Sep 27 – Jitya murgi hala kurubo!

Mark 13:35 itu nimite thik pora thakibi kile koile apuni khan najane ghor laga malik kitya ahibole ase; smte bi hobole pare, ratite bi hobole pare, ratite bi hobole pare rati te khotom hoa homoi te bi hobole pare nahoile phojirte bi hobole pare.

Jitya sob janwar khan ghumai thake, it utu khali murgi hi ase jun jani ase ki phujir hobole ase aru homoite hala kure. Itu murgi tu isor laga Chaya jana nishina ase jun hi Jisu Krista aha laga janai diye, phujir aha laga janai diya nishina.

Hoi ami khan bi atma bhorta hua laga bacha khan hobole lage , junhi murgi phujir aha laga janai diye inika hi Jisu aha laga manu khan ke janai dibo.

Peter jun din te Isor ke mana kurishe, tai duita kotha hi bhabna kure, murgi jitya tai murgi hala kura laga hune. Poila tu nijor ke galti bhabna kura Isor ke najane koi kua uporte. Aru dusra tu hoile taia Isor aru aha laga ke bhabna kure.

Aji amikhan Isor aha laga din laga usor ase, amikhan tu prathana kuri thaka hi dikhi pabo lage nijor laga awas ulai kene  aru pap khan uporte awas uthai diye. Amikhan bi Isor Jisu aha tu manu khan ke janai dibo lage . aru ami khan prophesies bi huni bole pai ki amikhan ses homoi te ase koi kene. Hoi amikhan bi najane kun din kun homoi te te amikhan ase koi kene, hoilebi ses homoi laga sob china khan tu dikhi pai ase. Inika homoi te apuni khan kinika manunkhan ke najanai kene thakibo?

300 para bi bishi bar koi kene ase Jisu aha laga tu pobitro kotha te. Sob chela khan pora itu likhi kene ase. Pobitro kotha te koi ase, 1 Thessalonians 4:16,17  titia bisi jor pora hala hobo, bajana bajabole laga awaz hobo, Isor laga bajana khan bojabo, aru Isor nije swarg pora ahibo. Jun krista ke Biswas kori kene morise taikahnke poila jinda kuribo; aru itu pichete amikhan junkhan jinda ase  taikhan ke badal nisina uthai kene hawate Isorke lok pabo. Oh Isor laga bacha khan, nijor ke pap aru biya khan pora ulai dibi, aru Jisu aha karone tayar kuribi. Aru apu I bi phujir laga khobor diya murgi nisina Jisu aha laga hala kuribi.

Aji bhabna kuribole laga pobitro kotha tu hoile revelations 22:20 jun pora itu khan sob koi ase aru dikhai dise tai nije koi ase, “hoi hosa ase! Ami joldi ahi ase!” inika hi hobole dibi. Malik Jisu ahibi.