Aug 07 – BADHA KHAN !

“Titya Bishi pora chetavni dishe tai ke chup thakibole” (Mark 10:48).

Jitya Bartimaeus thaan loishe pabole tai laga drishti ke, manu khan bhabna koranai tai laga dukh sthiti ke aru koranai modot tai ke.tai khan chetavni dishe tai ke namati bole Isor ke aru thakibole chup.

Aji bi, Bishi manu khan rokhabo pare apuni ke matibole Isor ke prathana pora. Kunuba karone, tai khan laga nijor porivaar bi hobo pare tai khan laga dushman khan.

Jitya manu khan Israel laga charishe  Egypt aru jaishe tai khan rasta te pratigya laga mati Canaan te, Pharaoh poila charishe tai khan ke.  Israelites bhangaishe tai khan laga basha ke khun dwara Memna laga.

Dusra, lal samundar khara korishe ekta dangor badha jinika. Utu badha bhangishe aru lal samundar bhag hoishe tai khan karone, jitya moses barhaiahe age tai laga lathi ke. Tisra, nadi  Jordan thakishe ekta dangor badha. Hoilebi jitya theng pondit khan laga Jun dhuri thakishe dhip ke Isor laga chui she itu ke, pani khan Jordan laga kati jaishe (Joshua 3:13).

Titya bera khan Jericho laga khara korishe rasta te ghusibole mati te   Canaan laga. Hoilebi jitya manu khan Israel laga jaishe prashansha kori kene, Jericho laga bera bhangishe aru badha khan giri jaishe.

Ki ase badha khan juntu rokhai apuni ke aghe te jabole atmakarik jibon laga? Kunuba karone itu hobo pare tai khan laga poristithi pora; kunuba karone tai khan laga dhar laga samasya; aru kunuba dusra karone itu hobo biya yojna khan biya manu khan laga.

Isor ami khan laga Pormeshwor ase Tai Jun bhangai kene khule sob badha khan ke (Micah 2:13). Teon ase ekjon Jun bonai upor niche ke sidha  ( Isaiah 40:4). Teon jabo agete apuni laga aru bonabo tehda rasta ke sidha (Isaiah 45:2). Teon bonabo pahar khan ke ekta rasta, aru barhabi sob rasta khan ke (Isaiah 49:11).

Nabi Micah pora dishe achurit naam Isor ke inika ‘Ekhon Jun bhangai khule badha khan ke’. Job koishe,  “Ami Jane ki Apuni pare koribole sob saman khan ke aru ki iku uddesh bi Apuni laga rukhabo napare apuni ke.” (Job 42:2).

Bartimaeus thakishe andha. Aru jitya tai matishe Isor Jisu ke pabole tai laga drishti ke, manu khan gali kori ahe tai ke aru chetavni dishe tai ke thakibole. Itu jinika, jitya kunuba ama baba khan anishe tai khan laga bacha khan ke jisu te, chel khan gali korishe tai khan ke. “Hoilebi Jisu koishe, ‘ahibole dibi chutu bacha khan ke ami te, aru mana nakoribi tai khan ke; kilekoile inika ase rajyo swarg laga”. (Matthew 19:14).

Nahobi nirakha jitya dusra khan rokhai apuni ke. Nahobi nirakha porikha aru dukh khan pora. Apuni ke matishe berabole pahar khan te aru jitibole tai khan ke. Manu khan itu prithibi laga anibo pare badha khan ke. Isor ase shaktishali bhangabole sob apuni laga badha khan ke.

Bacha khan Isor laga, Teon jun ase apuni te dangor ase tai pora Jun ase itu prithibi te.

*Aji dhyan koribole laga Pobitro kotha tu hoile 2 Timothy 3: 12 “hoi, aru sob Jun icha kore jiyabole pobitro Krista Jisu te bhugibo atyachar”. *