July 27 – Prabhubhakta Moses laga!

Hebrews 3:5 Moses ekdom Biswas pora Isor laga kam koria manu asile, arutai pichete Isor ki koribole ase koi dishe.

Puribi itu bishi sundor gawahi Pobitro kotha te diya tu Moses laga. Moses tu bishi wafadar thakisheIsor laga suku te. Tai tu Isor logote ekla nohoi kene manu logote bi wafadar thakishe.

‘Pani pora uhaidia’ motlob ase Moses nam tu hoile. Moses jonom hobole laga  homoi te tu bishi bacha khan ke pani te dubai kene morai dishe, Nile laga nodi te. Hoilebi Isor tu taike morom dikhaishe aru tai ke pani pora bachai kene Pharoah jun ppora bacha morai thakishe, tai laga ghor te hi rakhi she. Moses tu itu morom tu pahoranai aru hodai din Isor ke hi bhabna kuri thakishe.

Pobitro kotha te koi, “Hebrews 11:24-26 biswas thakia nimite hi, Moses jitya dangor hoishe, tai nijeke raja laga chukri laga bacha ase koi kene namania hoishe. Tai papi khan logote aram pora khushi kuri kene thakibo, inika nabhabi kene tai Isor laga manu khan logote dukh koribo koi kene bhabi loise. Tai nimite, Egypt laga pura sona chandi khan loa pora, Krista nimite dukh kora bhal ase, kile koile tai laga bhabona piche laga inam nimite ase.

Judi apuni pura Pobitro kotha ke puribo titya apuni  janibo manu ke uthai dia laga motlob  tu ki ase. Jitya manu khan olop kotha te wafadar thakibo, Isor tu taike bishi laga raja banabo. Judi ekjon manu raja thaka homoi te wafadar thake olop kotha te hoilebi, tity Isor pora taike bishi laga raja bonabo, aru Isor pora aru bi tai ke bishi zimedari khan dibo aru uncha kuribo.

Isor tu Moses laga wafadari  dikhishe aru taike dangor zimedari khan dishe aru Israel laga bacha khan ke Egypt pora ulai kene Canaan te loi jabole dishe.

Moses laga hath pora hi Isor tu 10ta kanoon tu Israel laga bacha khan ke dishe.isor pora bishi achurit kamkhan kurishe Egypt aru jongol te bi Moses ke cholai kene. Judi Moses laga jibon tu bhabona kkure amikhan titya amikhan tu Isor thakia laga gawahi tu dikhi pai.

Itu ekla nohoi kene. Numbers 12:6-8 “Jehovah koishe, “itia ami ki koi ase itu hunibi! Apuni khan majote prophet khan ase koile, ami nije taikhan ke sapna te dikhai thake aru tai khan logote kotha koi thake. Hoilebi amilaga noukar Moses  logote inika nohoi; ami nije taike ami  laga Israel laga mamnu khanke sa loa kori bole dishe. Itu nimite ami sida tai laga usorte hi ahi kene kotha koi thake aru tera mera iku bi nokore; ami sabole kinika ase tai itu dikhishe! Apuni ki bhabi kene ami laga noukar Moses biya ase koishe?

Oh Isor laga bacha khan, judi apuni khan bi Moses nisihina hi wafadar thake, Isor bi apuni ke agete ahi kene kotha kobo.

Aji bhabna kuribole laga pobitro kotha tu hoile, Revelations 17:14 tai khan bhera laga bacha logote jhujibo, hoilebi bhera laga bacha tailaga bisaria, biswasi chela khan logote mili kene taike harai dibo kile koile tai malik khan laga malik ase aru raja khan laga  BRaja ase.