ਸਤੰਬਰ 26 – ਪਰਮੇਸ਼ੁਰ ਜਿਹੜਾ ਜੋੜਦਾ ਹੈ!

“ਪ੍ਰਭੂ ਹਰੇਕ ਦਿਨ ਉਹਨਾਂ ਨੂੰ ਜਿਹੜੇ ਬਚਾਏ ਜਾਂਦੇ ਸਨ ਉਨ੍ਹਾਂ ਵਿੱਚ ਮਿਲਾ ਦਿੰਦਾ ਸੀ”(ਰਸੂਲਾਂ ਦੇ ਕਰਤੱਬ 2:47)।

ਸਾਡਾ ਪ੍ਰਮੇਸ਼ਵਰ ਉਹ ਪ੍ਰਮੇਸ਼ਵਰ ਹੈ ਜਿਹੜਾ ਜੋੜਦਾ ਹੈ। ਬਹੁਤ ਸਾਰੇ ਲੋਕ ਇਹ ਗਲਤ ਧਾਰਨਾ ਰੱਖਦੇ ਹਨ ਕਿ ਉਹ ਨਾਸ਼ ਕਰਨ ਵਾਲਾ ਪ੍ਰਮੇਸ਼ਵਰ ਹੈ ਜਾਂ ਖਿਲਾਰਣ ਵਾਲਾ ਪ੍ਰਮੇਸ਼ਵਰ ਹੈ। ਪਰ ਪ੍ਰਮੇਸ਼ਵਰ ਉੱਥੇ ਰਹਿੰਦਾ ਹੈ ਜਿਹੜਾ ਆਪਣੇ ਲੋਕਾਂ ਨਾਲ ਪਿਆਰ ਕਰਦਾ ਹੈ ਅਤੇ ਜੋੜਦਾ ਹੈ। ਕੀ ਉਸਨੇ ਇਹ ਵਾਅਦਾ ਨਹੀਂ ਕੀਤਾ ਹੈ ਕਿ ਉਹ ਸਾਨੂੰ ਕਦੇ ਨਹੀਂ ਛੱਡੇਗਾ?

ਕਈ ਮੌਕਿਆਂ ਤੇ ਅਜਿਹਾ ਲੱਗ ਸਕਦਾ ਹੈ ਕਿ ਤੁਹਾਨੂੰ ਛੱਡ ਦਿੱਤਾ ਗਿਆ ਹੈ। ਅਤੇ ਇਹ ਵਿਚਾਰਾਂ ਨੂੰ ਜਨਮ ਦੇ ਸਕਦਾ ਹੈ ਕਿ ਕੀ ਪ੍ਰਭੂ ਤੁਹਾਨੂੰ ਭੁੱਲ ਗਿਆ ਹੈ ਜਾਂ ਤੁਹਾਨੂੰ ਛੱਡ ਦਿੱਤਾ ਹੈ। ਭਾਵੇਂ ਹੀ ਉਹ ਤੁਹਾਨੂੰ ਇੱਕ ਪਲ ਦੇ ਲਈ ਵੀ ਛੱਡ ਦੇਵੇ, ਫਿਰ ਵੀ ਉਹ ਤੁਹਾਨੂੰ ਆਪਣੇ ਸਦੀਪਕ ਪਿਆਰ ਨਾਲ ਗਲੇ ਲਗਾ ਲੈਂਦਾ ਹੈ। ਇੱਥੋਂ ਤੱਕ ਕਿ ਜਦੋਂ ਤੁਸੀਂ ਉਸ ਤੋਂ ਬਹੁਤ ਦੂਰ ਸੀ, ਉਹ ਤੁਹਾਡੇ ਸਾਰੇ ਪਿਆਰ ਨਾਲ, ਤੁਹਾਡੀ ਭਾਲ ਵਿੱਚ ਹੇਠਾਂ ਆਇਆ। ਉਸਨੇ ਤੁਹਾਨੂੰ ਆਪਣੇ ਨਾਲ ਜੋੜਿਆ, ਤਾਂ ਜੋ ਤੁਸੀਂ ਸਦੀਪਕ ਰਾਜ ਦੇ ਵਾਰਿਸ ਹੋ ਸਕੋ।

