ਦਸੰਬਰ 06 – ਯਹੋਵਾਹ ਦੇ ਰੁੱਖ!

“ਯਹੋਵਾਹ ਦੇ ਰੁੱਖ ਤ੍ਰਿਪਤ ਰਹਿੰਦੇ, ਲਬਾਨੋਨ ਦੇ ਦਿਆਰ ਜਿਹੜੇ ਉਸ ਨੇ ਲਾਏ”(ਜ਼ਬੂਰਾਂ ਦੀ ਪੋਥੀ 104:16)।

ਰਸ ਨਾਲ ਭਰਪੂਰ’ ਦਾ ਅਰਥ ਹੈ ਪ੍ਰਮੇਸ਼ਵਰ ਦੇ ਬੱਚਿਆਂ ਉੱਤੇ ਬਰਕਤਾਂ। ਇਸ ਰਸ ਦੇ ਕਾਰਨ ਹੀ ਰੁੱਖਾਂ ਦੀਆਂ ਜੜ੍ਹਾਂ ਡੂੰਘੀਆਂ ਹੁੰਦੀਆਂ ਹਨ, ਮਿੱਠੇ ਫਲ ਲੱਗਦੇ ਹਨ ਅਤੇ ਹਰੇ-ਭਰੇ ਪੱਤੇ ਹੁੰਦੇ ਹਨ।

ਇਸਰਾਏਲ ਦੇਸ਼ ਵਿੱਚ ਕੁੱਝ ਜ਼ੈਤੂਨ ਦੇ ਰੁੱਖ ਹਨ ਜਿਹੜੇ ਇੱਕ ਹਜ਼ਾਰ ਜਾਂ ਦੋ ਹਜ਼ਾਰ ਸਾਲ ਤੱਕ ਵੱਧਦੇ ਰਹਿੰਦੇ ਹਨ। ਜਦੋਂ ਤੁਸੀਂ ਉਨ੍ਹਾਂ ਰੁੱਖਾਂ ਦੀਆਂ ਟਹਿਣੀਆਂ ਨੂੰ ਦੇਖੋਂਗੇ ਤਾਂ ਉਹ ਬਹੁਤ ਪੁਰਾਣੇ ਲੱਗਣਗੇ। ਪਰ ਇਹਨਾਂ ਦੇ ਫਲ ਪੱਕੇ ਹੁੰਦੇ ਹਨ ਅਤੇ ਇਹਨਾਂ ਦੇ ਪੱਤੇ ਬਹੁਤ ਹਰੇ ਹੁੰਦੇ ਹਨ। ਉਹ ਜਵਾਨ ਰੁੱਖਾਂ ਦੀ ਤਰ੍ਹਾਂ ਵੱਧਦੇ-ਫੁੱਲਦੇ ਰਹਿਣਗੇ। ਇਸੇ ਤਰ੍ਹਾਂ, ਜਿਹੜੇ ਪ੍ਰਮੇਸ਼ਵਰ ਦੇ ਭਵਨ ਦੁਆਰਾ ਲਗਾਏ ਗਏ ਹਨ, ਉਹ ਉਸ ਰੁੱਖ ਦੀ ਤਰ੍ਹਾਂ ਹੁੰਦੇ ਹਨ ਜਿਹੜੇ ਕਦੇ ਵੀ ਮੁਰਝਾਉਂਦੇ ਨਹੀਂ ਹਨ, ਕਿਉਂਕਿ ਉਹ ਪ੍ਰਮੇਸ਼ਵਰ ਦੇ ਵਚਨ ਨੂੰ ਖਾਂਦੇ ਹਨ ਅਤੇ ਆਤਮਿਕ ਬਰਕਤਾਂ ਨਾਲ ਭਰ ਜਾਂਦੇ ਹਨ।

