నవంబర్ 28 – మోక్కాళ్ల అనుభవము!

“మరియు ఆయన  వెయ్యి మూరలు కొలిచి, నీళ్లగుండ నన్ను నడిపింపగా; అక్కడ నీళ్లు మోకాళ్ల లోతుండెను”   (యెహేజ్కేలు. 47:4)

మీరు చీళ్ళమండలపు అనుభవముతో నిలిచిపోకూడదు. ఆ తర్వాతి అనుభవమైయున్న మోకాళ్ల అనుభములోనికి వచ్చి తీరవలెను. మోకాళ్ల అనుభము అంటే ఏమిటి? అదియే లోతైన ప్రార్థన జీవితపు అనుభవము.

చీళ్ళమండలపు అనుభవమునందు రక్షణ యొక్క సంతోషమును,  పరిశుద్ధాత్ముని యొక్క నింపుదలయందును, గంతులు వేయుచున్న దేవుని యొక్క పిల్లలను ప్రభువు మిగుల ప్రేమతో మోకాళ్ల అనుభవములోనికి తీసుకొని వచ్చుచున్నాడు. ఉత్తినే సంతోషించి ఆనందిస్తున్నట్లయితే మాత్రము సరిపోదు, విజ్ఞాపన చేసి ప్రార్థించవలసిన అనుభవములోనికి మీరు వచ్చి తీరవలెను. ప్రభువు మోకాళ్లయందు నిలబడి ప్రార్థించేటువంటి ప్రార్ధన యోధులను తేరి చూచుచున్నాడు. నా బిడ్డలు నాతో కలిసి మోకాళ్లు వెయ్యరా అని ఆసక్తితో ఎదురు చూచుచున్నాడు.

మన ప్రభువైయున్న యేసుక్రీస్తు మోకాళ్ల యోధుడు. గెత్సెమనే తోట తట్టునకు ప్రార్థన భారముతో నడిచి వెళ్లి,  ఆయన ఎంతటి ఆసక్తితో ప్రార్థన చేసెను!  ఆయన బహు వ్యాకులతతోను, మిగుల ఆసక్తితోను ప్రార్ధన చేసెను. ఆయన యొక్క చెమట గొప్ప రక్తపు బిందువులై నేలను పడెను అని లూకా సువార్త  22:44 “వ వచనమునందు మనము చదువుచున్నాము. అట్టి ప్రభువే మనలను చూచి ఒక్క గడియ అయినను మీరు నాతో కూడా మెలకువగా ఉండి ప్రార్థించకూడదా అనియు, ఒక్క గడియ అయినను మోకాళ్లయందు నిలబడకూడదా అనియు వేధనతో అడిగెను.

చీళ్ళమండలపు అనుభవమునందు నిలబడియున్న సహోదరుడా, సహోదరి మోకాళ్ల అనుభవములోనికి వచ్చేయండి. ప్రభువును ఆడి పాడి స్తుతించేటువంటి దేవుని యొక్క బిడ్డలారా, మోకాళ్లయందు నిలబడి గోజాడేటువంటి  విజ్ఞాపన చేయు పరిచర్యకు తిన్నగా వచ్చేయండి.  మీరు చీళ్ళమండలమునందు నిలబడి ఒక గంట సేపు ప్రసంగించవలెనంటే దానికి ముందుగా మోకాళ్లయందు నిలబడి మూడు గంటల సేపు ప్రార్థించవలెను.

బైబిలు గ్రంథమునందు గల పరిశుద్ధులందరును మోక్కాళ్ల యోధులై ఉండెను. బబులోను దేశమునందు ప్రార్ధన చేయుటను ఆటంకపరచుటకై శాసనములు జారీ చేయబడినప్పటికిను దానియేలు దినమునకు ముమ్మారు ఎరుషలేమునకు తిన్నగా తన కిటికీ తలుపులను తెరచి మోకాళ్లూని ప్రార్థన చేసెను. తనపై నేరము మోపువారు చుచుటను గూర్చి గాని, సింహాల గృహలో వెయ్యబడుటను గూర్చి గాని చింతించక దానియేలు మోకాళ్ళ యందు నిలబడి ప్రార్ధించుచూనే ఉండెను. అందుచేతనే ప్రభువు ఆయన కొరకు యుద్ధము చేసి, సింహములు దానియేలుకు ఎట్టి హాని చెయ్యకుండునట్లు వాటి నోటిని కట్టివేసెను.

అదేవిధముగా స్తెఫను కూడా ఒక మోకాళ్ల యోధునిగా ఉండెను. ఆయన యొక్క శత్రువులు ఆయనపై రాళ్లు వేయటకు రాళ్లను తీసినప్పుడు వెంటనే స్తెఫను మోకాళ్లూనెను. ఆకాశము తట్టు తన కనులను ‌ఎత్తి  మహిమకరమైన పరలోకపు దర్శనమును చూచెను. దేవుని బిడ్డలారా, కృప ద్వారములను ప్రభువు తరచి ఉంచియున్నాడు. ఆత్మతోను, సత్యముతోను ప్రార్ధించు అభిషేకమును కుమ్మరించుచున్నాడు.

నేటి ధ్యానమునకై: 📖”మనలను సృజించిన యెహోవా సన్నిధిని నమస్కారము చేసి సాగిలపడుదము రండి మోకరించుదము”   (కీర్తన.95:7).