Jan 24 – Pura Gospel!

Romans 15:19 Jerusalem pora sob ghuri kene illyricum tok pura prachar kurishe Krista laga Gospel laga.

Itu apostle Paul laga testimony ase ki tai Krista laga Gospel prachar Kure. Aru Tai pora sob koishe ki tai Jerusalem pora illyricum tok. Ekbar bhabna kuribi, itu homoite iku bi gari Khan thakanai jinika aji kali ase. Plane thakanai, train thakanai aru bus bi thakanai ekta jaga pora usra jaga jabole. Aru print Kura jinika magazines, kitab Khan banabole napare. Radio Khan te bi prachar kuribole napare kinika aji kali laga technology ase.

Taikhan itu nathakile bi Tai Khan pura mon di kene prachar Kure. Hoilebi aji kali, ISor pora apuni Khan ke sob dishe technology Khan ISor laga kotha kuribole nimite. Aru apuni Khan ses homoi te khara Kuri ase.

Itu karone apuni Khan sob homoi thik pora chola ole lage juntu ISor pora apuni Khan ke morom pora dishe itu cholai kene prachar kuribo lage. Ami Khan laga ISor Jisu Krista koishe: jabi prithibi te aru prachar kuribi Gospel sob jati ke. (Mark 16:15) ki apuni itu kotha pura kuribo? Apuni prachar kuribo, aru manu Khan ke thik rasta te loi jabo?

Pura Gospel pora hi manukhan thik Gospel hunibo. Jitya apunikhan Gospel ke adha Kobo aru thik nakobo aru jitya pura hosa tu nahune taikhan pura ashirbad tu napai. Apuni Khan bi itu laga zimedar ase gospel adha Huna tu. Kinika apostle Paul pora thik sapha pora Gospel laga kotha koishhe itu verse pora Romans 15:29 hoilebi ami Jane ki jitya ami apuni logote ahibi, ami ahibo bhorta hoi kene Krista laga Gospel laga ashirbad loikene.

Aru Jun hi itu Krista laga koth pora bhorta hobo, tai Khan hi alag Khan ke ashirbad Ani dibo. Kunuba manu koi ki ISor pora kityabi ashirbad sob manu Khan pura nidiye hoilebi olop olop ashirbad sob ke diye. Itu saishe koile Romans 15:29 laga kotha logote namile jote koi ase ki ashirbad pura pabo. Sob ashirbad tu Krista laga ase, aru pobitro atma laga, aru sob atma laga phal aru ISor laga ashirbad tu amikhan karone hi ase.

Sob biswasi Khan sob uphar pobitro atma laga pabo lage1 Corinthians 12:4-31. Apuni Khan sob pobitro atma laga phal thakibo lage. Aru itu pora hi apunikhan laga ashirbad Krista te pura hobo.

ISor laga bacha Khan, apunikhan bi Krista laga Ashish pora bhorta hobi aru  uphar pobitro atma laga pabi.

Aji bhabna kuribole laga pobitro kotha tu hoile John 10:10 ami ahishe kile koile taikhan jibon thakibole, aru kile taikhan itu ke bhorta kori pabole karone.