Apr 18 – dushman mahima laga!

Phillipines 4:11 kile koile ami shikishe ki jina ka homoi tea mi thakile bi, ami sthir rhakibo lage.

Jun khan bi sthir thake, tai jinika homoi te bi thakile, tai mahima aru sheva kure isor laga, anondo hoi kene tai lagamon te. Aru ekta manu, jun hi mon bhabngi jai  chutu kotha khan nimite bi, tai nijor ke hi khotom kuri lobo tai nijor laga dukh khan pora hi.

Shikayat kora hi sobse poila dusman ase mahima laga, aru itu hi giri ja manu laga adot bi ase. Itu pap kora pichete, adam pora eve ke bodnam dishe, tailaga maiki ke. Aru eve pora, bodli te gussa uthi kene sap ke bodnam kurishe. Maiki pora koishe, “sap pora amike jukaishe,a ru ami khanishe,” genesis 3:13. Tai khan kun bi itu icha thakanai nijor laga galti ke swikar kuribole isor ke aru map mangibole, aru isor logote milikene age nishina thakibole. Tai khan nijor hi diyanai isor kemahima kuribole aru tai uporte anondo kuribole.

Isor nijor hi morom pora oisrael manu khan ke loi jaishe jongol pora. Tai pora tai khan ke swarg laga khana jike ke manna koi itu pora pet bhorta hobole dishe aru tai khan ke pani pathor laga khabole dishe aru tai khan ke isor laga khuta badol pora hi rasta dikhaishe. Itu khan sob achurit isor laga rasta dikkhai diya por abi, Israel manu khan sthir thakanai. Tai khan shikayat kurishe aru isor laga khilaf te kahara kurishe aru hari she isor ke mahima kuribole aru sheva kuribole.

Itu shikayat kora laga atma hi Israel bacha khan laga khun te bhorta hoi kene thakishe exodus 16:7; Deuteronomy 1:27. Toh isor hi mon dukh paishe aru koishe: kiman deri ami bordasht kuribo itu biya manu khanke jun hi amilaga shikayat kure ami laga khilaf te? Ami hunishe tai khan laga shikayat junntu Israel laga bacha khan ami laga khilaf te kurishe. Numbers 14:27. Itu kaorne bishi manu khan jongol te murishe. Junnkhan isor ke Biswas kure, dhonyobad kuribo aru mahima kuribo taike sob karone. Hoilebi jun khan Biswas nai tai khan hi shikayat kuribo. Pobitro kothate koi: kuribi sob kam khan iku shikayat nakuri kene aru jhagra nakuri kene. Phillipines 2:14.

Ekta porivaar thakishe, jote ma baba khan tai laga chukri ke chapel bi kini kene dibole napare. Itu chukri bishi mon dukh pai kene ghor pora hi polai jaishe. Ekta gahs laga nichete tai laga bosti te hi, tai ekta lengra manu dikhishe jun hi jonom pora lengra thakishe, aru tai laga theng nai. aru itu laga homoi te bi, tai gana kuri kene isor laga mahima kuri tahkishe. Jitya itu chukri tai ke dihishe, tai bishi mon dukh hoishe aru nijor laga galti ke buji she.

Isor laga bacha khan, jitya iman manu khan bimar aru dukh pai ken ease, isor pora apunikhan ke dishe bhal gau aru tagot ke. Bishi manu dukhiya te ase, aru ek homoi laga bhat bi khabole napai kene, hoilebi isor pora puni khan ke bhal khabole dishe aru kapra bi bhal laga bole dishe. Jitya tai itu khan sob bhal khan ke kurishe apuni laga jibon te kile apuni isor laga mahima kuribole nabisare?

Aji bhabna kuribole laga pobitro kotha tu hoile ephesians 5:4 nahoi misa koi kene, nahoilebi budu khan, nahoilebi biya dhemali kuri kene, jun khan thik nahoi, hoilebi dhonyabad kuri kene hi ase.