ਮੈਂ ਇੱਕ ਔਰਤ ਦੇ ਬਾਰੇ ਜਾਣਦਾ ਹਾਂ, ਜਿਸਨੂੰ ਉਸਦੇ ਪਤੀ ਦੇ ਨਾਲ ਵਿਸ਼ਵਾਸਘਾਤ ਕਰਨ ਦੇ ਕਾਰਨ ਉਸਦੇ ਘਰ ਤੋਂ ਭਜਾ ਦਿੱਤਾ ਗਿਆ ਸੀ। ਉਹ ਪੂਰੀ ਤਰ੍ਹਾਂ ਨਾਲ ਸ਼ਰਮ ਅਤੇ ਬਦਨਾਮੀ ਦੀ ਸਥਿਤੀ ਵਿੱਚ ਸੀ। ਇੱਕ ਦਿਨ ਉਹ ਖੁਸ਼ਖਬਰੀ ਦਾ ਸੰਦੇਸ਼ ਸੁਣਨ ਆਈ। ਯਿਸੂ ਮਸੀਹ ਦਾ ਪਿਆਰ, ਜਿਹੜਾ ਉਸਨੂੰ ਕਿਸੇ ਵੀ ਹਾਲਾਤ ਵਿੱਚ ਕਦੇ ਨਹੀਂ ਛੱਡੇਗਾ ਜਾਂ ਅਸਵੀਕਾਰ ਨਹੀਂ ਕਰੇਗਾ, ਅਤੇ ਜੋ ਉਸਨੂੰ ਸਵੀਕਾਰ ਕਰਨ ਦੇ ਲਈ ਹਮੇਸ਼ਾਂ ਤਿਆਰ ਹੈ, ਉਸਦੇ ਦਿਲ ਨੂੰ ਛੂਹ ਗਿਆ ਅਤੇ ਉਸਨੇ ਆਪਣਾ ਜੀਵਨ ਪੂਰੀ ਤਰ੍ਹਾਂ ਨਾਲ ਪ੍ਰਮੇਸ਼ਵਰ ਨੂੰ ਸਮਰਪਿਤ ਕਰ ਦਿੱਤਾ। ਇਸ ਤੋਂ ਬਾਅਦ, ਉਸਨੇ ਪ੍ਰਾਰਥਨਾਪੂਰਵਕ ਆਪਣੇ ਪਤੀ ਨੂੰ ਮੁਆਫੀ ਦੀ ਚਿੱਠੀ ਲਿਖੀ। ਅਤੇ ਚਮਤਕਾਰੀ ਢੰਗ ਨਾਲ, ਪਤੀ ਨੇ ਉਸਨੂੰ ਵਾਪਸ ਸਵੀਕਾਰ ਕਰ ਲਿਆ। ਸਾਡਾ ਪ੍ਰਮੇਸ਼ਵਰ ਇੱਕ ਹੈ ਜਿਹੜਾ ਜੋੜਦਾ ਹੈ।

ਪਵਿੱਤਰ ਸ਼ਾਸਤਰ ਕਹਿੰਦਾ ਹੈ, “ਪਰਮੇਸ਼ੁਰ ਦੇ ਨੇੜੇ ਆਓ ਤਾਂ ਉਹ ਵੀ ਤੁਹਾਡੇ ਨੇੜੇ ਆਵੇਗਾ। ਹੇ ਪਾਪੀਓ, ਆਪਣੇ ਹੱਥ ਸ਼ੁੱਧ ਕਰੋ ਅਤੇ ਹੇ ਦੁਚਿੱਤਿਓ, ਆਪਣੇ ਦਿਲਾਂ ਨੂੰ ਪਵਿੱਤਰ ਕਰੋ”(ਯਾਕੂਬ ਦੀ ਪੱਤ੍ਰੀ 4:8)। “ਕਿਉਂਕਿ ਜਿਹੜਾ ਪਰਮੇਸ਼ੁਰ ਦੇ ਕੋਲ ਆਉਂਦਾ ਹੈ ਉਹ ਨੂੰ ਵਿਸ਼ਵਾਸ ਕਰਨਾ ਚਾਹੀਦਾ ਹੈ ਕਿ ਉਹ ਹੈ ਅਤੇ ਇਹ ਕਿ ਉਹ ਉਹਨਾਂ ਨੂੰ ਜਿਹੜੇ ਪੂਰੇ ਮਨ ਨਾਲ ਉਸ ਨੂੰ ਖੋਜਦੇ ਹਨ ਫਲ ਦੇਣ ਵਾਲਾ ਹੈ”(ਇਬਰਾਨੀਆਂ 11:6)। “ਯਹੋਵਾਹ ਯਰੂਸ਼ਲਮ ਨੂੰ ਉਸਾਰਦਾ ਹੈ, ਉਹ ਇਸਰਾਏਲ ਦੇ ਦੇਸੋਂ ਕੱਢਿਆਂ ਨੂੰ ਇਕੱਠਾ ਕਰਦਾ ਹੈ”(ਜ਼ਬੂਰਾਂ ਦੀ ਪੋਥੀ 147:2)।

