ਮਾਰਚ 11 – ਉਹ ਆਵੇਗਾ!

“ਇਹ ਯਿਸੂ ਜਿਹੜਾ ਤੁਹਾਡੇ ਕੋਲੋਂ ਸਵਰਗ ਉੱਪਰ ਉੱਠਾ ਲਿਆ ਗਿਆ, ਉਸੇ ਤਰ੍ਹਾਂ ਫਿਰ ਆਵੇਗਾ ਜਿਸ ਤਰ੍ਹਾਂ ਤੁਸੀਂ ਉਸ ਨੂੰ ਸਵਰਗ ਉੱਤੇ ਜਾਂਦੇ ਵੇਖਿਆ”(ਰਸੂਲਾਂ ਦੇ ਕਰਤੱਬ 1:11)।

ਅਸੀਂ ਸਾਰੇ ਬਹੁਤ ਬੇਸਬਰੀ ਦੇ ਨਾਲ ਮਸੀਹ ਦੇ ਦਿਨ ਦੀ ਉਡੀਕ ਕਰਦੇ ਹਾਂ। ਜਿਹੜਾ ਆਉਣ ਵਾਲਾ ਹੈ ਉਹ ਜਲਦੀ ਆਵੇਗਾ ਅਤੇ ਦੇਰ ਨਹੀਂ ਕਰੇਗਾ। ਜਦੋਂ ਸੰਯੁਕਤ ਰਾਜ ਅਮਰੀਕਾ ਨੇ ਆਪਣਾ ਪਲਾੜ ਜਹਾਜ਼ ਅਪੋਲੋ ਨੂੰ ਚੰਦਰਮਾ ਤੇ ਭੇਜਿਆ, ਤਾਂ ਵੱਡੀ ਭੀੜ ਇਸ ਘਟਨਾ ਨੂੰ ਦੇਖ ਰਹੀ ਸੀ। ਇਸ ਰਾਕੇਟ ਨੂੰ ਕੈਨੇਡੀ ਪਲਾੜ ਸੈਂਟਰ ਤੋਂ ਜਾਰੀ ਕੀਤਾ ਗਿਆ ਸੀ। ਅਤੇ ਸਰਕਾਰ ਨੇ ਵਿਸਥਾਰ-ਪੂਰਣ ਨਾਲ ਪ੍ਰਬੰਧ ਕੀਤੇ ਤਾਂ ਜੋ ਦੁਨੀਆ ਭਰ ਵਿੱਚ ਆਪਣੇ ਟੈਲੀਵਿਜ਼ਨ ਸੈੱਟਾਂ ਉੱਤੇ ਜਾਰੀ ਘਟਨਾ ਨੂੰ ਲਾਈਵ ਦੇਖ ਸਕੇ।

ਇਸ ਘਟਨਾ ਨੂੰ ਦੇਖਣ ਵਾਲੇ ਲੱਖਾਂ ਲੋਕਾਂ ਵਿੱਚ ਇੱਕ ਔਰਤ ਵੀ ਸੀ ਜਿਹੜੀ ਆਰਮਸਟ੍ਰਾਂਗ ਦੀ ਪਤਨੀ ਸੀ: ਉਸ ਪੁਲਾੜ ਮਿਸ਼ਨ ਦੀ ਮੈਂਬਰ। ਉਹ ਮਿਸ਼ਰਤ ਭਾਵਨਾਵਾਂ ਵਿੱਚ ਫਸ ਗਈ ਸੀ। ਉਹ ਇੱਕ ਪਾਸੇ ਖੁਸ਼ੀ ਨਾਲ ਭਰ ਗਈ। ਇਸ ਦੇ ਨਾਲ ਹੀ ਉਹ ਡਰ ਦੇ ਮਾਰੇ ਬੁਰੀ ਤਰ੍ਹਾਂ ਡਰੀ ਅਤੇ ਸਹਿਮੀ ਹੋਈ ਸੀ।

ਜਾਰੀ ਘਟਨਾ ਦੇ ਅੰਤ ਵਿੱਚ, ਇੱਕ ਪੱਤਰਕਾਰ ਨੇ ਉਸ ਔਰਤ ਨੂੰ ਪੁੱਛਿਆ ਕਿ ਉਹ ਆਪਣੇ ਪਤੀ ਦੀ ਪੁਲਾੜ ਯਾਤਰਾ ਦੇ ਬਾਰੇ ਕੀ ਸੋਚਦੀ ਹੈ। ਅਤੇ ਔਰਤ ਨੇ ਜਵਾਬ ਦਿੱਤਾ ਕਿ ਉਹ ਉਸ ਪੁਲਾੜ ਜਹਾਜ਼ ਨੂੰ ਧਰਤੀ ਉੱਤੇ ਵਾਪਸ ਆਉਂਦੇ ਹੋਏ ਦੇਖਣ ਵਿੱਚ ਜ਼ਿਆਦਾ ਦਿਲਚਸਪੀ ਰੱਖਦੀ ਹੈ, ਨਾ ਕਿ ਚੰਦਰਮਾ ਉੱਤੇ ਜਾਣ ਦੇ ਲਈ। ਉਸਨੇ ਦੱਸਿਆ ਕਿ ਉਸਦੀ ਦਿਲਚਸਪੀ ਅਤੇ ਇੱਛਾ ਉਸਦੇ ਪਤੀ ਦੀ ਸੁਰੱਖਿਅਤ ਵਾਪਸੀ ਬਾਰੇ ਹੈ।

