Jan 20 – NOTUN TAGOT EKTA SILONI NISHINA!

Isaiah 40:1 “hoilebi jun khan roke Isor te notun koribo tai khan laga tagot ke; tai khan uncha uthibo pankha logote siloni nishina, tai khan polabo aru bhagor nalagibo, tai khan berabo aru matha naghurabo”.

Isor pora kosom di ase notun tagot dibole apuni ke itu notun saal te; aru itu gau laga nahoi  nahoilebi gau laga tagot, juntu pai  ekta thik khana kha hisab pora  nahoile kara  hisab laga byayam; hoiebi khali shakti uporte aru tagot mon te.

Apuni khan kitya bi khara koribo naparibo satan laga agete apuni laga gau laga tgot pora. Itu karone Isor Jisu koi: “thakibi, Ami pothai kosom Ami Baba laga apuni te; hoilebi rukhai diya Jerusalem laga nagarte  jitya tok apuni  bhorta nahoi shakti logote sobse uncha laga” (Luke 24:49).

Itu laga kotha hisab te  tai khan rukhi she aru prathana korishe upor laga karma te Jerusalem te dos dinkarone. Aru pobitro Atma niche ahishe tai khan sob uporte eksau bis manu khan jun khan tate joma hoishe. Tai khan bhorta hoishe swarg laga tagot pora. Apuni khan bi lage iniki notun  tagot ke uthibole aru chamki bole Isor karone aru mahima koribole Tai laga naam ke.

Isor pora kosom dishe ki notun tagot apuni ke dibo. Itu notun saal te, apuni khan narukhi kene apuni laga komjuri karone; apuni khan komi nahobo lage tagot te nahoilebi bhagor nahobole nahoile nabhangi bole apuni laga mon te. Apuni itu bodli uthibi aru chamki bi notun tagot logote juntu Isor pora  di ase pauni ke.

Isor pora dishe notun tagot Abraham ke jun bhal thakishe mora nishina hi, tai laga bura umor karone. Anugrah pora, Iosr dishe ekta notun tagot ke Sarah te dibole ekta bacha ke aru tai ke palibole jitya tai noboi saal thakishe.

Apuni khan bohibo lage theng te isor laga ru pabo lage itu notun tagot ke Isor pora. Pobitro Atma hi khushi hoi dibole notun tagot ke; notun shakti ke aru notun himmot ke tai khan sob ke jun uthibole mon ase aru chamki bole mon ase isor karone.

Isor laga bacha khan, siloni juntu ure pahar khan laga uporte, kitya bi habna nakore chutu pahbar khan te nahoile itu  ghas khan te. Itu nishina hi apuni bi aru bhabna nakoribo lage itu prithibi laga samasya khan te aru uthibo lage taikhan upporte; aru tagnot hobo lage Isor te aru uthibo lage Tai karone.

Aji bhabna koribole laga pobitro kotha tu hoile Joshua 14:11 “itya bi ami tagot ase itu din te utu din nishina jitya moses ami ke pothaishe; jinika ami laga tagot thakishe titya, inika hi ase ami laga tagot itya lorai karone, duita nimite bi jabole bahar aru ahibole bhitor”.