Aug 03 – AHRAM MAUJUDGI TE ISOR LAGA!

Exodus 33:14 “ami laga maujudgi jabo apuni logote, aru Ami dibo apuni ke ahram.”

Swargo ahram ke koi ken ease ami khan ke duita te bi Purana aru Notun Niom te. Inika swargo ahram ase dangor sob ashirbad khan laga majete. Aji ami khan dhyan koribo sob notun rasta khan te thakibole ahram.

Maujudgi Isor laga ase rasta swargo ahram laga. Jitya apuni bohe maujudgi te Isor laga, tat ease anondo apuni laga atma te kilekoile apuni pura bodh hoi Tai laga morom te. Jitya apuni anondo pora seva kore tai ke gana khan logote, tai laga maujudgi jabo apuni laga agete. Jitya apuni seva kore Tai ke atma te aru hosa te, apuni shuru hoi bhorta hobole Tai laga mitha morom  logote.

Jitya Isor ase apuni laga charwaha, Tai  pora loi jabo apuni ke kinarte rukhi tahka pani laga. ‘rukhi tahka pani’ dikhai ahram ke juntu  di kene ase Isor pora. Saguli khan pora bi nakhabo mati tahka pani ke. Isor jai ase apuni laga agete, dibole apuni ke ahram.

Swarg duth khan, Cherubim aru Seraphim jabo Isor logote dibole ahram. Aru gauravmai Isor laga jabo apuni agete; ekta khuta nishina badal laga aru khuta jui laga nishina. Raja, raja khan laga aru Isor , isor khan laga jabo apuni laga agete dibole apuni ke ahram.

Kun pharaoh bi apuni ke rokhabole naparibo apuni ke jitya maujudgi Isor laga jabo apuni laga agete. Aru lal samundar hobo lagibo bhag bonabole notun rasta ke apuni karone. Aru baar Jordan laga rukhibo lagibo aru jabo wapas tai laga rasta  te. Sob bera khan Jericho laga bhanagi dibo; sob dorja khan bronze bhangi jabo;  aru sob lathi khan loha laga bhangi bo chutu te.

Hoilebi kinika apuni jabo maujudgi ke Isor laga? Itu khali apuni laga prashansha pora ase ki apuni anibo niche maujudgi ke Isor laga, aru Tai thakibo rajyo te  itu prashansha logote Israel laga(psalm 22:3). Jite hoilebi Tai ke seva kore atma te aru hosa te, itu thik ase ki Tai laga bharpurn maujudgi Isor laga ahibo niche utu jaga te.

Sabi paul aru silas ke. Tai khan ke marishe rod khan logote; phelaishe kalkotri te; aru tai khan laga theng khan ke bandhi kene rakhishe. Holebi majete itu sob laga, tai khan laga mon khan anondait hoi tahkishe aru ahram kori thakishe maujudgi te Isor laga. Itu karone tai khan parishe prathana koribole aru gana gabole hymnal ke Isor ke. Itu pora anishe  dangor ahram mon te dusra kaidi khan laga, jitya tai khan huni thakishe.

aIsor laga bacha khan, prashansaha koribi Isor ke sob stithi te bi. Aru ghushibi itu swargno laga ahram te, apuni laga nirantar prathana logote.

Aji dhyan koribole laga pobitro kotha tu hoile Hebrews 4:9 “tate thake itu karone ekta ahram manu khan karone Isor laga”.