ਪਵਿੱਤਰ ਆਤਮਾ ਦੀ ਨਦੀ ਦੇ ਕੰਢੇ ਲਗਾਏ ਗਏ ਰੁੱਖਾਂ ਦੀ ਹਾਲਤ ਕੀ ਹੋਵੇਗੀ? ਨਬੀ ਹਿਜ਼ਕੀਏਲ ਇਸ ਤਰ੍ਹਾਂ ਜ਼ਿਕਰ ਕਰਦਾ ਹੈ: “ਨਾਲੇ ਦੇ ਨੇੜੇ ਉਹ ਦੇ ਦੋਨਾਂ ਕੰਢਿਆਂ ਤੇ ਹਰ ਪ੍ਰਕਾਰ ਦੇ ਮੇਵੇ ਵਾਲੇ ਰੁੱਖ ਉੱਗਣਗੇ, ਜਿਹਨਾਂ ਦੇ ਪੱਤੇ ਕਦੇ ਨਾ ਸੁੱਕਣਗੇ ਅਤੇ ਜਿਹਨਾਂ ਦੇ ਮੇਵੇ ਕਦੇ ਨਾ ਮੁੱਕਣਗੇ…ਅਤੇ ਉਹਨਾਂ ਦੇ ਮੇਵੇ ਖਾਣ ਲਈ ਅਤੇ ਉਹਨਾਂ ਦੇ ਪੱਤੇ ਦਵਾਈ ਦੇ ਕੰਮ ਆਉਣਗੇ”(ਹਿਜ਼ਕੀਏਲ 47:12)। ਰੁੱਖ ਦੀ ਮਹਾਨਤਾ ਉਸਦੇ ਫਲ ਵਿੱਚ ਹੁੰਦੀ ਹੈ। ਸਾਡੇ ਪ੍ਰਭੂ ਯਿਸੂ ਨੇ ਇਹ ਵੀ ਕਿਹਾ ਹੈ ਕਿ ਤੁਸੀਂ ਰੁੱਖ ਨੂੰ ਉਸਦੇ ਫਲ ਤੋਂ ਪਹਿਚਾਣੋਗੇ। ਇਸ ਲਈ ਤੁਹਾਨੂੰ ਪ੍ਰਭੂ ਦੇ ਲਈ ਫਲ ਦੇਣਾ ਚਾਹੀਦਾ ਹੈ।

ਹੁਣ ਕਿਹੜੇ ਫਲ ਦੇਣੇ ਚਾਹੀਦੇ ਹਨ? ਇਹ ਆਤਮਾ ਦਾ ਫਲ ਹੋਣਾ ਚਾਹੀਦਾ ਹੈ, ਜਿਵੇਂ ਕਿ ਗਲਾਤੀਆਂ, ਅਧਿਆਇ 5, ਆਇਤਾਂ 22 ਅਤੇ 23 ਵਿੱਚ ਦੱਸਿਆ ਗਿਆ ਹੈ। “ਪਰ ਆਤਮਾ ਦਾ ਫਲ ਇਹ ਹੈ – ਪਿਆਰ, ਅਨੰਦ, ਸ਼ਾਂਤੀ, ਧੀਰਜ, ਦਿਆਲਗੀ, ਭਲਿਆਈ, ਵਫ਼ਾਦਾਰੀ, ਨਰਮਾਈ, ਸੰਜਮ”(ਗਲਾਤੀਆਂ 5:22, 23)। ਸਾਡਾ ਪ੍ਰਭੂ ਉਮੀਦ ਕਰਦਾ ਹੈ ਕਿ ਉਸਦੇ ਹਰ ਬੱਚੇ ਨੂੰ ਅਜਿਹੇ ਫਲ ਮਿਲਣਗੇ। ਜ਼ਰਾ ਸੋਚੋ ਕਿ ਕੀ ਉਹ ਫਲ ਅੱਜ ਤੁਹਾਡੇ ਵਿੱਚ ਪਾਏ ਜਾਂਦੇ ਹਨ?

