Mar 29 – Jitya!

Romans 8:37 hoilebiitu sob saman khan tea mi khan bishi ase jitya khan pora bi tai pora jun amikhan ke morom kure.

Itu prithibi pura bhorta ase biya aru misa manu khan pora. Biya khan laga atma khan bi isor laga bacha khan logote lorai kure. Judi bi itu dikhe ki porikha khan te apuni mon dukh hoi itu achanak laga dukh khan pora, jani thakibi ki isor hodai din hi jitya laga raja ase.

Ekbar ekta pastor, bishi mon dukh hoishe bishi ministry lag kam khan pora kile koile tai bhabna kure ki tai karone itu bishi dangor ase. Tai nijor laga porivaar te bi bishi kotha ulaishe. Itu khan sob pora tai ke omjur kuri dishe aru bisna laga bimari kuri dishe. Itu laga homoi te, tailaga sathi aru jun tai logote kam kure isor laga ministry te, tai ke lok kurishe aru tai ke utsahjanak kotha khan koishe. Taike uthi kene bohibole koishe, aru yaad kuribole dishe jun khan taike modot kurishe aru bhal kam khan ke kurishe poila laga homoi te aru likhishe letters khan dhonyobad laga utu sob manu khan ke tai laga mon laga dukkh ke halka kuribole nimite.

Itu nishina hi, pastor pora, likhhibole shuru korishe utu khan ke dhanyabad dibole aru ashirbad dibole taikhan ke tai laga sob bhal kam khan hua nimite aru modot kura nimite. Olop saptah majote, tai parishe sob khanke letters  khan dibole 500 mnaukhan ke. Tai itu kora laga homoi te, tai laga mon bhorta hoishe isor laga morom pora. Tai isor laga naam uncha kuribole shuru kurishe aru koishe: “isor pora kurishe hazar guna itu girja laga manu khan pora bi”. Jitya tai shuru korishe isor laga mahima kuribole, sob tai laga dukh aru komjuri khan harai jaishe, aru tai parishe tai laga ministry ke shuru kuribole utu khushi pora hi.

Sior pora puni ke matanai hari jabole hoilebi apuni ke jiti bole. Isor hi ase jun  pora hodai din apuni karone kotha kure, apuni logote  thake,a ru apuni hodai hi jitya laga ase. Bishi karon thakibole pare jitya laga. Sobse poila karon tu isor apuni logote ase itu janibo lage. Kile koile isor koishe: “ami apuni logote hodai din ase, itu umar laga ses te bi matthew 28:20.

Itu ekla nahoi. Pobitro atma jun hi apuni logote thake, tai dangor ase aru tagot thaka ase. “kile koile tai jun hi apuni te ase dangor ase tai pora jun itu prithibi te ase” 1 john 4:4. Isor laga bacha khan, jinika isor pora itishe aru bohi ase dahina hath phine baba laga, apuni jitya hobo aru hodai din raaj kuribo.

Aji bhabna kuribole lag apobtro kotha tu hoile revelations 3:21 tai ke jun hi par kurishe ami tai ke ami logote bohibole dibo ami laga rajyo te, kile koile ami bi par kurishe aru bohi she ami laga baba logote tai laga rajyo te.