Jan 25 – Tabme Mandran!

“Bar rong taramtam ranotudge roludnaba. Antate Kirungan ambrij ranoitadan bar janardin a manarid lingan ganabdelan dele” (Episi 4:24).

Anangte mandrengna lingan kuddub asui dakute, ranoitad lingan idjaja erasui ade’e. abhadabnaben abmele, sanayaman ahangte ranoitadan saring ranoitadban. Nami, yangam amben hadab adete ranoitad lingan.

Kitungan abantongan batte, Kristun amukka batte marid delengte. Ayengan amandranji Kitungan a d’ong bantongteji aninji pintun saring sangai dakutenji bar aninji kanalkalan saring anuran hangteji. Bindo ayengan amandranji Kitungan ab-bangtongeji, aninji barij pintu-lingan basuteji. Bibolan gamte: “Duaih maran alung-uggar lingan er manannen berten; anin a ganijgij lingan Gamangtungan a banantongan agassa” (Episi 4:22-24).

Josep a mandrengna gijtabe. Amandrengna bangsale dakule a garamgam anin Kitungan a d’ong bantongle. Angante amang-lingan tanunjingan yirai, anin adgijad bo pintu mandran atimangba gamle bindo anin gijle kan aboi surda pintun Kitungan atimangba gamle ayengan a Kitung a d’ongan gijte.

Anlen kznolle galamtabe kan abmele: “Anten asan hen yan gamle kan dakkadne a surda pintun Kitungan abmele asangemle pintun rapti lumai. Kitungan abanantongan d’onglen abahimte Kitungan aganijgijling bo surda pintun gamle, do kun saring dunglen ayirben (Episi 3:16).

Angante amben Kitungan banantong-lingan batte marid uggar anogandinji pangle adakuten. Kuni-lingan saring Anin sayamtaben yangam adungnaben dete. Amben Kitungan a d’ong bantongle manarid-lingan abhanaben dete. etteden Kitungan amihaman batte gijdataben, aberna batte do Marid Janggardan batte dongrabtaben.

Angante ambendaman a Madrid-damten, ambendman a mo’ihdamten itente Kitunglen amang saring ayirtaih ate. amben Kitungan a d’ong amaiten lanankaba, anin batte manaridan batte adakuten. Eganle Kitunglen hadabloge Marid daku, amben janang oskaidamlen manaridan batte adakuten (Kolosi 3:10).

Tanahimdam Kitungan a onagji, amben hadab gamle madridamlen do bo banandan hangle Kristun amukkan ambrij adeben dete. Aman sanu dinna lingan b’ob-hen ruble”. Anab-bagu lingan, Kitungan aberna-ling ranaptin daku. bibolan gamte, amben Kristun anabsittan batte barij adeben dete (Jisaiya 52:1).

Okiy Kinolbe absele: “yante gamle Anin a ganugu panemengan a tam bittin ambrij d’ong-ben Anin a Janggardan batte a l’ungan a mandra lingan ranaptin batte anabradun a deben asan tlytaben. Yante gamle uggar-ling-benji deman batte Kristun basuten. Yante gamle amben tanimyim lingan anabajedan do ganutulan dean dele, lan’angan, janalen, janarun, do lanangkan itente, bar Kristun ayengan a r’udaman a tanimyiman ganalaman padte, kan bagunji kuddub badloyim maranji ampara barijloge rapti a ‘goite do a galamte, yante gamle Kitungan a sabbih banadrij lingan amben barijdam rapti a dete.” (Episi 3:16-19).