Aug 01 – Dakuben Asan!

“Bar Gamang Kitungan kun mandran a d’ong urungan urungle, Eden kuttan a orro baran a lumben asan do a turturben asan tabngijeten” (Aparamangtan 2:15).

Kitungan mnadran a d’ong gabdille a mukkan do anindaman ambrij bar tiylle barij ordaran adane. Do Kitungan tabgijle Eden Kuttan lingan dakuetenji.

Amben janang Marid Janababan batte Kitungan amang saring anablun ahangben dete. Mandrengnaben abhanaben dete hangdrangdage Anin atam aganundingan ambrij. Ajanrdinna hadab gamle abhanalen dane batte derderlen adakunaben dete.

Bar aparmangtan amandran, Adam, aganudingan anabojotraiad, do sonuman a d’ong jale do Kitungan umdrengle. Anin itente a j’on ajumdong gamle Kitungan antin ate ajumlen batte j’adan amang saring, bar adaneji sonuman amangba surpidleji, butente Kitungan asangge-mar. kun batte karahidan, asunji bimbimanji yiraien mandrengna-lingan. Pintu mandran amangban adrulai kun batte, yagi tangoran batte. Anaboi-lingan, d’ongdage asa’nidan. Anabagu-lingan, a dane do abaran, bar sonuman atangor-lingan galuleji.

Adam a d’ong ganabdilan dele dane do ganugun do panemengan batte. Bindo angante anin pintu-lingan galule, anin anangan hangle. Do Adam batte, barij ordaran-lingan pintun barijle.

Bibolan gamte: “Anlen Kitungan saring delabe, gamle anlen a galam, bar ersz janggardan a dane lingan barij ordaran ludte” (1 Jon 5:19). Bindo Kitungan aitsuman agasa kun ambrij adakunaben. Anin ogandile kun amanengban saring amdungben aten asan Jisun a d’ong appailai, sonuman a d’ong abs’idle mandran a d’ong atandiben.

U’an Kitungan Sonuman a d’ong gamle: “Bar Hen aman do insalon amang lingan bar birinda-nam do insalon a birinda lingan arasanggeman amdungtai. Anin b’ob-nam abparate do aman anin a danungkurdijengan abparate” (Aparamangtan 3:15). Kitungan timhimle daku pintu-lingan agalulen amandran do a O’nan appaile tandile aurungben asan. Kitungan Jisun Anindaman atiydamanaben asan ansanidan amandranji ablule Adon kuttan saring.

Tanahimdam Kitungan a onagji, dane do barij dane Kitungan d’ongben tiytaben, kunina ate ajardina bo bangsa. Do oskaile dakunaben asan amben adakunaben dete.

Okiy Kinolbe absele: “Anin lungudan a ranaptio sarlng ablulalen, do Anin 3‘1 gammy‘ma“ a ‘ en. Onan a raJanIltggg” (Kolosi 1:13).