Nov 06 – DALL BADLALAJETHI GHANATHA

Luka 15:7 Vor nai dallbadlalena jaroor chenijako yek kam soo niyather vadi anand vajethini, dall badlalajako yek paapir vadi swargema ghano anand vachakan thamen kerochu.

Yek paapi rakshana pathanu Yesu saso Dev kan sonth rakshakar nai  kunvatho dall badlalachko vuner vadi sari swargemaj ghano anand pavacha. Swargema sojavun sada ghano khushi lagacha.

Dev sada hano dall badlalajako ann rakshan pavajen ghano ashish karacha. Jethij Dever vaath kacha (1 Samuel 2:8)  “Garibena Dev gobrer hokaldiparethi vunch Votadacha”. Deva ken cheti karacha ann ken vunch padachko malam ka? Devaj vunch padanu kelatho von Vor pakthima bhesadajethanu Dever ashish von den sethi vuncho rakadan Paapethi chodan haryar bagen lejavacha. Yek narahathya karevalo dall badlanatho vu seeda angarer khayemaj dagerjaye.

Yesu baapu siluvaper latakrojanna sada dee choryama yek chorya Vor pakthima latakrojema dall badlalino jethi vu chor vor paapen prayaschith lelen janaj paradaisen hakkdar vegochi kan von maap karan Yesu baapu koju dekacha.

Vodan thayar karan cheejevun badlavni karer jagema bhari mot mot yanthravo kam karukarajen dekatho. Vo yanthramevuthi masaj bhari chajako containerevun yekemathi ajjek vodavuma chadavukaracha. Hanoj yek manikya gobarer hokaldir nai kathra paapi rathoi von Dev dayi Karan vuncho padan Devethi bhalan bheser jaag dacha.

Yekvona gamgojako betan herdelalo. Yee beta keldo maar bapethi asthi lelen door dagarjavutho maa achethi banchiyu kan lapan vu vor pisana asthina balla kaamevasan , chanalir dai jathani kharcha karnako , janaj vo deshema kaalero daad ayo jethi vu beta soorin chararo jerdai soorin charayer maando paristhithi dagaryayi, janna vona vor baap herdayo dall badlalino paran hoto athanu baperdai maap puchotho vor baap anglina veenti peran, aach latha pepera, thaaja keldan kaatan vaaja vajathanu naachadthanu khusi karan vo baaper pakthima vor betan bhesalden khushi kido.Yee kethi sadyam veechkatho vu beta dall badlalino jethij kan malamkarlenu.

Mar premer Dever beptavo thona sada gamgojako betan maap Karan sethi jada ashish kidoju aaj thu Vo Yesu Deven thar sonth rakshak ken dallema balathani thar paapen maap punchlatho Vu Yesu baapu thar jeevanen badlavni karan navvo jeevano danakach. Ajaj thar dallen badlalethani vo Yesu Deven thar dallema balalechika?

Ajji jada dhyan karen pado Luka 15:32 Thar bhayi yee maargo pheer jeevyayo;gamago pher laabgo;jethi apan khushi karan anand payer aachoj jan ko.