ಆಗಸ್ಟ್ 03 – ವಾಕ್ಯದಿಂದ ಪರಿಶುದ್ಧತೆ!

“ದೈವಪ್ರೇರಿತವಾದ ಪ್ರತಿಯೊಂದು ಶಾಸ್ತ್ರವು ಉಪದೇಶಕ್ಕೂ ಖಂಡನೆಗೂ ತಿದ್ದುಪಾಟಿಗೂ ನೀತಿಶಿಕ್ಷೆಗೂ ಉಪಯುಕ್ತವಾಗಿದೆ.” (2 ತಿಮೊಥೆಯನಿಗೆ 3:16)

ದೇವರ ಆತ್ಮವು ನಿಮಗೆ ಸತ್ಯವೇದ ಗ್ರಂಥಗಳನ್ನು ನೀಡಿದೆ.  ಯಾಕೆ ಗೊತ್ತಾ? “ದೈವಪ್ರೇರಿತವಾದ ಪ್ರತಿಯೊಂದು ಶಾಸ್ತ್ರವು ಉಪದೇಶಕ್ಕೂ ಖಂಡನೆಗೂ ತಿದ್ದುಪಾಟಿಗೂ ನೀತಿಶಿಕ್ಷೆಗೂ ಉಪಯುಕ್ತವಾಗಿದೆ. ಅದರಿಂದ ದೇವರ ಮನುಷ್ಯನು ಪ್ರವೀಣನಾಗಿ ಸಕಲಸತ್ಕಾರ್ಯಕ್ಕೆ ಸನ್ನದ್ಧನಾಗುವನು.” (2 ತಿಮೊಥೆಯನಿಗೆ 3:16-17)

ದೇವರ ವಾಕ್ಯವು ಪಾಪ ತುಂಬಿದ ಮನುಷ್ಯನನ್ನು ಖಂಡಿಸುತ್ತದೆ; ಶಿಕ್ಷಸುತ್ತದೆ;  ನ್ಯಾಯವನ್ನು ಕಲಿಸುತ್ತದೆ;  ಎಲ್ಲಕ್ಕಿಂತ ಹೆಚ್ಚಾಗಿ ಪವಿತ್ರಗೊಳಿಸುತ್ತದೆ.  ಪವಿತ್ರೀಕರಣ ಮತ್ತು ಸತ್ಯವೇದ ಗ್ರಂಥದ ನಡುವೆ ಆಳವಾದ ಸಂಬಂಧವಿದೆ.  ಯೇಸು ಹೇಳಿದನು: “ಬದುಕಿಸುವಂಥದು ಆತ್ಮವೇ; ಮಾಂಸವು ಯಾವದಕ್ಕೂ ಬರುವದಿಲ್ಲ. ನಾನು ನಿಮಗೆ ಹೇಳಿರುವ ಮಾತುಗಳೇ ಆತ್ಮವಾಗಿಯೂ ಜೀವವಾಗಿಯೂ ಅವೆ.” (ಯೋಹಾನ 6:63)

ಕರ್ತನು ಪವಿತ್ರವಾಗಿರಲು ಸತ್ಯವೇದ ಗ್ರಂಥದಲ್ಲಿ ಅನೇಕ ಭರವಸೆಗಳನ್ನು ನೀಡಿದ್ದಾನೆ.  ಆ ವಾಗ್ದಾನಗಳನ್ನು ನೀವು ಸರಿಯಾಗಿ ಧ್ಯಾನಿಸುವಾಗ, ನಿಮ್ಮೊಳಗೆ ಪವಿತ್ರ ಜೀವನ ಬೆಳೆಯುತ್ತದೆ.  ಆದ್ದರಿಂದ ಆ ಎಲ್ಲ ಭರವಸೆಗಳನ್ನು ನಂಬಿಕೆಯಿಂದ ಸ್ವೀಕರಿಸಿ. ಸತ್ಯವೇದ ಗ್ರಂಥವು ಹೇಳುತ್ತದೆ, “ಹಾಗಾದರೇನು? ನಾವು ಧರ್ಮಶಾಸ್ತ್ರಾಧೀನರಲ್ಲ, ಕೃಪಾಧೀನರಾಗಿದ್ದೇವೆಂದು ಪಾಪವನ್ನು ಮಾಡಬಹುದೋ? ಎಂದಿಗೂ ಮಾಡಬಾರದು.” (ರೋಮಾಪುರದವರಿಗೆ 6:15); “ಆದದರಿಂದ ಮಗನು ನಿಮ್ಮನ್ನು ಬಿಡುಗಡೆಮಾಡಿದರೆ ನಿಜವಾಗಿ ನಿಮಗೆ ಬಿಡುಗಡೆಯಾಗುವದು.” (ಯೋಹಾನ 8:36); “ಪವಿತ್ರರಾಗುತ್ತಿರುವವರನ್ನು ಒಂದೇ ಸಮರ್ಪಣೆಯಿಂದ ನಿರಂತರವಾಗಿ ಸಿದ್ಧಿಗೆ ತಂದಿದ್ದಾನಷ್ಟೆ.” (ಇಬ್ರಿಯರಿಗೆ 10:14)

