Sep 13 – PROTHSAHA KARER BALAVNI

Mark 10:49 Himmath lela,vut thona balarocha Kan ke.

Yee Barthimayir Dai dee tharar manikya vethey. Vundema yek thara admi hey thu barkamath gachab ra Kan kevalan ajjek admi Himmath lela,vut Yesu thona balarocha Kan ke. Thar athmik jeevanema sada dee thara manikya racha.

Yeklo seva karevalo Ma seva karrojako sevama massaj seva kareval manna madath karach Kan keldo. Lapan jada sevak vona prothsaha karer chonaken niruthsaha karan, vu karrojako sevanaj haal karen thayar vege. Ajjek thara sevak vu sevaken jada premen dekalan, vona prothsaha karan vor sevana madath kide.

Yek hachas chalijako saatuva cha. Voma yek Raj Kumaren ajjek rajyamer chakravarthi athanu haraanako. Vu Raj Kumaren pakalden vor jaanen banchaldevasu yek mouka dino. Yidek Raj Kumar thar mathepar yek bharran chajako kacholima pani palden vomar pani heta naradaju yek perlaang chalan jaan aavastho thar jaanen mothethi chodajachi, Kan kethanu vor doi pakthin dee sippayina pani radatho Raj Kumarer matho kaatnaknu Kan Melo,ajji thodsek admivuna prothsaha karenan ajji thodsek admivuna bhandena thatta karena melmelotho. Yesejiri vacha Raj Kumar hannu ko,” athra jada thara admivo maar gheran rathoi Mar mundag chajako yekkaj Mar jaanen banchaldesaru panin bharan palden jarojako vu kacholiparaj Mar dhyan cha lapan ajji Keri vumpar cheni Kan ko”.

Hannuj thar viswasmer dhasnima assa admivun daatlen jayer seeklenu.

Ghane motyar seva kareval vunder sevama bhand gaalivo kamjorethi dekreju kelu karacha. Vo dadema Barthimayir Munden  burejako manikyaj aaj thar vumpar bhata nakevaler nai cha kaiko. Juno dadethi abbethanu phal chajako jhadenaj bhata maarach kajako vath. Katho vu jhaden bhatathi marach Kan malam rethapar phal daju thu sada thar hach  kamer vadithi phal kajako athmavun Dever Dai layevaler nai renu.

Ajji jada dhyan karen pado  Yuda 1:24-25 padeniju thamena jathan karevalon, voro mahimaro aanganema anandethi thamena banadoshiyur nai hubar kadena jorevalon,vu yekloj apaner Rakshak Deven, Prabhu Yesu Christhuthi mahiman, thakathan, Palan, hakkaman aangan Abba jagujagumayi veda, Amen.