Ma balathani von ashish karan vona jada admi vaju kidochu.

Vuj Abraham Viswasi ven chajako seni baap vencha, Abraham thamar baap ken ko. Thu khodojako khader gandi Abrahamaj. Yee Abrahamethij Yisrael jann bhar aye. Aaj thu sada Athmik Yisraelenai chi lapan thu kunas bhaata mathi chodamelochiko  dekhlenu.

Dever vachan kacha(Dimovupadesher Grandh 32:18) thona pedakidijako asarero bhatan  chonakochi ann thon janmelojako Deven bhoolgochi. Thon pedakidijako Devaj. Vu bhataj thon janam dino, vu bhataj thon Athmik jeevano dino, vu bhataj thon dhothanu navvo srushtinai kido, jathan karevalo vu bhataj thona rakshana dinoch.

Yisrael jann Abrahamen vuner baap ken balayen ghano pasand karacha. Lapan thu Navvo kararethi Abrahamen Dev dinojako soganena ann ashishen sejini swathanthram karlen hakkehar vemelochi. Thu khodojako khademathi avajako panithi thar tharasen dhaapleja.  Vu bhatamathi cholamlojako thu thar Athmik jeevanen Christhu ma thamaldeja. Yee kathra moto nasheeb kunike!

Ajji jada dhyan karen pado Yeshaya 24:6 Prabhumaj thu hamesha viswas melanu, vu Yehovana maj.