Appam - Soura

Aug 09 – Mandrengnan Rapti a Hangben asan!

“Yante gamle aninji mandrengnan rapti hangteji, do awrdage antate rapti hangteji, kun asan Hen yerrai” (Jon 10:10).

Kitungan gamle Anin yiraiten awrdage a mandrengna a tiyben asan. Kitungan butente gamle: “Abraam amukkaban, Hen yirtai Ordarban. Kitungan d’onglen sedale Ordaran aganutulan admang, ordarba yirrai awrdage a mandrengna atiyben asan. Butente Mojes a mukkan ban gamle, “Hen na butente Hen na’, mandran hildamlen yiraiten d’onglenji erahidan a mandrengna atiyben asan.

Bibolan gamte: “Butente a Onan hangeten, anin mandrengnan hangeten, butente Kitungan a Onan adhangad, anin mandrengnan adhangad. Yante gamle anlen er ahidan a mandrengnan a banglai, gamle amben rapti a galamte, kun asan kan a bernan hen appaiollaben. Bube bute ambenji Kitungan a Onan ahim lingan a derten, mangba-ben hen appaioltai” (1 Jon 5:12-13).

Kitungan Jisun batte taniyan adelen a mandrengna kayatingdage ted a mandrengna, bindo kun a mandrengna erhidage, janardage. Anin amandrengna tiyle mandrengna atiyben asan. Butente butente ate amandrengnaji adnisumeji gamteji ‘yangam mandrengna-hen dete gamle? Boi boi bangsa dete Kitungan gudingihten den singban.’ Kan ambrij arasudanji do sanabyun asunji batte kan ambrij.

Bindo Kitungan bo surda mandrengna tiytaben, radu d’ongan do banangsan. Anin janang tiytaben bo surda mandrengna do man’oihan. Erahidan a mandrengna na tardaayam amandrengna, mandrengna sanabyun do man’oihan Kristu-lingan. Butente Kitungan a d’ong gijleji bangsale a mandrengna-linganji.

Bogad sagarda ajingan anabsengan delenden, absengten. Kun ambrij, bogad amben mandrengnaben absenglenden Kristuban, janggardadage amandrengnan ahangte, mandrengnaben bo surda banandan batte yirtai. Bindo bogad Kristu mandrengna-lingben adakulenden, bo surda anabsittan ahangte, erahidan amandrengna.

Ateng mandranji ateng ajanabanji batte derderlen dakutenji. Aninji kayatingdage nogandin batte aninji amandrengnaji dakute ahiman, ganugun do birindanji asidten ate. Bindo aninji kan ambrij amandrengnanji asuidam abmele. Bindo amben ajale Kitungan Jisun Kristun a d’ong ablumar-hen gamle do mandrengnaben a Kitungan.  Anangten Anin mandrengnaben atarangdi-lingan yirtai, mandrengnaben bo surda sanabyun do man’oihan ayangte.

Okiy Kinolbe absele: “Itente a janumjuman s’zdte, kun a hangben asan amben a baradongne a tasadongne, bindo itente a janumjuman er ahidan’a mandreng— nan apsele dakuten, itente a On Maran tiytaben, kun a hangben asan amben baranaba” (Jon 6:27).

Leave A Comment

Your Comment
All comments are held for moderation.