Jun 16 – Banadgin ayam-lingan banabyen!

“Hen namihhen d’ong-ben opungtai, kuddub satid samoih-ben apsele Hen d’ong-ben bagu terdeng banangsan tiytaben” (Jikoriya 9:12).

Banadgin ayam-ling, asuilingden j’elen abdukkate. Amben a oganditepo, ‘hen yangam banagilih? Angan hen anabsittan hangtai? Angan hen banabyen hangtai?’ orde kan ambrij dakute? Kitungan amangba gijgijba anin sattang babyetaben.

Bo dinna Greek sanumaran, itjajated kuddub-lingan, danukka j’e batte. Do bo surda baran ambrij dele. Kuddub lingan, anualberan idoleji: ‘buten kan arirdan tabkudte?’. Anindaman kadhidamnaben itsumle bardan batte. Itedeleja, anin a baran batte, dimadale, bardan batte ihyeten dimadne.

Kun ayam-ling, Alexander dunglenai. Kun bo sanna paporan gijgijle, sanumaran kun bardan dakule. Anin pangle kun paporan do idolle kun Alexader anindaman tiyle sontokole, kun anualber-lingan: ‘kan arirdan buten tiyte?’.

Angante sanumaran diling dimadnan saring, anin ateng m’oihdale do kuddub arirdan atabkudlenji asan, do anin sartudle bardan er solingben. Kun a sontoko sanumaran ablule a d’onganji.

Tanahimdam Kitungan a onagji, nami, kudduban abmele atabkudben Kitungan sayamtaben anten asan szbdaiberle anlen abmele. Kuddub pintu rirdanji anin tiyle do arakadang-lingan pangle. Kan ate a jardinna Anin ranaptidam kuddub-lingan a sayamben abmele.

Anappai Pol gamle Gamangtungan gamandam kuddub-lingan a d’ongan gudingba (Romi 10:12). “Ruppan Henate do ranan Henate, gamle kudai kudaianji a Gaamangtungan gamte” (Aggai 2:8). Gamangtungan gamangdam, amben janang gamangtaben apasijanjin asan. Kan ate Kitungan aitsuman, janggardadage a mandrengna-lingan amben amarangben do a gamangben dete bo surda anabsittan batte.

Tanahimdam Kitungan a onagji, Kitungan amangba gijgijba do banangebenji sagaite. Banaggi ayam ling Aninna banabye-maran, absittataben bagu tardin saaring awr.

Okiy Kinolbe absele: “Gamangtungan d’ong-ben do on-benji a d’ong okij barokij abatengte” (Sanenken 115:14).