Feb 10 – MAATHI THAR DAD JADA VACHA

Gener vath 9:11 Maathi thar daad jada vacha; thar vhmmarer varasena badalechi.

Heryek daad saha vu Dever yek dayar varamaj. Ajji heryek nimisha ann heryekghadi bhi vu anmoler Dever prasannathethi avajakonaj. Jethij thu Vutesath Deven geed bolan sthuthi karero ghano achvencha.

Kanna thu hanu thar daden arambh karechiko jana vu dad asishernai badlavni vejavacha. Jana thu kai dekechikatho thar gheran chajako velabhaveti se dagar jan Andhar chetiven vajalo avacha.

Dever prasannathey , Dever jor Dever krupa hamesha thar sath Racha .Sadharanan vadi dekatho Apanen yek daden 24 ganta cha Ann rath 12 gantathi navo dado avacha , lapan hebrew valen ajjek dader saanj vagethethi shuru vacha.

Abba munas vagath rathoi sey vagathema hamesha thar jeevanosari Prabhu thar saath revunchu kan sogan khamelocha. Jesaru tnar jeevano Dever prasannathema prarthana karer anbhavamena paavaju renu.

Pastor Paul Angicho heryek daadeni yekek navvo naam padthotho kacha. Yekvela yek daden pavitharer daad kan padochkela vu daadsari pavithar Deven sthuthi karan pavithar jeevanen banchen von vuj havaal karletho. Vuj Prarthana karer daad kan naam melochkatho vu dadsari prarthana karenaj vagath kaadthotho. Krupakan naam melatho vu dadsari Dever namen mahima karajema vagathen kadthotho kacha. Hanu vu pastor navvo namethi Deven aradhana karukartho.

Yeej thara Daveed sada heryek dadeni  ‘achon ann karuna’ kan  padan Devema anand pathotho. Jethij mar jeevaner dad sey bhalayin, krupa marlar avacha; Vuj Dev thar sath chajethi thu sada hanoj Dever dayithi motkam chalnukan ghasan deknu. Dever premevalavo dharthi kuvatho surya gheran pharan heryek dad navvo vajalethin navvo dadethi jhankukaracha.

Hanuj thu saha Prabhur saru jhanknu janaj thar bancher daad jada vacha.

Ajji jada dhyan karen pado Geeder Grandh 118:24 Yee Yehova banayojako dado cha; yema anandethi khushi kara.