Sep 22 – Jisu Krista ke dikhabi!

Matthew 7:16taikhan laga kam pora hi taikhan ke janibole pare. Kata gash te angur dhuribole paribo, nohoile babul gashte dimru guti dhuribole paribo.?

Itu tu prithibi laga niom ase ki angur laga gash te angur hi dhure aru jolphai laga gashte jolphai hi dhure. Gen 1:11, 12 te dikhi pai ki kuntu gash pora bi amikhan tailaga iki guti hi ulabole rukhi bo lage. Ami khan laga Isor koishe, Matthew 7:16 te koa hisab te tu ekta gash ke tai laga guti aru phal pora hi chini bole pare.

Jitya apuni Jisu Krista ke chuni loi, apuni laga Isor , apuni ekta rasta hi chuni loi, itu ase Jisu Krista. Sob poila laga khan jaishe aru son khanke notun banaishe. Jitya apuni Isor logote thake, aru tai logote hodai mile prathana te, apuni inika hoi jai ki Krista laga niom khan apuni logote dikhibole pare, aru pobitro atma laga phal khan apuni laga jibon te dikhibole pare.

Ami khan laga Isor Jisu koi: Matthew 7:17-20 ekta bhal gashte bhal guti hobo aru ekta bia gashte biya guti hobo. Ekta bhal gashte kityabi biya guti hobole napare, aru ekta biya gashte kityabi bhal guti hobole napare. Aru juntu gashte guti naulabo, utu gashke kati kene jui te jolai dibo. Ineka pora taikhan laga kam pora hi taikhan ke janibole paribo.

Jinika ekta gash laga china tu tai laga uti pora hi ase inika hi apuni khan bi Isor laga china ase aru Isor kinika thakishe inika hi thakibo lage aru manu ke apuni laga china dikhai dibo lage. Isor Jisu Krista tai laga pura jibon te baba Pormeshwar laga china dikhai thakishe itu prithibi tethaka homoi te. Pobitro kotha te koi ase, Hebrews 1:3 tai Isor laga ashish laga tagot ke dikhaishe aru sabole bi thik Isor nishina hi ase,aru tai laga tagot laga Shakti pora sob cholaishe.manu jati laga pap kahan ke maph korikene, tai swarg te jai kene Jehovah laga dahina phine bohishe.

Itu tu kile kooile tai Pormeshwar laga phal tu ulabole parishe, aru kobole parishe ki jun taike dikhishe tai Isor Pormeshwar ke dikhishe. (John 14:9) Ekbar Isor kam kura manu khan tai laga biswasi khan laga ghorte jaishe, itu homoi temaiki mota tu lorai kuri thakishe. Aru maiki pora pastor ke koishe, tailaga mota tugirja te toh  isor laga duth khan nishina dikhai aru ghorte tu saitan nishina hi lorai kkuri thake. Aru itu pichet mota pora jawab dishe kiki hoilebi ami tu Isor laga duth nishina hoilebi girja te thake, hooilebi apuni tu ghor aru girja te bi saitan nishina hi ase. Narak te hi thaka bhal hobo itu maiki logote thaka pora tu.

Pobitro kotha te koi James 3:11-13 ekta pani laga dhara pora mitha pani aru tita pani ulabole napare? Ekta dimoru gashte jolphai guti dhuribole parib; nohoile angur gashte dimoru guti ulabole paribo? Inika nishina ekta mitha mitha pani laga nodite kityabi nimok pani nohobo. Apuni khan bhitorte kunuba ase jun laga dimag bisi bhal ase aru sob bujibole pare? Tai tai laga jibonte bhal kam khan kori kene dikhai dibole lage, manu ke morom kkuri kene aru manu laga bhal nimite kam kuribole lage. Oh Isor laga bacha khan apuni ji bi kure sob Isor laga china dikhabole nimite hi kkuribi, kile koile apuni ke Isor laga Chaya hisab te banaishe.

Aji bhabna kkuriboole laga pobitro kotha tu hoile Zechariah 8:12 taikhan shanti pora bijon laga bo. Tai khan laga angur baante anngur hobo, itu prithibi te bishi dhankhan hobo, aru bisi bhal pora pani khan giribo. Ami laga deshte jun manu khan itya bachi kene ase aami taikhan ke asish dibo.