Sep 21 – MAA VONA SUDHO KARUNCHU

Yesaya 45:2 Ma thamar mundag jathanu mando chajako vaatenseni sudho karunchu. Pithaler phatakevun phodan, loyer gadivun thodunchu.

Dev aajer yee vachanethi 2 hasso asheesh derocha. Agadiya vaath, ‘ Ma thar mundag javunchu’. Demo vaath, ‘ Ma mando chajako vaatenseni sudho KARUNCHU’. Aaj thar jeevanema masaj tharar socethi mando vaatema jarochi kaiko. Sambandh mellajema ann sochema mando chakaiko? Agadiyar vaat kukan mando vegich? Vu kaiko doosar thaar vodithi mando samachar dethanu, baar thar aachpan mando venu ken kareyviye.

Chenijako keval se kannai red petballen ajjekeper mandoj kevukaracha. Masthu hapthi doosarer dallema naatan chajako khaat beejaan kanakenu ken dekechi lapan hathayeni. Athoi maro Yesu Prabhu thar mundag jathanu mando chajako manikyan seni bagal dalkaran thar vaten sudho karacha. Janaj apan vuncho badan jamacha. Vachan kacha, (Mica 2:13)

Godan patkanakevalo hunder mundag javacha.  Vo kadapan patkathanu vumathij daatan javacha, Huner Raj hudethi mundag chalacha, Yehova Dev huner moto Nayak ven racha. Kanna vatho Yesu baapuj thar mundag chalchko janaj thar jeevanema mando, balla, sammor chenijen seni sudho karnakacha. Bodira ann saasur vacha rajako ladayeernai thar jeeva kaato vagath thar katmalema chakaiko. Yessema thu Prabhur pagulama godivalan hanno prarthana karnu, ‘ maro Dev ma khevrojako ladayi maar hathayenijako cha, thuj nevkarevalo maar velan taalnakevalo’ janaj prabhu thar saru sejini sammor karan sudho vaatema chalavacha. Ajji thar jeevanema shanti samadhan ayedken Dev hakkam dacha.

Apaner pad dada Yakob saha yeej kaam kido, vor biyya Esavuna bhalen jarokako raath Dever pagema padan prarthana kido, vu prarthana samlojako Dev Yakonena vor biyya Esavuthi vathekaran  navvo bhaipanar sambandh, dosthirnai navvo jeevano shuru kide.Maar premer Dever beti betavo vuj Dev aaj thar jeevanema sada yethin jada kaam karevalo cha, thu karnu jako yekkaj Dever pagema padan prarthana kareroj. Jannaj Dev thothi hanno kacha Ma vona sudho karuchu.

Ajji jada dhyan karen pado Yesaya 42:16 Hunden malam chenijako ​vaatema aandevuna lelen avunchu Hunden malam chenijako vaatema chalavunchu  Hunder mundag andharena vajalo karunchu Samor chenijako hunder vaten sudho karunchu Ma hunen chodanaju Hunder sey kamena puro karuchu.