August 08 – MITSENG KHANG-U!

“Adubu masi khangu, ,madudi yumbu aduna huranbana lakkadaba ahinggi matam adu khanglamlabadi , mahakna mising khangduna leiramgani, aduga mahakna mayum adu thugaiduna changhalloidoubani.” (Mathews 24:43).

Nanggi yumgi akoibada huranbana koichat chatliba makhei nahakna mitseng khangna leigani. Nahakki yeknaba satanna kanagumba amabu yotsinnaba koichat chatli maram aduna nahak mitseng khangna leigadabani.

Nahakki asengba punshi ngaksennaba nahak mitseng khangu. ​Satanna nahakki thawaigi punshida amakpa leihannaba matam chuppada hotnari. Nahakki aphaba sakhi amuktang kairabadi semgatpa haibasi oithoktabani. Sastrana hai, “nakhoibu koubiba mahakna asengba oibana maram oiraga nakhoisu lamchatta asengba oiyu.” (I Peter 1:15).

Pastor amana Thawaigi oiba church houdokpa adu nongma nongmagi  chaokhatlakkhi. Matam khragi manungda  phajana chaokhatle hairaga maming su yamna chatkhi.  Adubu madugi pastor aduna asengba punshi ngakpa ngamlamdre. Akonbada misingna mahakpu pastor oibagi phamdagi louthokpire. Church adugi chaokhatnabagi damakta hotnaramba misak   adu madugi church  ta pao su sandok handre. Aduna mahakki phibham adu yamna nungshi ningai oikhi.

Nahakki Thawaigi punshida nahak yamna mitseng khangba oigadabani. Sastrana hai, nasa khudum challu, miseng khangu, maramdi nakhoigi yeknaba Diabol na ngangliba nongsagumna kanagumbabu yotsinnaba koina chatli.” (I Peter 5:8). Satan gi lounam di nahakpu langda thuhanba haibasini. Iswargi  matengna eikhoina mitseng khangle hairaga satan gi langdagi nanthokkadabani. Eikhoi numit khuding haijagadabani. O Iswar eibu ngaksenbiyu, aduna satan gi amamba mami phaonasu eigi ithakta tadanaba”.

Hajabada nahak mitseng khangba oigadabani. Haijabagi punshi haibasi keidoungeidasu laithokpa touganu. Nahakki haijabagi matam adu keidoungeidasu arembada manghan ganu.  Jesu Christana  haikhi, “ nakhoina miseng khangduna leiyu amasung matam pumnamakta haijou.” (Luke 21:36).

Nungshiba Iswargi machasing, mitseng khangduna leiba punshi haibasi lan ngambagi punshini. Nahakna mitseng khangna leirabadi mahakna nahakki nanakta changba ngamloi. Nahak maithiroi. Nahakna ngasi mitseng khangna leirabadi Jesu Christana lakpa matamda nahak harao nungaina leiba ngamgani.

Dhyan tougadaba: ‘ maram aduna mi ateisingna toubagumna eikhoi tumgumsi, adubu eikhoi mitseng khangna cheksinna leisi.” (I Thessalonians 5:6).