Mar 06 – JIIT SANKALP PORA!

Matthew 12:20 “jokhom hua nol ke Tai nabhangabo, aru aru dhunwa ula ke Tai nabujhabo, titya tok jitya Tai pothai nyaya Jit ke”.

Apuni mehsus koribo pare komjur aru napungcha tagot apuni laga Isai jibon te aji. Nahoile apuni lagatar giri ase aru sthir nai unnati laga rasta te apuni laga atmakarik jibon phine. Hoilebi aji, judi apuni bonai ekta thik faisla sankalp loi kene loi jabole jit laga jibon ke, Isor pora hatabo sob apuni laga komjuri ke aru dibo apuni ke jit. Kilekoile Tai tagot ase Israel laga (1 Samuel 15:29). Tai pora sikhabo apuni laga hath ke judho karone aru apuni laga ungli khan apuni karone jitibo judho ke. Psalm likha David koi: “ashirbaad ase Isor ke ami laga Pathor, jun sikhai ami laga hath khan ke judho aru ami laga ungli khan ke lorai nimite” (Psalm 144:1).

Ekta jawan manu bishi icha thakishe shikhibole boxing ke. Hoilebi kun coach pora bi nasikhabo tai ke, kilekoile tai jonom pora hi hath thakanai. Judi bi itu zaroori ase thakibole duita hath bi boxing nimite, ekta coach manishe tai ke shikhabole nimite, kilekoile itu jawan manu bishi icha korishe sankalp thakishe.

Coach pora jawan manu ke koishe: “kintu dusra karone, ami dishe alag exercise eksau din nimite. Hoilebi apuni karone, ami shikhabo apuni ke khali ekta exercise. Kuri thakibi itu ke lagatar eksau din nimite,a ru tagot koribi nijor ke. Aru itu exercise inika ase:jitya apuni laga khilaf ahe hamla koribole, khali niche hoi jabi jinika apuni lorai koribo napara nishina. Jitya tai apuni ke nindai aru ahe usor, dibi tai ke ekta ghusa mukh te tagot pora. Aru tai pura giri jabo aru nauthibo dubara”.

Itu jawan manu loishe training ke pura sankalp pora aru bhag loishe boxing match te. Aru jinika coach shikaishe, inika hi tai girai dishe tai laga khilaf te thaka ke jun iman tgaot thakishe tai pora bi. Itu khilaf te thaka jon kitya bi bhabanai ki itu manu thakibo iman tagot.

David logote iku hathyar thakanai, jitya Goliath ahishe khilaf te tai laga. Tai mana korishe lagabole kabach ke aru tarwal ke juntu saul dishe. Sob juntu tai thakishe tu khali gultish aru ekta pathor.

Ekta charwaha David shikhaishe nijor ke aru thik korishe gultish cholabole jongol te. Goliath itu najani thakishe. Toh, ekta ghrina mon te sai kene, tai saishe david ke. Hoilebi David iku bhoi nathaki kene loishe pathor ke; lagaishe gultish pora utu philistine ke math ate,a ru tai girishe tai laga mukhte. Isor laga bacha khan, Isor hi ekta ase jun shikhai apuni ke lorai aru judho nimite. Itu karone, tagot hobi shakti te, tagot aru shakti Isor pora.

Aji dhyan koribole laga pobitro kotha tu hoile 1 Corinthians 15:55 “oh Mora, kote apuni laga dankh? Oh narak, kote ase apuni laga jit?”.