August 03 – ISWARGI WAHEIGI MAPANNA ASENGBA OIBA!

“Sastra khuding Iswargi swordagi oibani, aduga tambibagi damak, waraknabagi damak, chumthoknabagi damak amasung dharmachenbagi marida takpinabagi damak kannabani,” (2 Timothy 3:16).

Iswargi thawaina nangbu thoujalga loinana Mahakki wahei asi nangonda pibirabani. Masigi  maram nahakna khangbra? “Sastra khuding Iswargi swordagi oibani, aduga tambibagi damak, waraknabagi damak, chumthoknabagi damak amasung dharmachenbagi marida takpinabagi damak kannabani,”  masi aphaba thabak khuding pangthoknaba Iswargi mi adu mapung phana thourang tounabani.  ” (2 Timothy 3:16, 17).

Iswargi waheina pappi amabu maran lei haina phongdokpi aduga mahakpu honghanbi. Mahakpu dharmachenbagi maramda takpi tambi. Khudingmaktagi henna athoibadi mahakpu asengba punshi pibi. Asengba punshi haibaga Iswargi wahei asi yamna mari leinei. Jesuna haikhi, “ Eina nakhoida ngangliba wa sing asi thawaini,aduga makhoi punshini.” (John 6:63).

Mi amana asengba oinabagi damakta Iswarna mahakki waheida wasakpiba mayam lei. Nahakna madugi wasakpikhibasing adu nahakki punshida phangba matamda nahakki manungda asengba punshi haibadu asum asum semba hourakkani. Maram aduna nahakna madugi wasakpa adu thajabaga loinana lousinbiro. Sastrana hai, papna nakhoigi nathakta  mapu oiroidabani, maramdi nakhoi wayen yanthanggi makha ponba natte, adubu thoujangi makha ponbani.” (Romans 6:14). “ Maram aduna macha nipa aduna nakhoibu naning  tamhallabadi , tasengnamak nakhoi naning tamlabani.” (John 8:36). “maramdi katnapot ama katpagi mapanna sengdokkhrabasingbu mahakna matam pumnamakki oina mapung phaba oihalle.” (Hebrews 10:14).

Pap ki changyeng nahakna thengnaba matamda Iswargi wahei adu chetna  kollu. Madugi wahei adu phongdok-u. Papna nangbu  ngamloi haina nahakna phongdok-u. Eihak Iswargi khutta leibani mahakna eibu senghanbani, maram aduna kana amattanasu eibu Iswargi khuttagi chingthokpa ngamloi.” Madu oirabadi Satan na nangondagi chenthokkani.

Sastrana hai, “ Maramdi Iswargi wa asi hingi amasung thabak touba ngammi, aduga maya ani panba thangsangdagi henna thou-i. Masina thijinduna hingba thawaiga , tangsamga sading-thaoga khaidok-i, aduga pukningbu amasung thamoigi wakhalbu khangba ngammi.” (Hebrews 4:12). Asengba punshi hingnabagi damakta sastrana  eikhoibu lambi utpibani. Sastrana hai, “ maramdi yathangdi thaomeini, wayen yathangdi manganni takpi tamiba duna chumthokpadi hingbagi lambini,” (Proverbs 6:23). Davidna hai, “nahakki wahei asi eigi khonggi damakta thaomeini, eigi lambigi damakta manganni.” (Psalms 119:105).

Iswargi nungshiba machasing, nganta hougatlaga Iswargi wahei pabiyu. Madugi Iswargi waheising aduna nangonda wa ngangsanu. Nahakki punshibu chingbiba oisanu. Nahakna numit aduda pakhiba Iswargi wahei adugi matung inna nahak hingbra nattraga hingdabra haiba adu nasana nasabu wakhal toubiyu. Aduga madugi wahei aduna haibagi matung inna nahak hingu.

Dhyan tougadaba: “ Aduga eigi nungda phattaba lambi leibra haina yengbiyu, aduga lomba naidaba lambida eibu chingbiyu.” (Psalms 139:24).