Jan 24 – PURO ACHKHABAR

Romavalun 15:19 Yernai Yerushalemethi Rena gheran chajako Yilluriku malkethani, Christhur achkhabarena puro prachar kidochu.

Apostle Paul kojako gavayima puro achkhabarena kemelochkan kerocha. Athraj koni pan Paul Yerushalemethi pakadan Yilluriku thanu yee achkhabarena prachar kidochukan malamkarrocha. Yekhaptha sochkar vodadema aaj chaju pharen gadivo cheni. Yek jagethi ajjek jagen jayen Buss reda, vimanal reda express reda kunsi vethikoni. Kithabevo reda pusthak reda achumaren cheni. Ajkal prachar karreju radio ma kero abbachaju yee bhejo janna cheni.

Yekunsi chenijako vodadema vunder thyag Ann Deven havaal karler jeevano chajethi vunder mundag vethijako vu achkhabarena kero kamen bharpur karnakethey.Lapan aaj Dev thona soli genena vatena vagadan melmelocha thu achkhabarena malamkaresaru. Ann abba thu aakhrir dader malkema hubarmelochi.

Jethi Dever dayathi demelojako yee vatevun thu achethi vupayog karlen yekghadisada vagathena gamalanaju achkhabarena kevaju deklenu. Jethij Markur 16:15 vachanema koju, Tham jagathi sari jaan, soli srushtina achkhabarena prachar karo.

Sasij yee agnana thu savaler nai lelechka? Ann puro achkhabarena prachar karan jannen Christhur dai kachika? Romavalun 15:29 vachanema dekatho Apostle Paul kacha, Ma thamar dai avujana Christhur achkhabarer bharpurethi ashishethi, aayukan malamkarmelochu.

Katho yee achkhabaremaj bharpur ashish cha. Kanna thu aado aado achkhabarena prachar karan aado aado bodh kidochikela jannen thu aadobaado ashishenaj pavaju karechi.

Thodsek admivo yee bharpur ashish cha ken nammeni pan kai nammachkatho Christhu ashishen ventan dacha kacha. Lapan Romavalun 15:29vachanema bharpur ashish cha ken dekacha. Katho yer aratham apan achkhabarena prachar karajana Christhur vadithi avajako ashish vu Athmar phal reda, Athmar varal reda seji lekoma avacha kan bhulnukoni.

1 Corinthivalun 12:4-30 vachanema chajako sey Athmar varal heryek viswasi bharpur bharan renu. Mar premer Dever beptavo thu yee achkhabarena prachar karan bharpur Christhur vadithi avajako ashish palenu kan ma phone asa karochu.

Ajji jada dyan karen pado Yohan 10:10 Chor chorenan, marnakena, halkarena avachapan, dusaro kunsivas ayeni;pan Ma girlina jaan denan, vu bharpur vena aayo.