Appam - Soura

Aug 10 – Gamangtungan a Gijben asan!

“Kuddub mandranji ampara sanabyun a hangben asan, do itente a manaridan sadan sadle buteja Gamangtungan a d’ong aggije, anta manaridan a hangben asan abrijnaba” (Ebri 12:14).

Manaridan a mandrengn abhanaben abmele bibolan gadlamlangten,agamten abernan manaridan sadle, buteja Gamangtungan a d’ong gijle adraptie. Kristumaranji abmele manaridan jznjzn murdadam. Manaridanna batte mandran a d’ong abtangorte do gamangtungan a d’ong gijle raptite. Bibolan gamte: “Marid uggar maranji man’oihdam, iten asan gamlenden aninji Kitungan a d’ong gijteji” (Mattiu 5:8).

Bogad buteja rajan a sidrung-lingan maidamten, bo bigarda ganijtan batte gijtate. Bogad amben bo surda offici-lingan agante, amben bo bangsa ganijtan batte agijtaben dete. Kun ambrij, Kitungan a tanurdun-lingan janang boi boi kalkaldam ahangben, manaridan adakulenden.

Bogad amben agalambendete ‘Kitungan agijben abmele’, amben barijloge a kznolben dete Kitungan abadlohim-maranji abmele papwr anosaijan do tabme anosaij-lingan. Agalamte badlohimmaranji Kitungan batte ahalenanjin ate. “Enok Kitungan ampara gorodlen a tiki anin ganittan addead, iten asan gamlenden Kitungan Enok a d’ong am’eng-d’ongan urungeten” (Aparamangtan 5:24). “Noan Kitungan batte gorodle” (Aparamangtan 6:9). “Abraam a d’ong Kitungan a gardin gamle ganudingan dele” (Jakub 2:23). “Gamangtungan Mojes batte armukka mukka arberleji” (Hanagod 33:11).

Mandrengnaben ja Kitungan a d’ong agijben do Anin batte ahanaben dete. Amben Kitungan a d’ong gijle adraptie taniytaiyanji do bo baran batte. Delenden gijle adraptite pwrardan Kristu abmele hangleden. Orde dile dina Kitungan abmele baran lumlenden. Amben gijle araptite Kitungan a d’ong, sattang Marid mandrengna batte.

Daudo saile Kitungan a d’ong agijben abmele. Anin idolle, “E Kitung, Aman na Kitung-hen do hen d’ong-Nam umeng sanilsaijtam. D’an ahadlen asarsol desa lingan pwrarda-hen Aman apsele anargalan daku do jelu-d’ong-hen Aman apsele malitsumdate” (Sanenken 63:1-2). Gijban jaru anitsuman batte Daudo gijle Kitungan a d’ong, kun atena amandrengna abmele sanaisaidam dakule.

Manaridan a mandrengna abmele, Kitungan a d’ong agijben itsumte, dile tagaddaban, jaru anogalan batte. Angante amben agijte Kitungan Jisu Kristun, Anin absuidamten U’an Kitungan amukaban saring, dile rayil tagaldaban, endrang takuden dinna ayamlen.

Tanahimdam Kitungan a onagji, angante Kitunglen absuite U’an Kitungan amang saring, dile rahil, atam-lumudan ambrij ayam, ogandiba kun abmele do kan abmele saiba.

Okiy Kinolbe absele: “E Gamangtung, ahim Nam buten abbantonge do adnabgug‘ue? Iten asan gamlenden Aman maih mariddam, gamlenden mukkaba~Nam kuddub jattinji iytai senpwrreji, gamlenden kuddub roitad bara-Nam panunggen deleji” (Anabpungge 15:4).

Leave A Comment

Your Comment
All comments are held for moderation.