ਪਵਿੱਤਰ ਸ਼ਾਸਤਰ ਧਾਰਮਿਕਤਾ ਦੇ ਫਲ (ਫਿਲਿੱਪੀਆਂ 1:10), ਹਰ ਚੰਗੇ ਕੰਮ ਦੇ ਫਲ (ਕੁਲੁੱਸੀਆਂ 1:10), ਅਤੇ ਸਾਡੇ ਬੁੱਲ੍ਹਾਂ ਦੇ ਫਲ ਦੇ ਬਾਰੇ ਵੀ ਗੱਲ ਕਰਦਾ ਹੈ ਜਿਹੜੇ ਉਸ ਦੇ ਨਾਮ ਦਾ ਧੰਨਵਾਦ ਕਰਦੇ ਹਨ(ਇਬਰਾਨੀਆਂ 13:15)। ਪ੍ਰਭੂ ਨੇ ਕਿਰਪਾ ਨਾਲ ਇੱਕ ਖੁਸ਼ਹਾਲ ਅਤੇ ਧੰਨ ਜੀਵਨ ਦਿੱਤਾ ਹੈ। ਇਹ ਸਭ ਕੁੱਝ ਤੁਹਾਡੇ ਲਈ ਇਸ ਸੰਸਾਰ ਵਿੱਚ ਅਤੇ ਸਵਰਗ ਵਿੱਚ ਵੀ ਉਸਦੇ ਲਈ ਫਲ ਦੇਣ ਦੇ ਲਈ ਦਿੱਤਾ ਗਿਆ ਹੈ। ਸਵਰਗ ਵਿੱਚ ਰੁੱਖ ਦੇ ਬਾਰੇ, ਪਵਿੱਤਰ ਸ਼ਾਸਤਰ ਕਹਿੰਦਾ ਹੈ: “ਉਸ ਨਦੀ ਦੇ ਦੋਨਾਂ ਕਿਨਾਰਿਆਂ ਉੱਤੇ ਜੀਵਨ ਦਾ ਬਿਰਛ ਹੈ, ਜਿਸ ਨੂੰ ਬਾਰਾਂ ਪਰਕਾਰ ਦੇ ਫਲ ਲੱਗਦੇ ਹਨ ਅਤੇ ਉਹ ਹਰ ਮਹੀਨੇ ਆਪਣਾ ਫਲ ਦਿੰਦਾ ਹੈ, ਅਤੇ ਉਸ ਬਿਰਛ ਦੇ ਪੱਤੇ ਕੌਮਾਂ ਦੇ ਇਲਾਜ ਦੇ ਲਈ ਹਨ”(ਪ੍ਰਕਾਸ਼ ਦੀ ਪੋਥੀ 22:2)।

ਪ੍ਰਮੇਸ਼ਵਰ ਦੇ ਪਿਆਰੇ ਬੱਚਿਓ, ਤੁਸੀਂ ਰਸਤੇ ਦੇ ਕਿਨਾਰੇ ਲਗਾਏ ਗਏ ਆਮ ਰੁੱਖ ਨਹੀਂ ਹੋ। ਤੁਸੀਂ ਵਗਦੇ ਪਾਣੀ ਦੀਆਂ ਨਦੀਆਂ ਦੁਆਰਾ ਲਗਾਏ ਗਏ ਰੁੱਖ ਹੋ। ਸਮਾਂ ਆਉਣ ਤੇ ਫਲ ਦੇਣ ਵਾਲੇ ਰੁੱਖ ਅਤੇ ਕਦੇ ਨਾ ਮੁਰਝਾਉਣ ਵਾਲੇ ਰੁੱਖ ਤੁਸੀਂ ਹੋ। ਪ੍ਰਮੇਸ਼ਵਰ ਦੀ ਉਸਤਤ ਕਰੋ ਅਤੇ ਧੰਨਵਾਦ ਦਿਓ, ਤੁਹਾਨੂੰ ਐਨੀ ਅਦਭੁੱਤ ਬਰਕਤ ਦੇਣ ਦੇ ਲਈ।

ਅਭਿਆਸ ਕਰਨ ਲਈ – “ਕਿਉਂਕਿ ਮੇਰੀ ਪਰਜਾ ਦੇ ਦਿਨ ਤਾਂ ਰੁੱਖ ਦੇ ਦਿਨਾਂ ਵਰਗੇ ਹੋਣਗੇ, ਅਤੇ ਮੇਰੇ ਚੁਣੇ ਹੋਏ ਆਪਣੇ ਹੱਥਾਂ ਦੇ ਕੰਮਾਂ ਦਾ ਲੰਮੇ ਸਮੇਂ ਤੱਕ ਅਨੰਦ ਮਾਣਨਗੇ”(ਯਸਾਯਾਹ 65:22)।