Apr 21 – Sheva kuribi isor ke!

1 Chronicles 16:29 dibi isor ke Gaurav tai laga naam te; anibi ekta daan,a ru tai laga agete ahibi. Oh, sheva kuribi isor ke tailaga sundor pobitro ta te.

Sheva kuribi isor ke, itu hi sob se poila karon ase apuni ke nirmaan kura laga. Tai ekta alag akha ase apuni pora, jitu itu verse pora dihi pai. “itu manu khan ami bonai she ami nijor kaorne; taikhan hi kobo ami laga mahima” Isaiah 43:21. Sob manu khan laga majete, isor pora chunishe apuni ke tai laga nijor pobitro manu. Apuni khan sheva aru mahima kuribo lage sior ke itu prithibi te thaka homoi te aru hodai din nimite.

Jitya puni isor laga girja te jai, apuni khan sobse poila isor ke sheva kuribole lage. Apuni khan tai laga sob daya khan ke bhabna kuribole lage aru tai ke sheva kuribole lage. Pobitro koth ate koi: “kile koile tai apuni laga isor ase, sheva kuribi taike” Psalm 45:11.

Dusra tu hoile, jitya puni girja te thake, apuni khali prathana nakuribo lage hoilebi apuni nijor laga Biswas ke bi dikhabole lage. Apuni khan nijor laga Biswas inika koi kene dikhabole lage: “isor apuni pora hi sob prithibi aru swarg laga nirmaan kurishe. Judi bi apuni sob duniya laga ke nirmaan kura laga ase, apuni nichete ahishe prithibi te aru dishe apuni laga jaan  kruste uthi kene calvary te, ami khan ke pap pora chuarbole. Ami Biswas kure ki apuni aru ekbar ahibo prithibi tea mike lobule nimite.”

Ekbar jitya jsu saishe utu manuke jun hi andha thakishe jonom pora hi, tai utu manu ke morom lagishe aru changai kurishe utu manu ke mati tai laga suku te lagai kene. Jittya tai laga suku khulishe, utu manu khushi pora hi bhorta hoishe. Jitya jisupora taike aru bi lok paishe, tai hudishe utu manu ke: “ki apuni Biswas kure isor laga chokra ke” titya taikoishe: “isor am Biswas kure!” aru tai jisu ke sheva kurishe, john 9:38.

Tisra tu hoile, jitya apuni girja te jai, apuni khan tai ke mahima kuribole lage. Jitya david tai laga bacha ke harai loishe, tai koishe: “itya tai murishe; kile ami upwas lobule lage? Ki ami taike wapas anibole paribo? Ami tai logote wapas jabo hoilebi tai ami logote nahibo,” 2 samuel 12:23. Inika hi isor laga mondir hi tailaga ahram hoishe.

Iso rlaga bcha khan, apuni bi isor laga theng te hi ahram pabi! Jitya bi apuni dukh te thake, iso rlaga mondir te jabi aru apuni laga dukkh tu isor ke dibi. Aru tai pora dibo apuni ke ahram, shanti aru ashirbaad.

Aji bhabna kuribole laga pobitro kotha tu hoile Isaiah 6:1 utu saal te rja uzziah murishe, ami dikhishe isor ke rajyo te bohi thaka, uporte uthi kene, aru tai laga kapra laga rail pora hi mondir bhorta kurishe.