August 16 – CHANGKHON HANGANI!

“Adubu mahakna eingonda hai, “ eigi thoujan nahakki damak  aokpani, maramdi asonbada eigi panggal asi mapung phahanbani. ​Maram aduna Christagi panggal adu eingonda leinana ba eigi asongbasingda eina yamna haraona chaothokchagani.” (II Corinthians 12:9).

Iswargi panggal asi nanggi asonbada changkhon hanbani. Iswarna nanggi punshida asonbasing asi yahanbani. Nanggi asonbasingda mahakki panggal asi changkhon hanbagi maramna Mahakna masi thok hanbani.

Nahakki punshida asonba leirakpa matamda nahakna Iswarda ngajagani. Adu nattrabadi mi kana amatana Iswargi thoujanda ngajananaba mathou tararoi. Aduga nahakna Iswargi matik mangal su phongdoklaroi. Nangna Iswargi maphamda ngajaraga mahakki thoujan amadi panggal phangba ngamnaba Iswarna nanggi punshida asonba sing asi leihanbani.

Pakhonchatpa Paulnasu asonba lei. Mahakna asumna hai, “ Athoiba phongdokpiba asigi maramna eina henna chaothoktanaba eigi hakchangda tingkhang ama pibire, madu eina henna chaothoktanaba eibu sudatnaba Satangi pao puba oire. Maram asigi damak madu eingondagi chatthokkhinaba eina Ibungo da ahumlak hanna haijakhi.” (II Corinthians 12:7, 8).

Iswar masanasu Paulgi punshida asonba lei haibasi yaningi. Iswarna Paulda vision mayam pibikhi.  Masi sing aduna maram oiraga Paulna chaothokkhiba su yai haina  Iswarna mahakki asonba sing adu yahanbani.

Iswarna haikhi, “ masigi asonbasing asi nangonda leirabadi napan adu nangonda changloi.. Nangna  nollukkani aduga eigi panggal da nahak ngajagani. Eina nangbu leppa leitana sijinnagani.

Aduna nahakki asonbasingda yengganu. Eigi thoujal adu yengbiyu. Eigi panggal asi nanggi asonbasingda mapum phahanbani. Pakhonchatpa Paulna masi haraona yajakhi. Mahakna Iswargi thoujan amadi panggal khaktada ngajabana maram oiraga Iswarna mahakpu panggal leina sijinnabi.

Nungshiba Iswargi machasing, nanggi nungda leiriba asonba adugi maramna nahak chokthaganu. Nahakna  touriba thabak adu mapum phahannaba  kari amatta asonba leitaba mi oigadabani haina khan ganu. Nahakna sonna sonna Iswargi thougan panggal leina touba yabani. Nahakna Iswargi panggal da ngajabagi chang aduda Iswargi panggal su nangonda changlakkani. Aduda nahaknasu Iswargi damakta achouba thabak touba ngamgani..

Dhyan tougadaba: “ adubu asingbasingbu ikaihannaba taibangpangi apangbasingbu Iswarna khandokle, akanbasingbu ikaihannaba taibangpangi asongbasingbu Iswarna khandokle.” (I Corinthians 1:27).