ਨਵੰਬਰ 16 – ਪਹਿਲਾ ਫਲ!

“ਉਸ ਨੇ ਆਪਣੀ ਹੀ ਮਰਜ਼ੀ ਨਾਲ ਸਾਨੂੰ ਸਚਿਆਈ ਦੇ ਬਚਨ ਨਾਲ ਜਨਮ ਦਿੱਤਾ ਤਾਂ ਜੋ ਅਸੀਂ ਉਹ ਦੀਆਂ ਰਚਨਾਂ ਵਿੱਚੋਂ ਪਹਿਲੇ ਫਲ ਜਿਹੇ ਹੋਈਏ”(ਯਾਕੂਬ ਦੀ ਪੱਤ੍ਰੀ 1:18)।

ਤੁਸੀਂ ਸਾਰੇ ਪਹਿਲੇ ਫਲ ਬਣਨ ਦੇ ਲਈ ਪੂਰਵ ਨਿਰਧਾਰਿਤ ਹੋ। ਅਤੇ ਇਸੇ ਮਕਸਦ ਨਾਲ ਪਰਮੇਸ਼ੁਰ ਨੇ ਤੁਹਾਨੂੰ ਸੱਚ ਦੇ ਵਚਨ ਦੁਆਰਾ ਉਤਪੰਨ ਕੀਤਾ ਹੈ।

ਸਿਰਫ਼ ‘ਪਹਿਲੇ ਫਲ’ ਸ਼ਬਦ ਦਾ ਧਿਆਨ ਕਰੋ! ਆਮ ਤੌਰ ‘ਤੇ ਇੱਕ ਰੁੱਖ ਟਾਹਣੀਆਂ ਅਤੇ ਪੱਤਿਆਂ ਦੇ ਨਾਲ ਨਿੱਕਲਦਾ ਹੈ, ਅਤੇ ਫੁੱਲ ਪੈਦਾ ਕਰਦਾ ਹੈ। ਇਹਨਾਂ ਵਿੱਚੋਂ ਕਈ ਫੁੱਲ ਮੁਰਝਾ ਸਕਦੇ ਹਨ, ਅਤੇ ਫੁੱਲਣ ਦੀ ਅਵਸਥਾ ਤੱਕ ਨਹੀਂ ਪਹੁੰਚਦੇ ਹਨ। ਇੱਥੋਂ ਤੱਕ ਕਿ ਜਿੰਨੇ ਵੀ ਫੁੱਲ ਖਿੜਦੇ ਹਨ, ਉਹ ਫਲ ਬਣਨ ਤੱਕ ਨਹੀਂ ਰਹਿੰਦੇ ਅਤੇ ਉਨ੍ਹਾਂ ਵਿੱਚੋਂ ਕੁੱਝ ਕੀੜੇ ਜਾਂ ਤੇਜ਼ ਹਵਾਵਾਂ ਨਾਲ ਨਸ਼ਟ ਹੋ ਜਾਂਦੇ ਹਨ। ਪਰ ਕੁੱਝ ਆਖਰਕਾਰ ਇਸ ਨੂੰ ਇੱਕ ਪੱਕੇ ਫਲ ਦੇ ਰੂਪ ਵਿੱਚ ਬਣਾਉਂਦੇ ਹਨ, ਜਿਹੜੇ ਸਿਹਤਮੰਦ, ਮਿੱਠੇ ਅਤੇ ਸੁਹਾਵਣੇ ਹੁੰਦੇ ਹਨ ਜਿਹੜੇ ਰੁੱਖ ਦੇ ਪਹਿਲੇ ਫਲ ਵਿੱਚ ਬਦਲ ਜਾਂਦੇ ਹਨ।

ਜਦੋਂ ਕਣਕ ਦੀ ਖੇਤੀ ਕੀਤੀ ਜਾਂਦੀ ਹੈ, ਤਾਂ ਵਾਢੀ ਦੇ ਮੌਸ਼ਮ ਵਿੱਚ, ਕੁੱਝ ਢੇਰ ਹੋਣਗੇ ਜਿਹੜੇ ਅਨਾਜ ਤੋਂ ਰਹਿਤ ਹੋਣਗੇ। ਕਣਕ ਦੀ ਕਟਾਈ ਤੋਂ ਬਾਅਦ, ਕਿਸਾਨ ਪਰਾਲੀ ਨੂੰ ਅਲੱਗ ਕਰ ਕੇ ਸਾੜ ਦਿੰਦਾ ਹੈ, ਜਦੋਂ ਕਿ ਕਣਕ ਦੇ ਦਾਣੇ ਕੋਠੇ ਵਿੱਚ ਇਕੱਠੇ ਹੋ ਜਾਂਦੇ ਹਨ।

