June 03 –Kaparda Marid Abmete!

“Bindo Mojes Koatanji a d’ong sagardan orde kuppa-tangan attiyad. Iten asan gamlenden aninji marid janabanji kilkillen a gijben asan birdaran hangleji” (Danisam 7:9).

Aten asan Anappai Pol man’oihan batte aadhimle ‘barij banabyen a Kitungan na”. Bindo a karidadong kan abmele bo bardika sattang ayam abmele, iten asan gamlenden Kitungan kuddub kanalkalanji sabgaile d’ongben babyete.

Birindabenji pedde asangemtabenji. Orde aboi saring aboi kanalkal-lingan dakutaben mandrengna-lingben. Aninna sanayaman do Anina banabye. Bibol-lingan anlen kinol-labe anappai Pol sattang abadyead bindo Anin bigardaji a d’ong janang babyele’.

Anin gamle: “Iten asan gamlenden kuddub kanalkal-ling-len Amn babyetalen,yante gamle itente a hanabyen Kitungan batte anlen banabyen detabe. Kitungan banabye Kitungan, kun batte dile kanalkal lingan a deten a mandranji a d’ong anlen rapti abbabyetabe. Banabyen’ gamlenden sanabyun do ranabdun pangtai.

Kitungan d’onglen tiylai sanabyun, lanabyun do banabyen. Daudo, a d’ong Kitungan batte dile ayam banabyen dele. Kitungan amangban gijgijle barij-j’en batte m’oihlen gamle: “Angante hen sintatenai do kuditenai, seletten banabye-Nam pwrarda-hen abm’oihte. Amben ateng ayam danukka do kanudi-lingan dakutaben. Kun anogandin batte ambendaman abkalkaldamten.

Iten asan gamlenden alumlen a pintun do apangsardin asan, Kun ayamlen kalobori arakkadangan aimben dete, do Jisun Kristun amangba gijgijba.

Ayengan amihaman alale ate, pintun saaring anablun ahangben abmele. Do amben Kitungdage asanabyun batte barij adete. Amadan batte atal-jingan gijdale do bo jatidage amiholan batte jodle. Gulji-lingan Luk kabol-lingan, bo pintu bojan Jisun a jingba yiraiten do edalen, do amadan lalle.

Bar Jisun gamle a d’ongan, “Pintu-namji tanamadan dele. Dirna-nam rabrable d’ong-nam. Sanabyun batte yira. Kitungan a bernan batte bo surda banabyen hangtabe. A bernan er-disamdage a suyeman Kitungan d’onglen atiyaitenan ate. Raja Daudo gamle Kitungan a bernan batte mandrengna hangle.

Kitungan Israelanji amangban gijgijle, barij danukkan batte unji soa mihnum saring ateng misor lingan a dakulenanji ate, Do Anin sibdaiberlen amangbanji, gamle.

Tanahimdam Kitungan a onagji, kunina a Jisun Kristun d’onglen babyete do sanabyun tiylangten. Bar d’ong-ben Misor a kanal kalan saring rabraban rabrable Kananiyanji, Ittinji, Emoranji, Prij-inji, Ibbinji, do Jibusanji a desaban manan, ardub adangda tarunggal desaban urungte, gamle Hen gab-rij’elenai, Kan ambrij Anin jzbjzble, angante kuddubanji Kinaniban arungan deleji barij a danukkanji saagaile” (Bagujuanaber 14:2).

Okiy Kinolbe absele: “Butente er roitaddam, anin okij er roitaddam de ete, butente pansardidam, am’n okij pansardidam de-ete. Gijba, Hen umengle yertai….” (Anabpunggi 22:11-12).