Dec 16 – ISWARGI NUNGSHIBA HAKCHANGDA PHONGDOKPA!

“Isorna eikhoibu nungshibi haibasi asumna utpire, madudi Isorna mahakkki amata ngaiba Machanipabu taibangpanda thabire, masi eikhoina mahakki mapanna hingnanabani.” (1 John 4:9).

Isor amadi nungshibasi kainaba yade. Ningthiraba    dut amadagi nungshiba haibasi louthokpa tarabadi mahak satan ongani. Swargadagi nungshiba haibasi louthokpa tarabadi norok oingani. Nungshiba yaodaba mi asi lamsagumba oigani. Aduna nahakna Isordagi nungshiba asi louthokpa ngamloi maramdi Isordi nungshibani.

Prabhu singgi Prabhu aduna taibangda lakpa haibasi araiba thabak oibra?mahak  swargada Mapa Isorgi tampakta leibani, aduga sanagi sorok ta koichat chatlibani aduga masing thingamdraba dutsingna Mahakpu khurumlibani. Asukki matik pap na thallaba taibang asida prabhusinggi Prabhuna lakpa habasi angakpa amani. Yamna nungairaba bungalow da leiriba mi amana tinkangna yomlaba Chennagi Cooum turelda leiba pamgadra?

Adubu eikhoigi Prabhuna eikhoibu nungsirubana maram oiduna mahakna swargagi matik mangal adu hundoktuna ee tong panba oina taibangda lakle. Mahak karisu nataba ama oina laktuna minai amagi saktam louduna mi ama gumna lakle. Mahakki  nollukpa mahakki nungshiba adu phongdokli.

Matam amada Dr. Billy Grahamna sorok ta chatpada kakcheng mayam thengnakhi aduga mahakna netlamde adubu kanduna chathokkhi. Mahakna kakcheng onba ngamlabadi makhoibu mahakna netpa amadi manghanba haibasi pamde haina tambiba ngamgani haina khallammi.

Mioibana kakcheng onba ngamdringei sida Iswarna mahakki lomba naidaba nungshiba aduda taibangda mioiba ama oina lakle. Iswarna  swarga asi mahakki phambalni aduga malemna mahakki khongnetphamni hai,aduga mahakna taibangda ee tongba panba oina lakle, madu mahakki angakpa nungshiba  adugi maramnani.

Tamil nadu gi imung mayam asi United States ta hongjinkhre. Makhoi adugi tungda lakkadaba miron aduda India da hallakpa pambra haina hangba tarabadi makhoina asumna khumlakkani, “Oh, madu uphul amadi amotpana thangani. Eikhoina mapham aduda karamna leigani. Eikhoina maduda lakpa tarabadi eikhoigi phironsing motlagani.” Makhoina asumna su hanglakkani , “ United Statesta leiriba Super Market gumba maduda phanggadra”.

Adubu United States amadi United Kingdom dagi mi mayamna mapham adugi nungaiba adu thadoktuna Indiada Isorgi thougan tounaba lakkhi. Madu Jesugi nungshiba adu makhoigi thamoida thanbanigini. Makhoigi wahang adu yamna icham chambani: “ Prabhu singgi Prabhu aduna nungairaba swarga adu hundoktuna laklabadi eikhoina eikhoigi nungsiba amadi lamdam bu thadoktuna Iswargi thougan touba ngamloigadage?”.

Iswargi machasing, Iswar asi nungshiba oibana maram oiduna nahakna Iswardagi nungshiba haibasi louthokpa ngamloi.

Dhyan tougadaba: “angangsing asi ee tonggi saruk phangbanina , mahaksu masamak maduga mannana saruk phangminnei , maramdi mahakna sibagi mapanna  sibagi matik leiba mahakpu, haibadi diyabolbu manghannabani.” (Hebrews 2:14).