Aug 06 – Pobitrota, tai laga khoon pora!

Hebrews 13:12 itu nimite, Jisu tai laga khoon pora manu khan ke sapha kuri dibole  nimite, tai nijor jaga laga baharte murishe.

Itu bachan te bhabna kuribi, “Jisu tai laga khoon pora manu khan ke sapha kuridibole nimite.” Isor kun hi bishi icha ase ami khan ke bhal aru sapha banabole, tai pora hi tai laga nijor khoon ke phelaishe. Kiman bi dangor balidan dishe Isor pora tai laga ekta chokra thaka ke amikhan ke sapha banabole di dishe.

Isor tu tai laga hazar ta duth thaka ke bi pathabole paribo thakishe.tai laga sobse bhal duth cherubim aru seraphim ke bi bali dibole paribo thakishe. Kiman bishi janwar khan hoilebi thakishe dibo karone. Hoilebi itu sob chari kene tai nijor laga khun, kun hi tai laga ekta chokra Jisu kehi pathaishepobitro kotha te koi, 1John 1:7 tai ujala te thakia nishina, amikhan bi ujala ase koile amikhan ekjon dusra jon logote mili kene thakibole lage, aru Jisu Krista laga khun pora, jun pomeshwar laga bacha ase tai amikhan laga pap ke sapha kori dibo.

Jisu laga krus te hodai din sabi apuni khan ekta bhal aru sapha jibon thakibole nimite. Itu kotha hodai din dohorai thakibi, “Jisu laga khun pora jitishe aru amike notun jibon dishe”. Itu te hi nijor laga tagot bisaribi aru spha rasta tea g barhi jai thakibi.

Ekbar,  satan pora Mratin Luther ke porikha loishe itu koi kene, “nijor ke sapha bhabna nakauribi. Sabi kiman dangor pap apuni kuri kene ase.” Itu koi kena tai pora Martin ke ekla lamba parchi dikhaishe tai laga pap khan likhi kene thaka. Tate likha  tu bishi lamba thakishe. Itu piche te Martin pora hudishe, judi iman hi thakishe aru bi ase koi kene. Satan pora aru bi ekta ani dishe.

Martin pora ekta lal siyahi mane ink loishe tai laga table pora aru itu kagos uporte phekai dishe jitu satan pora anishe. Itu lal siyahi pora hi pura kagos te likhi thaka ke dakhai dishe jinika Isor laga khun pora ami khan ke pap ke dhakai diya nishina. Itu pichete Martin pora koishe, “satan ami manishe ami bishi pap kuri ken ease jitu apuni pora kagos te dikhaishe . hoilebi Jisu krista laga khun pora hi ami ke sapha kuri dishe, tai krus tea mi laga pap karone hi murishe. Itya tu ami pap pora mukti paishe aru ami sapha hoishe.” Itu huni kene satan tu polai jaishe.

Oh  Isor laga bacha khan, kun pora apuni ke galti kobole paribo jitya Isor pora nijor  hi apuni ke tai laga  khun pora sapha kuri dishe? Kun pora apunike papi ase koi kena kobole paribo jitya Isor pora nijor hi apuni laga pap ke tai laga khun pora  dhulai dishe? Apuni nijor laga mon pora bi itu kobole hok nai kile Isor laga khun pora hi tai apuni ke tai laga bacha banai loishe.

Aji bhabnakuribole laga pobitro kotha tiu hoile Ephesians 1:7 kile koile Krista morikene hi amikhan ke azad kurishe, motlob amikhan laga pap ke maph kuri dishe. Isor laga asish bishi dangor ase.