Apr 18 – Murmurberanji Asangemle er senlabe!

“iten asan gamlenden itente lingan hen dakutenai, tetten sabyim-damlen a dakunaben asan hanglenai” (Pilippi 4:11).

Butente sabyimdamten, er-hangdage akanalkalanji, anin Kitungan a d’ong abgugule do senkendrate, a j’e-lingan man’oihan batte. Do mandran, bo sanna kanalkalanji batte janang abdukkadamten, atanakud-lingan anindaman abs’idamten ateng danukkanji batte.

Tiyberte asangem-maran a sanensenan, do kun batte mandran galute. Pintu alumten batte, Adam tiyberle do abdusale Oban amanglen, a dukkarin a d’ong. Do Oban, abdusale ja’adan a d’ong. Inslon gamle, “J’adan jolda-ihten asan, hen jumlai.” (Aparamantan 3:13). Aninjidaman adpingbadji a pintunji Kitungan a mangba, tanamadan ahangben asan, tanamadan hangle do a m’oihnaben abmele Kitungan atimanglen. Aninjidaman adsurpidamnadji asenben do abguguben abmele Kitunglingan a m’oihnaben abmele.

Kitungan tanimyiman batte Israel maranji a d’ong abtagorle asarsolan saaring. Ruangan a ganaga tiyle, d’an agaben abmele arengan saring, do tarub-sunan batte a d’onganji abtagorle. Yan aman’oihan kan ate Kitungan anabhana, Israelenji kun ambrij. Aninji kani kun gamleji Kitungan a d’ong do erabgugulabe a d’ongan.

Kani kuni agamben abmele Israelanji amiham-lingan dakuji (Hanagod 16:7; Baagujuanaber 1:27). Anten asan, Kitungan danukkan batte gamle: “Dajing ayam sikoi ja kani duaij maranji asanggem-ling-Hen murmurloge berteji? Asaanggem-ling-Hen Israel maranji a murmurberanji Hen amdanglai” (Danisam 14:27). Kan batte, arznrzn-darakunaba ateng mandranji kahidleji. Butente derderten Kitung-lingan, kuddub-lingan Kitungan a d’ong sente. Bindo butente adderne, anin kani kuni gamte. Bibolan gamte: “Er murmurlabe do er badelabe kuddub baran lumba” (Pilippi 2:14).

Bo birindan dakule, U’a-Hanganji apasijanji abmele iteja hile adrabtiadji. A pasijanji ateng dukkadaleji do s’ingan saaring dunglen yirleji. Bo ara-neban ajaitan a gorjang-lingan, aninji gijleji bo mandran kun mandran asannan saring muttajin-mar, abgu a jing-lingan. kun ayamlen janang, anin kinkinan kenle do Kitungan a d’ong abguguten ate. angante kun mandran a d’ong gijleji, asuyemdaleji do ogandileji aninji alumlenji a bara.

Tanahimdam Kitungan a onagji, angante ateng mandranji bimbim-lingan dakuteji do diamdlen, Kitungan d’ongben radu do bangsa d’ongan tiybenten. Angante ateng mandranji bittin batte kalkal deteji, bo gagana er-hanglabe bo dinna-lingan, Kitungan bangsaa gaganan tiybenten, s’indrin do ablubenten. Angante Anin kan kudduban lumle Anin, amben anabguguepo do adsenepo a d’ongan?

Okiy Kinolbe absele: “Bar itente a pansardi baran orde kekaberan  orde goiberan attame, antate janang, dedongete, osaantan sanensenberan de-ete” (Episi 5:4).