ਯਿਸੂ ਦੇ ਚੇਲੇ ਜੈਤੂਨ ਦੇ ਪਹਾੜ ਤੋਂ ਪ੍ਰਭੂ ਨੂੰ ਸਵਰਗ ਜਾਂਦੇ ਦੇਖ ਸਕਦੇ ਸੀ। ਪਰ ਤੁਹਾਨੂੰ ਉਸਦੀ ਵਾਪਸੀ ਦੀ ਗਵਾਹੀ ਦੇਣ ਦਾ ਸਨਮਾਨ ਮਿਲੇਗਾ। ਉਹ ਉਸੇ ਤਰ੍ਹਾਂ ਹੀ ਵਾਪਸ ਆਵੇਗਾ ਜਿਵੇਂ ਉਸ ਨੂੰ ਉਠਾਇਆ ਗਿਆ ਸੀ।

ਜ਼ਰਾ ਇਸ ਸ਼ਬਦ ਦੇ ਬਾਰੇ ਸੋਚੋ ਕਿ ‘ਉਹ ਉਸੇ ਤਰ੍ਹਾਂ ਆਵੇਗਾ’। ਜਦੋਂ ਕੁੱਝ ਲੋਕ ਪੈਸਾ ਕਮਾਉਣ ਦੇ ਲਈ ਵਿਦੇਸ਼ ਜਾਂਦੇ ਹਨ ਅਤੇ ਉਹ ਉਸ ਦੇਸ਼ ਦੀ ਜੀਵਨ ਸ਼ੈਲੀ, ਉਨ੍ਹਾਂ ਦੀ ਦੌਲਤ ਅਤੇ ਉਨ੍ਹਾਂ ਦੇ ਪ੍ਰਭਾਵ ਦੇ ਪੱਧਰ ਕਾਰਨ ਉਹ ਪੂਰੀ ਤਰ੍ਹਾਂ ਨਾਲ ਬਦਲ ਜਾਂਦੇ ਹਨ। ਜਦੋਂ ਉਹ ਘਰ ਪਰਤਦੇ ਹਨ, ਤਾਂ ਉਨ੍ਹਾਂ ਦਾ ਨਜ਼ਰੀਆ, ਦੂਸਰਿਆਂ ਦੇ ਪ੍ਰਤੀ ਉਨ੍ਹਾਂ ਦੇ ਪਿਆਰ, ਉਨ੍ਹਾਂ ਦੀ ਦੋਸਤੀ ਅਤੇ ਉਨ੍ਹਾਂ ਦੇ ਧਾਰਮਿਕ ਉਤਸ਼ਾਹ ਵਿੱਚ ਪੂਰੀ ਤਰ੍ਹਾਂ ਤਬਦੀਲੀ ਹੁੰਦੀ ਹੈ। ਪਰ ਜਦੋਂ ਪ੍ਰਭੂ ਯਿਸੂ ਵਾਪਸ ਆਵੇਗਾ, ਤਾਂ ਉਹ ਉਸੇ ਵਿਅਕਤੀ ਦੇ ਰੂਪ ਵਿੱਚ ਵਾਪਸ ਆਵੇਗਾ। ਉਸਦਾ ਪਿਆਰ ਕਰਨ ਵਾਲਾ ਦਿਲ ਕਦੇ ਨਹੀਂ ਬਦਲੇਗਾ। ਜਿਵੇਂ ਉਹ ਪਿੱਛਲੇ ਮਨੁੱਖਾਂ ਦੇ ਨਾਲ ਕਿਵੇਂ ਚੱਲਦਾ ਸੀ ਅਤੇ ਗੱਲਬਾਤ ਕਰਦਾ ਸੀ, ਠੀਕ ਉਸੇ ਤਰ੍ਹਾਂ ਨਾਲ ਉਹ ਅਜਿਹਾ ਕਰੇਗਾ। ਉਸਦਾ ਨਾ ਬਦਲਣ ਵਾਲਾ ਸੁਭਾਅ ਹੀ ਇਸਦਾ ਕਾਰਨ ਹੈ।

ਹੁਣ ਤੱਕ, ਉਹ ਸਾਡੇ ਲਈ ਵਕਾਲਤ ਕਰਨ ਵਾਲੇ ਆਪਣੇ ਪਿਤਾ ਦੇ ਸੱਜੇ ਹੱਥ ਤੇ ਖੜਾ ਰਿਹਾ। ਉਸਨੇ ਹੁਣ ਤੱਕ ਸਾਡੇ ਲਈ ਸਵਰਗੀ ਨਿਵਾਸ ਵਿੱਚ ਕਮਰੇ ਤਿਆਰ ਕੀਤੇ ਹਨ। ਉਸ ਨੇ ਪਵਿੱਤਰ ਆਤਮਾ ਨੂੰ ਧਰਤੀ ਉੱਤੇ ਭੇਜਿਆ ਹੈ, ਕਿ ਉਹ ਸਾਡੇ ਅੰਦਰ ਵਾਸ ਕਰੇ। ਅਤੇ ਜਲਦੀ ਹੀ, ਉਹ ਸਾਨੂੰ ਆਪਣੇ ਨਾਲ ਵਾਪਸ ਲੈਣ ਲਈ ਆਵੇਗਾ।ਪ੍ਰਮੇਸ਼ਵਰ ਦੇ ਬੱਚਿਓ, ਉਸਦੇ ਆਉਣ ਦੇ ਲਈ ਤਿਆਰ ਹੋ ਜਾਓ ਅਤੇ ਸਮੇਂ ਦੀ ਚੰਗੀ ਵਰਤੋਂ ਕਰੋ।

ਅਭਿਆਸ ਕਰਨ ਲਈ – “ਮੈਂ ਆਪ ਉਸ ਨੂੰ ਆਪਣੀਆਂ ਅੱਖਾਂ ਨਾਲ ਵੇਖਾਂਗਾ, ਮੈਂ ਆਪ – ਕੋਈ ਹੋਰ ਨਹੀਂ”(ਅੱਯੂਬ 19:27)।