ਇਸ ਸੰਸਾਰ ਵਿੱਚ ਬਹੁਤ ਸਾਰੇ ਲੋਕ ਹਨ ਜਿਨ੍ਹਾਂ ਨੂੰ ਅਸਵੀਕਾਰਤਾ ਦਾ ਸਾਹਮਣਾ ਕਰਨਾ ਪਿਆ ਹੈ, ਜਿਵੇਂ ਕਿ ਮਾਤਾ-ਪਿਤਾ ਆਪਣੇ ਹੀ ਬੱਚਿਆਂ ਦੇ ਦੁਆਰਾ ਅਸਵੀਕਾਰ ਕਰ ਦਿੱਤੇ ਗਏ ਹਨ, ਜਿਨ੍ਹਾਂ ਨੂੰ ਰਿਸ਼ਤੇਦਾਰਾਂ ਨੇ ਅਸਵੀਕਾਰ ਕਰ ਦਿੱਤਾ ਹੈ, ਜਿਨ੍ਹਾਂ ਨੂੰ ਸਮਾਜ ਵਿੱਚੋਂ ਬਾਹਰ ਕੱਢ ਦਿੱਤਾ ਗਿਆ ਹੈ। ਪ੍ਰਭੂ ਉਨ੍ਹਾਂ ਵਿੱਚੋਂ ਹਰ ਇੱਕ ਨੂੰ ਸਵੀਕਾਰ ਕਰਨ ਦੇ ਲਈ ਬੇਸਬਰ ਹਨ।

ਕਈ ਸਾਲ ਪਹਿਲਾਂ, ਇਸਰਾਏਲੀਆਂ ਨੂੰ ਉਨ੍ਹਾਂ ਦੇ ਹੀ ਦੇਸ਼ ਵਿੱਚੋਂ ਬਾਹਰ ਕੱਢ ਦਿੱਤਾ ਗਿਆ ਸੀ। ਪਰ ਪ੍ਰਭੂ ਉਨ੍ਹਾਂ ਸਾਰਿਆਂ ਨੂੰ ਇਕੱਠੇ ਲੈ ਆਇਆ। ਅਤੇ ਹੁਣ ਵੀ, ਉਹ ਅਜੇ ਵੀ ਉਨ੍ਹਾਂ ਨੂੰ ਜੋੜ ਰਿਹਾ ਹੈ। ਹੁਣ ਉਨ੍ਹਾਂ ਦੀ ਆਪਣੀ ਕੌਮ ਹੈ। ਪ੍ਰਮੇਸ਼ਵਰ ਦੇ ਪਿਆਰੇ ਬੱਚਿਓ, ਉਹ ਤੁਹਾਨੂੰ, ਆਤਮਿਕ ਇਸਰਾਏਲੀਆਂ ਨੂੰ ਆਪਣੇ ਦਾਇਰੇ ਵਿੱਚ ਲੈ ਜਾਣ ਦੇ ਲਈ ਵੀ ਬੇਸਬਰ ਹਨ।

ਅਭਿਆਸ ਕਰਨ ਲਈ – “ਹਾਂ, ਯਿਸੂ ਸਿਰਫ਼ ਯਹੂਦੀ ਕੌਮ ਲਈ ਨਹੀਂ ਮਰੇਗਾ ਸਗੋਂ ਪਰਮੇਸ਼ੁਰ ਦੇ ਸਾਰੇ ਬੱਚਿਆਂ ਵਾਸਤੇ ਜਿਹੜੇ ਕਿ ਸਾਰੀ ਦੁਨੀਆਂ ਵਿੱਚ ਖਿੰਡੇ ਹੋਏ ਹਨ, ਤਾਂ ਕਿ ਉਹ ਉਨ੍ਹਾਂ ਨੂੰ ਇਕੱਠਿਆਂ ਕਰ ਲਵੇ”(ਯੂਹੰਨਾ ਦੀ ਇੰਜੀਲ 11:52)।