Aug 03 – KHUNDE KUHAAN KHAN KE DUBARA

Genesis 26:18 “aru Isaac khundishe kuhaan khan ke pani laga  jun tu tai khan khundishile Abraham tai laga baba laga din khan te, kilekoile Philistines khan pora rukhai dishe tai khan ke Abraham mora pichete. Tai matishe tai khan ke naam pora juntu tai laga baba pora tai khan ke mati thakishe.”

Utu kuhaan khan ke khundishille din khan te Abraham laga tai khan ke homoi jaa nimite bondh kora nahoi, hoilebi tai khan ke philistine manu khan pora bondh kora thakishe- jun khan khilaf te thakishe Isor laga aru Isor laga bacha khan laga. Itu kotha,’philistine’ mane jun hi berai aru thikana nai. itu khan nishaan ase satan laga, jun hi berai pichete agete (Job 1:7)

Philistine khan kuchis kore hodai bondh koribole aru rukhabole jharna khan ke khusi aru shanty laga. Tai khan bonai jhamela aru tita aru churai loi anondo mukti laga. Kun khan philistine ase apunu laga jibon te, jun hi biya kore shanty aru bondh kori diye jhannra anondo laga? Kun khan ase jun hi tane apuni ke misa te pulic thana aru adalat te,a ru biya kori diye shanty  ke apuni laga? Sabi nijor laga jibon te kun philistine ase aru dur thakibi tai khan pora.

Raja saul laga din khan te, utu philistine khan koi misa iosr lag khilaf te aru dangor bhoi ani diye isaraelite manu khan uporte. Hoilebi david jai agete bhoi nakori kene aru mari kene philistine ke morai diye. Jitya philistine khan pora bondh kori diye kuhaan khan ke juntu Abraham pora khunde, Isaac bi jai agete bhoi nakori kene aru khunde dubara . aru tai lag achurit te, tai pai jharna mitha pani laga, juntu tai aru tai laga porivaar pora luft uthai. Itu pora bujhai pyas sob manu aru janwaar khan laga aru kheti ke bijhabole bi. Pobitro kotha te koi: “utu reth laga jaga aru kaam nathakha mati bi khushi hobo tai khan karone,a ru reth laga mati pora anondo hoi kene phulibo gulab nishina,”(Isaiah 35:1)

Aji sabi nijor ke, ghuribi Isor te, jun hi dibo ghurai kene jharna khushi laga, pobitro ta laga aru chuni loa laga apuni te. Swikaar koribi apuni laga paap khan ke aru khundibi kuhaan khan ke dubara juntu bondh  hoi ken ease. Ghuribi apuni laga poila morom te. Hobole dibi Isor ke ghurai dibole aru dibi utu prathana kora laga jibon ke, pobitro atma pora bhborta hia laga aru tai laga shakti apuni laga mantralay te.

Aji bhabna koribole laga pobitro kotha tu hoile Song of Solomon 4:12: “ekta bagan hi ami laga bini ase, ami laga sathi, ekta jharna rukhi jai, ekta jharna bondh hoi.”