Jul 07 – Butente Kitungan Ate!

“Bantongdong, iten asan gamlenden Hen d’ong-nam tandzlam, Hen ahim-nam batte d’ong-nam gudinglai; aman Henate” (Jisiya 43:1).

Kitungan a tanimyiman batte gudinglaben do gamle “aman Henate”. Yan a bangsa kan ate Kitungan d’onglen Anin ate gamle agundingte, kan ordaran lingan kuddub mandranji saring! Kan a ganudingan janardidage, barij man’oihan pantai J’e-lingan!

Kan ambrij ateng bernanji bibol-lingan daku Kitungan angante abadlohim-maranji a d’ong gudinle, aninjidaman dirdilen do oskailen dakulenji. Anin Mojes batte kan ambrij gamle: “Boanta-Hen Mojes batte ette ted. Anin barij s’ing-ling-Hen dernadage daku” (Danisam 12:7). Anin absuile atanimyiman Mojes amang-ling do angante israelanji murmurdelenji adanang.

Kun ambrij Nami d’ongben gudingte, gamte: “O’onan, aamben Hen ate”. Amben Anin ate iten asan gamlenden d’ongben gabdile do d’ongben tiykuile a mihaman batte. Do barij J’e-ben atiyten batte, amben Anin ate.

Kitungan Daudo a d’ong janang gudingle Anin ate gamle. Anin gijle abanangsan, angante anin gupamedneten arinrintulabban. Kitungan gijle abanangsa do atanimyiman, argalan batte Kitungan a d’ong asaiten amandran. Do Anin Daudo aabmele sakin tiyle gameten: “Jissi a on Daudon a d’ong Hen hanglai. Anin j’e-Hen a anogandin ambrij abo mandran na. Anin barij itsum-Hen abojoraite” (Anappai 13:22). Bogad amben Kitungan ateden, ajardinna Kitungan amben abmele sakin tiyte.

Ayob abmele Kitungan bo surda sakin tiyle gameten, sonuman a d’ong. “Seletten GAMANGtungan dua suman a d’ong gameten, Aman boanta-Her Ayob apsele ogalj’ele po? Iten asan gamlenden anin ambrij er dusa do roitad do Kitungan a d’ong bantongten do ersz baran saring larren dakuten a mandran ordar lingan buteja agassa” (Ayob 1:8). Ambendaman Kitungan adane adkun amandranji do butente jablabenji ja, a d’ongan ajabtenji ambrij.

Solomon a kzn-lingan janang, Kitungan bo sidrungmarge gudingte ate. kan ambrij gudinle ateng ayam ‘Taanimyim boi Hen’, ‘Parua-Hen’, ‘Hadab-Hen’. Do Kitungan Anin ate gamle gudingte, aranaptin ahiman batte adhimte. A mihaman batte tandilai. Do janababan amihlan batte jabable, kun ambrij.

Tanahimdam Kitungan a onagji, Amben Kitungan ate po? Kitungan atimangba tiydamnaba, enegoi gamle: “Tanimyimdam Kitunglen, Aman hen ate, hen Aman ate do Hen Amanna ate. hen surpidamlenai d’ong-Nam abm’oihben, do barij tanimyiman batte”?

Okiy Kinolbe absele: “Gamangtungan na Gupa Mar-hen, henate er asuige adde-e” (Sanenken 23:1).