ਇਹ ਸੱਚ ਹੈ ਕਿ ਮਸੀਹ ਯਿਸੂ ਨੇ ਸਲੀਬ ਉੱਤੇ ਦੁੱਖ ਝੱਲੇ, ਆਪਣਾ ਕੀਮਤੀ ਲਹੂ ਵਹਾਇਆ ਅਤੇ ਸਾਡੇ ਵਿੱਚੋਂ ਹਰੇਕ ਦੇ ਲਈ ਮਰ ਗਏ। ਅਤੇ ਉਹ ਤੀਸਰੇ ਦਿਨ ਫ਼ੇਰ ਜੀ ਉੱਠੇ। ਜਦੋਂ ਕਿ ਇਸ ਮਹਾਨ ਘਟਨਾ ਨੇ ਕਈ ਲੋਕਾਂ ਦੇ ਦਿਲਾਂ ਨੂੰ ਛੂਹਿਆ ਹੈ, ਉਹ ਆਪਣੇ ਮਸੀਹ ਵਿਸ਼ਵਾਸ ਵਿੱਚ ਹੋਰ ਪਰਿਪੱਕ ਹੋਏ ਬਿਨਾਂ ਹੀ ਰੁਕ ਜਾਂਦੇ ਹਨ। ਉਨ੍ਹਾਂ ਵਿੱਚੋਂ ਕੁੱਝ, ਫਿਰ ਤੋਂ ਜਨਮ ਲੈਣ ਦੇ ਤਜ਼ਰਬੇ ਤੋਂ ਬਾਅਦ ਵੀ, ਦੁਨੀਆਂ ਦੀ ਪਾਲਣਾ ਕਰਦੇ ਹਨ ਅਤੇ ਆਪਣੇ ਵਿਸ਼ਵਾਸ ਵਿੱਚ ਪਿੱਛੇ ਹੱਟ ਜਾਂਦੇ ਹਨ। ਕੁੱਝ ਹੋਰ ਅਜਿਹੇ ਵੀ ਹਨ, ਜਿਹੜੇ ਛੁਟਕਾਰੇ ਦਾ ਤਜ਼ਰਬਾ ਕਰਨ ਤੋਂ ਬਾਅਦ ਵੀ, ਦੁਨੀਆਂ ਦੇ ਸੁੱਖਾਂ ਵੱਲ ਖਿੱਚੇ ਜਾਂਦੇ ਹਨ ਅਤੇ ਪਿੱਛੇ ਹੱਟ ਜਾਂਦੇ ਹਨ ਕਿਉਂਕਿ ਉਹਨਾਂ ਦੇ ਕੋਲ ਇੱਕ ਮਜ਼ਬੂਤ ਪ੍ਰਾਰਥਨਾ ਜੀਵਨ ਨਹੀਂ ਹੈ।

ਹਾਲਾਂਕਿ, ਕੁੱਝ ਅਜਿਹੇ ਵੀ ਹਨ ਜਿਹੜੇ ਪਰਿਪੱਕਤਾ ਦੇ ਇਹਨਾਂ ਸਾਰੇ ਪੜਾਵਾਂ ਵਿੱਚੋਂ ਅੱਗੇ ਵੱਧਦੇ ਹਨ, ਬਪਤਿਸਮਾ ਲੈਂਦੇ ਹਨ, ਮਸਹ ਪ੍ਰਾਪਤ ਕਰਦੇ ਹਨ ਅਤੇ ਪ੍ਰਭੂ ਦੇ ਲਈ ਅਲੱਗ ਜੀਵਨ ਜੀਉਂਦੇ ਹਨ। ਉਹ ਪ੍ਰਭੂ ਵਿੱਚ ਦ੍ਰਿੜ੍ਹ ਰਹਿੰਦੇ ਹਨ ਅਤੇ ਸੰਪੂਰਨਤਾ ਅਤੇ ਪਵਿੱਤਰਤਾ ਦੇ ਵੱਲ ਇੱਕ ਸਥਿਰ ਨਿਰੰਤਰ ਕਰਦੇ ਹਨ, ਅਤੇ ਇੱਕ ਜੇਤੂ ਜੀਵਨ ਜੀਉਂਦੇ ਹਨ।

