Aug 28 – AHRAM ARU UTTARADHIKAR!

Deuteronomy 12:9 “kintu inika apuni ahanai ahram koribole aru uttaradhikaar juntu Isor Apuni laga Pormeshwar pora ase apuni te”.

Olop saal agete, ekta jawan maiki Philippines te dhurishe aru atyachar korishe moila atma khan pora; aru tate iku ahram thakanai tai karone. Achanak pora, duita andhar roop (ekta khata aru ekta lamba) ulaishe tai laga agete. Jitya bi itu khan ulai, itu maiki katibo nijr ke aru jokhom koribo junga nakhun pora. Tai kandibo a ru chillabo bhoi kori kene, aru  hekh te tai behosh hoi jabo kilekoile habna koribo napara bikh pora.

Utu roop khan ulai thake din laga jun homoi hoilebi: phujir, sham aru rati te bi. Tai khan uabo judibi tai ekla thakile bi nahoile manu khan logote thakile bi. Aru kun bi tai ke modot koribole napare. Kilekoile itu khan nadikha laga roop thakishe, kun bi bachabole paranai tai ke itu samasya pora; na tai ke mukti dibole parishe utu atma khan pora aru dibole tai ke shanty.

Jitya itu kkhobon phungchishe Philippines laga sorkar te, tai khan laga mukhya mantra faisla korishe abhilekh koribole tai laga chilla khan ke  aru dibole pura desh te, aru hudishe judikkunuba modot koribole paribo utu jawan maiki ke.

Ekta manu Isor laga jun hunishe utu samachar ke, lok korishe utu maiki ke. Tai dihhishe ki tai laga pura gau dagi hoio kene thakishe nishan pora jokhom aru kata laga. Tai prathana korishe tai karone,a ru anishe tai ke bandhan te Khun te Jisu Krista laga. Naam te Jisu laga, Tai adesh dishe moila atma khan ke chari dibole tai ke aru nachubole taike aru kitya bi. Itu pichete, tai pura changai paishe sob tai laga jokhom khan pora kilekoile tai paishe achurit changai ke.

Isor laga bacha khan, ji hoilebi apuni laga sangharsh apuni berai thaka, apuni jabo lage Isor te jun chepaishe mathake Satan laga. Tai ase khali Ekta jun bachabo apuni ke atma laga lorai pora. Tate iku rog nai juntu tai changai koribo napare; kunu moila atma nai juntu tai ulai dibo napare; na iku poristhiti juntu Tai ilaj koribo napare; aru iku khong nai juntu Tai chup koribo napare.

Hboilebi jun bi bikai nijor ke paap te; jun ator hoi jai Isor pora aru bone naukar satan laga; tai kityabi nathakibo shanty jibon te. Tate iku ahram nai ashanth hagor te; na shanty biya khan ke; aru na ahram atma khan ke jun more homoi laga agete. Pobitro kotha te koi, “aru dhua tai khan laga atyachar laga uthi jaishe hodai din karone; aru tai khan iku ahram naia din aru rati, jun seva kore janwar ke aru itu laga chabi ke,a ru jun bi pai nishan tai laga naam te” (Revelation 14:11).

Aji dhyan koribole laga pobitro kotha tu hoile Joshua 1:14-15 “apuni modot koribo lage tai khan ke jitya tok Isor proa dishe apuni ke bhai ahram, jinika Tai dishe apuni ke, aru taikhan bi loishe bhag mati laga juntu Isor apuni laga Pormeshwar pora di ase tai khan ke”.