Apr 16 – AKHARIMA

Dimovupadesher grandh 8:16

Thona bhalayi karesaru Dev daaban paricho kido Dev Mar jeevanema mannaj  kassen athra velana? Bhavetina? Parichona?  Anumathi karan ghosama lejarocha? Kan savaal puchu karacha.

Kunvatho asso velabhavetima jarechko voj Dusar kunvatho vuj velabhavetima jarechko vunder ankir hassuna luthanu vunder jeevanema hayin kanakacha. Vunder jeevanen samjathanu yek yadir nai dekalacha. Vorsaruj Thona bhalayi karesaru Dev daaban paricho kido kan Prabhu kerocha.

Akharir dadema katho sey thara vela bhaveti Dagar javajerpacha samjavajako vath cha. Parichoma jama janna ashisen palacha. Yeshaya 65:22 Ma tallidojako vunder hather kastana anandethi khavacha. Dev thar jeevanema Dev larojako velabhavetithi ajjeker jeevanema ashisen veri dakal rakadesaruj kan herdemellenu.

1 Samuel 23:14 vachanema chaju Davider motyaro vummarema aayijako velan sos karatho Saul dadi dadi Daviden Marnaknu kelajanna sada Devaj chodayo. Gatlama yek thintharen dabetaju Daviden Saul dabetrojana gatlavuma guhavuma ghusan vor jaanen vether athra door chaju rathoi Devaj chodayo.

1 Dinvruthanther grandh 29:28 vachanema chaju yesey velamathi Dev Maan maryadi dethanu Daviden Rajer nai ashis karnako. Daviden vuncho padojako Dev thoni velathi chodan vuncho padan ashis karevalo cha. 1 Pethru 1:6 Yervas tham ghano anand parecho, pan bhaveti padero jaroor chajethi, abba thodsek dad tharatharar parichothi dukh parecho.

Darshaner grandh 20:4-6 Agadiyar jeevajema hasso padeval nashiberan, Pavithar cha, yindepar deemo mothena hakk cheni, pan Ye Deveran, Christhur anganema Yajak ven, vor sath hazar varas palan karacha.

Ajji jada dhyan Karen pado Geeder grandh 90 :15 Dev hamena vela padayojako dadenan, ham bhaveti padgejako varser barobbar khushi vaju kares.