ਇਸਰਾਏਲੀਆਂ ਨੂੰ ਜਦੋਂ ਮਿਸਰ ਦੀ ਗ਼ੁਲਾਮੀ ਤੋਂ ਆਜ਼ਾਦ ਕੀਤਾ ਗਿਆ ਸੀ, ਤਾਂ ਉਨ੍ਹਾਂ ਨੂੰ ਕਨਾਨ ਵਿੱਚ ਦਾਖਲ ਹੋਣ ਦੇ ਲਈ ਬੁਲਾਇਆ ਗਿਆ ਸੀ। ਪਰ ਉਨ੍ਹਾਂ ਵਿੱਚੋਂ ਕਈ, ਮਿਸਰ ਦੇ ਲਸਣ, ਪਿਆਜ਼ ਅਤੇ ਖਰਬੂਜਿਆਂ ਦੇ ਲਈ ਆਪਣੇ ਦਿਲ ਦੀ ਲਾਲਸਾ ਦੇ ਕਾਰਨ, ਉਜਾੜ ਦੇ ਰਸਤੇ ਵਿੱਚ ਮਰ ਗਏ। ਉੱਥੇ ਹੋਰ ਵੀ ਸੀ, ਉਨ੍ਹਾਂ ਦੇ ਦੁਆਰਾ ਪ੍ਰਭੂ ਦਾ ਪਰਤਾਵਾ ਲੈਣ ਅਤੇ ਉਨ੍ਹਾਂ ਦੇ ਬੁੜਬੁੜਾਉਣ ਦੇ ਕਾਰਨ, ਉਨ੍ਹਾਂ ਦੇ ਬੁਲਾਵੇ ਤੋਂ ਮਨਾ ਕੀਤਾ ਗਿਆ ਸੀ। ਉਸੇ ਸਮੇਂ, ਉਨ੍ਹਾਂ ਲੋਕਾਂ ਵਿੱਚੋਂ, ਜਿਹੜੇ ਮਿਸਰ ਤੋਂ ਸ਼ੁਰੂ ਹੋਏ ਸੀ, ਸਿਰਫ਼ ਯਹੋਸ਼ੁਆ ਅਤੇ ਕਾਲੇਬ ਹੀ ਪਹਿਲੇ ਫਲ ਦੇ ਰੂਪ ਵਿੱਚ ਵਾਰਿਸ ਬਣਨ ਅਤੇ ਕਨਾਨ ਵਿੱਚ ਦਾਖਲ ਹੋਣ ਦੇ ਯੋਗ ਸੀ।

ਪਰਮੇਸ਼ੁਰ ਦੇ ਪਿਆਰੇ ਬੱਚਿਓ, ਜਦੋਂ ਤੁਸੀਂ ਮਸੀਹ ਯਿਸੂ ਨੂੰ ਆਪਣਾ ਪ੍ਰਭੂ ਅਤੇ ਮੁਕਤੀਦਾਤਾ ਸਵੀਕਾਰ ਕਰਦੇ ਹੋ, ਤਾਂ ਤੁਸੀਂ ਇੱਕ ਨਵੀਂ ਸ੍ਰਿਸ਼ਟੀ ਬਣ ਜਾਂਦੇ ਹੋ। ਜਦੋਂ ਕਿ ਇਹ ਸ਼ੁਰੂਆਤ ਹੈ, ਤੁਹਾਨੂੰ ਲਗਾਤਾਰ ਵੱਧਦੇ ਅਤੇ ਪਰਿਪੱਕ ਹੋਣਾ ਅਤੇ ਮਸੀਹ ਵਿੱਚ ਪਵਿੱਤਰ ਅਤੇ ਸੰਪੂਰਨ ਹੋਣਾ ਕਦੇ ਨਹੀਂ ਭੁੱਲਣਾ ਚਾਹੀਦਾ।

ਅਭਿਆਸ ਕਰਨ ਲਈ – “ਜਿਸ ਦੀ ਅਸੀਂ ਖ਼ਬਰ ਦਿੰਦੇ ਹਾਂ ਅਤੇ ਹਰੇਕ ਮਨੁੱਖ ਨੂੰ ਸੁਚੇਤ ਕਰਦੇ ਅਤੇ ਹਰੇਕ ਮਨੁੱਖ ਨੂੰ ਪੂਰੇ ਗਿਆਨ ਨਾਲ ਉਪਦੇਸ਼ ਦਿੰਦੇ ਹਾਂ ਕਿ ਅਸੀਂ ਹਰੇਕ ਮਨੁੱਖ ਨੂੰ ਮਸੀਹ ਵਿੱਚ ਸਿੱਧ ਕਰ ਕੇ ਪੇਸ਼ ਕਰੀਏ”(ਕੁਲੁੱਸੀਆਂ 1:28)।