ಪಾಪದ ಶೋಧನೆಗಳು ಬಂದಾಗ,  ಸತ್ಯವೇದ ಗ್ರಂಥಗಳನ್ನು ಕೈಯಲ್ಲಿ ತೆಗೆದುಕೊಳ್ಳಿ.  ಅವುಗಳನ್ನು ಅರಿಕೆ ಮಾಡಿ.  ಪಾಪ ನನ್ನನ್ನು ಹೊತ್ತುಕೊಳ್ಳುವುದಿಲ್ಲ ಎಂದು ಹೇಳಿ.  ನನ್ನನ್ನು ಪವಿತ್ರಗೊಳಿಸುವ ದೇವರ ಕೈಯಲ್ಲಿದ್ದೇನೆ ಮತ್ತು ಆತನ ಕೈಯಿಂದ ಯಾರೂ ನನ್ನನ್ನು ಕಸಿದುಕೊಳ್ಳಲು ಸಾಧ್ಯವಿಲ್ಲ ಎಂದು ಹೇಳಿ.  ಸೈತಾನನು ನಿನ್ನಿಂದ ಓಡಿಹೋಗುವನು.

ದೇವರ ವಾಕ್ಯವು ಹೇಳುತ್ತದೆ, “ಯಾಕಂದರೆ ದೇವರ ವಾಕ್ಯವು ಸಜೀವವಾದದ್ದು, ಕಾರ್ಯಸಾಧಕವಾದದ್ದು, ಯಾವ ಇಬ್ಬಾಯಿಕತ್ತಿಗಿಂತಲೂ ಹದವಾದದ್ದು, ಪ್ರಾಣಆತ್ಮಗಳನ್ನೂ ಕೀಲುಮಜ್ಜೆಗಳನ್ನೂ ವಿಭಾಗಿಸುವಷ್ಟು ಮಟ್ಟಿಗೂ ತೂರಿಹೋಗುವಂಥದು, ಹೃದಯದ ಆಲೋಚನೆಗಳನ್ನೂ ಉದ್ದೇಶಗಳನ್ನೂ ವಿವೇಚಿಸುವಂಥದು ಆಗಿದೆ.” (ಇಬ್ರಿಯರಿಗೆ 4:12)  ಇದು ಪವಿತ್ರ ಮಾರ್ಗಕ್ಕೆ ಕಾರಣವಾಗುವ ದೇವರ ವಾಕ್ಯವಾಗಿದೆ.  ಸತ್ಯವೇದ ಗ್ರಂಥವು ಹೇಳುತ್ತದೆ, “ಆಜ್ಞೆಯೇ ದೀಪ, ಉಪದೇಶವೇ ಬೆಳಕು, ಶಿಕ್ಷಣಪೂರ್ವಕವಾದ ಬೋಧನೆಯೇ ಜೀವದ ಮಾರ್ಗ.” (ಜ್ಞಾನೋಕ್ತಿಗಳು 6:23), “ನಿನ್ನ ವಾಕ್ಯವು ನನ್ನ ಕಾಲಿಗೆ ದೀಪವೂ ನನ್ನ ದಾರಿಗೆ ಬೆಳಕೂ ಆಗಿದೆ.” (ಕೀರ್ತನೆಗಳು 119:105)

ದೇವರ ಮಕ್ಕಳೇ, ಪ್ರತಿದಿನ ಬೆಳಿಗ್ಗೆ ಬೇಗನೆ ಎದ್ದು ಸತ್ಯವೇದ ಗ್ರಂಥಗಳನ್ನು ಓದಿ.  ಆ ಗ್ರಂಥಗಳು ನಿಮ್ಮೊಂದಿಗೆ ಮಾತನಾಡಲಿ;  ಅದು ನಿಮ್ಮ ಜೀವನಕ್ಕೆ ಮಾರ್ಗದರ್ಶನ ನೀಡಲಿ.  ನೀವು ಓದುತ್ತಿದ್ದ ಈ ಗ್ರಂಥಕ್ಕೆ ನೀವು ನಡೆಯುತ್ತೀರೋ, ಪಾಲಿಸುತ್ತೀರೋ ಅಥವಾ ನಿಮ್ಮನ್ನು ಅರ್ಪಿಸುತ್ತೀರೋ ಎಂಬುದನ್ನು ಯೋಚನೆ ಮಾಡಿ ಮತ್ತು ನಿಮ್ಮ ಜೀವನವನ್ನು ಸತ್ಯವೇದ ಗ್ರಂಥದ ಹಾದಿಯಲ್ಲಿ ಹೊಂದಿಸಿ.

ನೆನಪಿಡಿ:- “ನಾನು ಕೇಡಿನ ಮಾರ್ಗದಲ್ಲಿರುತ್ತೇನೋ ಏನೋ ನೋಡಿ ಸನಾತನಮಾರ್ಗದಲ್ಲಿ ನನ್ನನ್ನು ನಡಿಸು. ಕೀರ್ತನೆಗಳು 139:24