Jan 24 – Barij Bangsa-Anoblenberan

“yante gamle Jirusalem saring, ededgodan sanle Illurika desan sikkoi ja, hen Kristun a bangsa anoblengan barijioge oblonglai” (Romi 15:19).

Kan ate aboi Anappai Pol amandrengnaberan itente anin Kristun abmele bangsa anoblenberan oblingle. Anin gadlamlangten barijloge hanangan atiylen ate: Jirusalem saring Illurika sikoija. Ogandile gijba kun ayamling idjaja gardigodan adakuad, egale nami ambrij. Kun ayam engdas’ingan, trainan orde bason, bo maneng saring bo maneng sikoija arduben apsele adakuad. Kun idjaja kamb’olan, peporan, news maranji adakuad. Radio dam adakuad hanangan atiyben abmele, kun ayamling iteja adakuad hanangan atiyben apsele.

Kan ambrij adakulen adanang aninji barij surpidamlen, tiydamlen aninji baralingji, bangsa anoblingberan oblingleji. Bindo nami, Kitungan kuddub janabanji tiyaiten, ayaman bigarda bigarda janabanji hanangan atiyben asan. Do anlen atanang daku atanakud ordarlingan.

Amben dile dinnan aimdamnaben dete do Kitungan gugudage kan kudduban tiybenten, bangsa anoblingberan aoblingben asan. Kitungle Jisun bahaiten: “Bar Anin opungetenji, Barij ordar desaban yeran yerre kuddub jatti maranji a d’ong bangsa anoblengan oblengba” (Mark 16:15). Kan abernan amben abojoraitepo? Bangsa anoblenberan oblenle mandranji hadab tagorba abanjingtepo?

Kan bangsa anoblingan saring barij anabsittanji daku mandranji abmele. Angante amben ertakudlabe hanangan atiyte, do angante janardin adnoblinge, mandranji anabsittan adhageji. Amben janang adhage anabsittan Kitungan itente dane tiybente kun janang ate. anappai Pol gijgijba abaran, ahanangan, alagu karda-lingan. “Bar ‘ hen . galamtal . do, mangba-ben a yerten adnang Knstun a barij sanittan batte hen yerte” (Romi 15:29). Ajardina, butente butente Kristun batte barij deteji, aninji bigardanji apsele janang barij anabsittan pangtaji.

Jajingante amandranji gamteji Kitungan barij anabsittan adtiylangne, bindo Anin bantite anabsitta sanna saring surda sikoija. Kan abernaji lanka akardanji saringted, Romi 15:29, itente barij anabsitta apsele gamte. Kuddub anabsittanji Kristu-lingan, do kuddub Janggardan a taniytiyanji, kuddub Janggardan aj’onji do Kitungan asuyeman manglen dakute do anlen ampara dakute.

Kuddub derna maranji Janggardan ataniytiyan hangteji (1 Korintian 12:4-31). Kuddub Janggardan aj’on hangle, mandrengna lingben. Do Kitungan abarij anabsitta janang ajaben dete.

Tanahimdam Kitungan a onagji, amben Kristun anabsittan batte barij adeben dete, do barij Marid Janggardan ataniytiyan batte!

Okiy Kinolbe absele: “Yante gamle aninji mandrengnan rapti hangteji, do awrdage antate rapti hangteji, kun asan Hen yerrai” (Jon 10:10).