Dec 13 – SABIA RU PRATHANA KORIBI!

Mark 14:37-38 “titya Tai ahishe aru paishe tai khan ke ghumai thaka aru koishe Peter ke, “Simon, ki apuni ghumai ase? Ki apuni sabole paranai ek ghanta bi? Sabi aru prathana koribi, nahoile apuni ghusibo porikha  te. Atma hosabi ase icha kori, hoilebi gau ase komjur”.

Isor pora matishe aru abhishekh korishe apuni ke sabole aru prathana koribole apuni laga ghor karone; aru apuni laga  girja; apuni laga desh nimite. Itu karone itu ase dorkari sabole aru prathana koribole; bhangabole sob shakti khan ke dushman khan laga; aru bachabole bacha khan ke Isor laga.

Ami hunishe camps khan te Liberation of Tigers khan laga; aru camp khan ke Sri Lanka army khan laga, ami baba pora. Tai koi ki duita camp khan bi hodai bishi hoshiyar pora sai thake; aru camp khan juntu laparwahi thake ekta din te hobo bishi ghatna.

Itu nishina, police forces khan bi, defence forces khan bi aru civil manu khan bi Israel te ase bishi hoshiyaar aru sai thake. Tate ase chaudho ta desh khan Israel te jun khan ase dushman laga swabhav khilaf te Israel laga. Palestines khan bi jun khan thake Israel te, kunuba homo te morai Israelites khan ke rakhi kene suicide attack khan ke tai khan te. Itu karone, Israelites khan hodai thake hoshiyaara ru tayar samna koribole sob chunoti ke.

Tate bishi prakritik ghatna ase juntu ane dangor bipati: jinia bhukamph aru baar. Poila laga din khan te tai khan hune volcano ula  laga; nahoilebi bhukamoh khan bishi kom te. Hoilebi a ji kali itu khan hoishe iman samanya. Itu karone ami khan hoshiyar hoi kene thakibo lage rahasya jag ate sobse Uncha laga; niche te sorvashaktiman laga  chaya te (Psalm 91:1).

Aji kali atma khan andhera laga; aru biya atma khan jun khan loi jai tai khan laga jibon ke ekta biya rasta te aru biya hisab te. Itu atma khan hani kore tai khan ke achanak te. Hoilebi isor achurit pora bachai utu porivaar khan ke jun khan thake hoshiyaar aru tayar prathana te. Isor hi hobo bera jui laga tai khan ke gherav kori kene, aru thakibo majete mahima te(Zechariah 2:5). Jitya pora khun balidaan memna laga dhalishe sardal khan te Israelites laga ghor khan te, duth khan sarbonash laga ghushibo paranai utu ghor khan te.

Isor Jisu chetavni dishe Simon Peter aru dusra chela khan ke, sabole aru prathana koribole, nahoile tai khan ghushibo porikha te(Mark 14:38). Itu kilekoile prathana laga komi pora, ki Peter harishe porikha te satan laga. Tai  bhoi lagishe manu pora;a ru charishe Isor ke; aru shrap bi  dishe isor ke. Aru kilekoile itu karone, tai tita suku pani giraishe pichete. Pobitro kotha te koi, “sabi aru prathana koribi, nahoile apuni ghushibo porikha te. Atma hosabi ase icha kori, hoilebi gau ase komjur” (Mark 14:38).

Isor laga bacha khan, hobole dibi prathana jibon ke isor Jisu laga ekta prernasroot hobo apuni karone. Itu karone prathana koribi; hobi hoshiyar, sabia ru prathana koribi.

Aji dhyan koribole laga pobitro kotha tu hoile Mark 13:33 “dhyan dibi, s abi aru prathana koribi; kintu apuni najane kitya ase homoi”.